Archive

Archive for the ‘ප්‍රවෘත්ති’ Category

බඩේ දැවිල්ල සහ ගැස්ට්‍රයිටීස් සුව කරන වැල්මී සහ අළු කෙසෙල්

February 23rd, 2018 Comments off
feature-top

අද කාලේ කවුරුත් ගෙවන කාර්යබහුල ජීවන රටාවත් එක්ක බොහෝ දෙනෙකුට හැදෙන රෝගයක් තමයි ගැස්ට්‍රයිටීස්. අපේ උදරයේ සහ සමහර විට පපුව, උගුර ආදී ප්‍රදේශවල දැවිල්ලකුත් එක්ක ඇති වෙන මේ රෝගයට හේතුව තමයි අපේ ආමාශයේ ආම්ලිකතාව ඉහළ යන එක. මේ ආම්ලිකතාව ස්වාභාවිකවම ඇති වෙලා තියෙන්නේ අපි ගන්නා ආහාර ජීර්ණය කිරීම සඳහායි. සාමාන්‍යයෙන් ආහාර ජීර්ණයත් එක්ක ආම්ලිකතාව අඩු වී ගිහින් නැවත ආහාර ගැනීමේදී එය ජීර්ණය කිරීම වෙනුවෙන් අලුතෙන් අම්ල ශ්‍රාවය වීම චක්‍රයක් වගේ සිදු වෙනවා. මේ ක්‍රියාවලියේ සංකූලතා මතු වෙලා අදාළ ආම්ලිකතාව නිසා ආමාශයට හානි සිදු වීම තමයි ගැස්ට්‍රයිටීස් උත්සන්න වෙන්න හේතු වෙන්නේ.


ගැස්ට්‍රයිටීස් නිසා ආමාශ බිත්තියේ තුවාල හට ගන්නවා. 

කාලයකට සැරයක් විවිධ හේතු නිසා ආමාශයේ ආම්ලිකතාව ඉහළ යාම නිසා සාමාන්‍යයෙන් කියන විදිහට බඩ පුරවා දැමීම කියන තත්වය ඇති වෙන්න පුළුවන්. කොහොම නමුත් කල් පවතින, නිතර ඇති වන ආම්ලිකතාව තමයි ගැස්ට්‍රයිටීස් විදිහට හඳුන්වන්නේ. තරමක් දුරට ජානමය සාධක නිසාත් කෙනෙකුට ගැස්ට්‍රයිටීස් ඇති වෙන්න ඉඩකඩක් තිබුණත් බොහෝ විට එයට හේතු වෙන්නේ අපේ ආහාර රටාවේ තියෙන අඩුපාඩු තමයි. ප්‍රධාන වශයෙන්ම නිසි වෙලාවට ආහාර නොගැනීම, කෙටි ආහාරවලින් ප්‍රධාන ආහාර වේල්වල අවශ්‍යතාව පුරවා ගැනීම සහ විශේෂයෙන්ම උදේ ආහාර වේල නොගැනීම ගැස්ට්‍රයිටීස්වලට ප්‍රධාන හේතුවක් වෙනවා.

ඉතින් අද මේ ලිපියෙන් කතා කෙරෙන්නේ ඒ විදිහට හැදෙන ගැස්ට්‍රයිටීස් තත්ත්වය සුව කර ගන්න අපිට බොහොම පහසුවෙන් සොයා ගන්න පුළුවන් ශාක දෙකක් ගැනයි. ඒ තමයි වැල්මී සහ අළු කෙසෙල්.

මොනවද මේ වැල්මී?

වැල්මී කියන නම අපි බොහෝ දෙනෙක් අහලා තියෙනවා වුණාට ඒ ගැන වැඩි දැනුමක් ඔබට නොතිබෙන්න පුළුවන්. වැල්මී කියන්නේ ගසක්ද වැලක්ද කියන එක තවමත් විවාදයට ලක් වෙන කරුණක්. සාමාන්‍යයෙන් පඳුරු ශාකයක් විදිහට හැඳින්වෙන වැල්මීවල විද්‍යාත්මක නාමය වෙන්නේ Glucyrrhiza glabra Linn. අඩි 4-5 ක් උසට වැවෙන වැල්මී ශාකය මැදපෙරදිග සහ ග්‍රීසිය ඇතුළු දකුණු යුරෝපීය රටවලට ආවේණිකයි. පසුකාලීනව ඉන්දියාවේ සහ පකිස්තානයේත් වැල්මී වගා කෙරුණත් සාමාන්‍යයෙන් තවමත් උසස්ම වැල්මී විදිහට සැලකෙන්නේ යුරෝපයේ හෝ මැදපෙරදිග සිට ආනයනය කෙරෙන වැල්මී වර්ගයි. ශ්‍රී ලංකාවේ වැල්මී වැවෙන්නේම නැති තරම්.

ආයුර්වේද වෙළඳසැලකින් වැල්මී ගන්න ගියොත් ලැබෙන්නේ අපේ කුඩා ඇඟිල්ල තරමේ දිගැටි මුල් වගේ ජාතියක්. පාටින් දුඹුරු පැහැයට හුරු වැල්මී විකිණීමේදී බොහෝ දුරට පිටත පොත්ත ඉවත් කරනවා. මේ මුලක් හපලා බැලුවොත් දැනෙන්නේ මිහිරි පැණි රසක්. මේ නිසා විවිධ ක්‍රමවලට සකසපු වැල්මී යුරෝපයේ බොහෝ ග්‍රාමීය ප්‍රදේශවල රසකැවිල්ලක් විදිහටත් පාවිච්චි වෙනවා. මිහිරි රසය වගේම කටේ දුර්ගන්ධය ඉවත් කරන්නත් වැල්මී හේතු වෙනවා.

කොහොම නමුත් වැල්මීවල වැදගත්ම ගුණය වෙන්නේ උදරය ආශ්‍රිත බොහෝ ආබාධ සුව කරන්න තියෙන හැකියාවයි. ගැස්ට්‍රයිටීස්, ආමාශයේ තුවාල, විෂබීජ ආසාදන, මළ බද්ධය වගේ ගැටළුවලට වැල්මී ඉතාම ගුණදායකයි. එළකිරි සමග වැල්මී මිශ්‍ර කරලා දිනපතා උදේට බීමට ගැනීමෙන් පහසුවෙන්ම ගැස්ට්‍රයිටීස් සමනය කරගන්න හැකියාව තියෙනවා. උදරයේ ආම්ලිකතාව සමනය කරන ආයුර්වේද වට්ටෝරු අති විශාල ප්‍රමාණයක වැල්මී අන්තර්ගත වෙන්නේ එහි පවතින අපූරු ගුණය නිසාමයි.

කවුරුත් දන්නා අළු කෙසෙල්.
අළු කෙසෙල් ගැන නම් නොදන්නා කෙනෙක් ඉන්න අමාරුයි. සිරුරට සිසිල ගෙනෙන, ගුණදායක එළවලුවක් විදිහට අළු කෙසෙල් හඳුන්වන්න පුළුවන්. සාමාන්‍යයෙන් මිලෙන් අඩුම එළවළුවක් වගේම ආහාරමය තන්තු ප්‍රතිශතය ඉහළම ආහාරයක් විදිහටත් අළු කෙසෙල් සැලකෙනවා. සාමාන්‍යයෙන් පළතුරක් විදිහට ආහාරයට ගන්නා වෙනත් කෙසෙල් වර්ගවලට සමානව වැවෙන අළු කෙසෙල් ඉදෙන්නට පෙර තමයි එළවළුවක් විදිහට භාවිතයට ගැනෙන්නේ.

අළු කෙසෙල් කියන්නෙත් වැල්මී වගේම ආමාශයේ ගැටළු බොහොමයකට ඉතාම ගුණදායක ආහාරයක්. තාවකාලිකව ආම්ලිකතාව ඉහළ යාම නිසා ඇති වන බඩේ දැවිල්ල සමනය කරගන්න අළු කෙසෙල් මාළුව සහිතව ආහාර ගැනීම ඉතාම සුදුසුයි. ඒ වගේම අළු කෙසෙල් නිතර ආහාර වේලට එකතු කර ගැනීම දිගු කාලීනව ගැස්ට්‍රයිටීස් ඇති වීමෙන් වැළකී ඉන්නත් හොඳ උපකාරයක් වෙනවා. මීට අමතරව ඉතාම පහසුවෙන් ජීර්ණයට ලක් වන, අජීර්ණ වළක්වන ආහාරයක් විදිහටත් අළු කෙසෙල් ඉතාම ප්‍රසිද්ධයි. විශේෂයෙන්ම අර්ශස් රෝගයෙන් පීඩා විඳින අයටත් අළු කෙසෙල් ආහාරයට ගැනීමෙන් වේදනාව සහ රුධිර වහනය අවම කරගන්න හැකියාව තියෙනවා.

බොහෝ විට අළු කෙසෙල් පොත්ත ඉවත් කර ව්‍යංජන විදිහට සකස් කර ගැනුණත් අළු කෙසෙල් ඇසුරෙන් පිළියෙළ කරගන්න පුළුවන් වෙනත් රසවත් ආහාර වට්ටෝරු බොහොමයි.

වැල්මී සහ අළු කෙසෙල්වල සාරය කැටි කර ගත් බරකා ගැස්ට්‍රිකෙයා

ස්වාභාවික, ගුණදායක දේවල් බොහොමයක් තිබුණත් අද වැඩි දෙනා පහසුව වෙනුවෙන් හුරු වෙලා තියෙන්නේ ඉක්මන් විසඳුමක් දෙන දේවල්වලට. විශේෂයෙන්ම ගැස්ට්‍රයිටීස් තියෙන, නිතර බඩේ දැවිල්ල ඇති වන බොහෝ දෙනෙක් උදරයේ ආම්ලිකතාව ඉක්මණින් අවම කරන පෙති වර්ග තමන් ගාවම තියාගෙන ඉන්න එක පුරුද්දක් කරගෙන ඉන්නවා. කොහොම නමුත් විවිධ රසායනික භාෂ්මික සංයෝග අඩංගු මේ පෙතිවලින් ඒ වෙලාවට ඇති වෙන සහනයට එහා ගිය දෙයක් සිදු වෙන්නේ නැහැ.

ගැස්ට්‍රයිටීස් සහ බඩේ දැවිල්ල සුව කරගන්න ඉක්මන්, පහසු විසඳුමක් වගේම දීර්ඝකාලීනව රෝගය සුව කරගන්නත් උදව් වෙන නිෂ්පාදනයක් විදිහට බරකා නිවසින් ගෙන එන ගැස්ට්‍රිකෙයා සුවිශේෂී වන්නේ මේ නිසායි. අපි කලින් කතා කරපු වැල්මී සහ අළු කෙසෙල්වල සාරය අපේ සිරුරට ඉතාම ඉක්මනින් උරා ගන්න පුළුවන් විදිහට කළු දුරු කුඩුත් එක්ක මුසු කිරීමෙනුයි ගැස්ට්‍රිකෙයා සකස් කෙරෙන්නේ. ආයුර්වේද නිෂ්පාදනවලින් ලෝකය පුරාම ඉහළ පිළිගැනීමක් හිමි කරගෙන තියෙන බයෝ එක්ස්ට්‍රෑක්ට්ස් ආයතනයේ බරකා නිෂ්පාදන පෙළ විවිධ කෂාය, ගුලි වර්ග තැම්බීම වගේ අපහසුතා නිසා අපෙන් ඈත් වෙන ආයුර්වේද වට්ටෝරුවල පවතින ස්වභාවික ගුණය ගෙන එන්නට විශාල දායකත්වයක් ලබා දෙනවා.

අවශ්‍ය වෙලාවට පහසුවෙන්ම බොන්න පුළුවන් විදිහට සකස් කරලා තියෙන ගැස්ට්‍රිකෙයා කරල් දෙකක් ගැනීමෙන් බඩේ දැවිල්ලට ඉක්මන් විසඳුමක් ලබා ගන්න පුළුවන්. ඒ වගේම දිනපතා උදේට සවසට ගැස්ට්‍රිකෙයා කරලක් ගැනීමෙන් බඩේ ආම්ලිකතාව ඉහළ යන්නත්, ගැස්ට්‍රයිටීස් ඇති වෙන්නත් තියෙන ඉඩකඩත් අවම වෙනවා. සෞඛ්‍ය අමාත්‍යංශයේ, ආයුර්වේද දෙපාර්තමේන්තුවේ අනුමැතිය වගේම SLS, ISO 22000 ඇතුළු තත්ත්ව සහතික ගණනාවකින්ම පිදුම් ලබා තිබෙන බරකා නිෂ්පාදන පෙළේ ජනප්‍රියම නිෂ්පාදනයක් වන ගැස්ට්‍රිකෙයා ඔබටත්, ගැස්ට්‍රයිටීස් රෝගයෙන් පෙළෙන ඔබේ මිතුරන්ට, වැඩිහිටියන්ටත් ඉතා හොඳ විසඳුමක් වේවි. දිවයින පුරාම ඕනෑම ආයුර්වේද වෙළඳසැලකින් ගැස්ට්‍රිකෙයා මිලදී ගන්න හැකියාව තියෙනවා.
Categories: ප්‍රවෘත්ති Tags:

පාසල් ගුරුවරියන්ට ගිනි අවි පුහුණුව – ජනපතිගේ අලුත්ම තීරණය මෙන්න

February 22nd, 2018 Comments off


Image result for indian school teacher
ගුරුවරියන් ගැන කතා කරනකොට ලංකාවේ ගුරුවරියන් ගැන බොහෝ සෙයින් කතාබහට ලක්වුණා විවිධ

ඒ, දේශපාලඥයන්ගේ ක්‍රියාවන් නිසා.

මේ නිසා ගුරුවරියන්ට විවිධ කරදරවලට මුහුණ පාන්නට සිදුවුණා.

හැබැයි අපි මේ කියන්න යන්නේ ලංකාවේ ගුරුවරියන් ගැනනම් නෙවෙයි. මේ සිද්ධිය වෙලා තියෙන්නේ අමෙරිකාවේ.

අමෙරිකාවේ ගුරුවරුන්ට ගිනි අවි පුහුණුව දෙන්න ඩොනල්ඩ් ට්‍රම්ප් තීරණය කරලා තියෙනවා.

ඒ එරට පාසල්වලට එල්ලවන ත්‍රස්ත ප්‍රහාර හේතුවෙන්.

පාසල් වලට සිද්ධ වෙන වෙඩි තැබීම් වලට ක්ෂණික ක්‍රියාමාර්ග ගන්න ඔවුන්ට පුළුවන් වෙනවා කියලා තමයි ඇමෙරිකානු ජනාධිපතිවරයා කියලා තියෙන්නේ.

එ් වගේම අමෙරිකාවේ පාසල් ආශ්‍රිතව ආයුධ සන්නද්ධ කලාප පිහිටුවීමටත් නියමිත බවට වාර්තා වනවා. 
(under the courtesy of adaderana.lk news web)
Categories: ප්‍රවෘත්ති Tags:

ඇස් ගහන කෙල්ලට සකර්බර්ග්ටත් වැඩිය ෆෑන්ස් ලා!

February 22nd, 2018 Comments off
feature-top

මලයාලම් නිළියක් වන ඇය නමින් ප්‍රියා ප්‍රකාශ් වාරියර් වුවත්, ඇයව වැඩිදෙනෙකු හඳුනන්නේ ‘ඇස් ගහන කෙල්ල’ ලෙසයි.

ඉදිරියේදී එළිදැක්වීමට නියමිත ’ඕරු ආදර් ලව්’ නම් චිත්‍රපටයේ ‘මාණික්‍ය මලරාය පූවි’ ගීතය පසුගියදා එළිදැක්වීමත් සමග ඇය ලොවපුරා ජනප්‍රියත්වයට පත්වූවාය.

ඇය කෙතරම් ජනප්‍රියත්වයට පත්වූවාදැයි පැවසුවහොත් ඉන්ස්ටර්ග්‍රෑම් හි ඇගේ අනුගාමිකයන් මිලියන 4.5ක් දක්වා වර්ධනය විය. ෆේස්බුක් නිර්මාතෘ - මාක් සකර්බර්ග් හට ඇත්තේ ද ඉන්ස්ටර්ග්‍රෑම් මිලියන 4ක් පමණි.

ප්‍රියා සමග අතිජනප්‍රිය වූ ‘මාණික්‍ය මලරාය පූවි’ ගීතය පහතින් 

(under the courtesy of srilankamirror.lk news web)

Categories: ප්‍රවෘත්ති Tags:

මධ්‍යම අධිවේගයේ තෙවන කොටස ජපානයට…

February 21st, 2018 Comments off

මධ්‍යම අධිවේගී මාර්ගයේ 3 වන කොටස වන පොතුහැර සිට රඹුක්කන හරහා ගලගෙදර දක්වා වන කිලෝමීටර 32.5ක් දිගැති මාර්ග කොටස ඉදි කිරීම සඳහා ජපන්යෙන් බිලියන 100ක අරමුදල් සැපයීමට ජපානයේ ටෝකියෝ මිට්සුබිෂි බැංකුව එකඟ වී තිබේ.

ඒ අනුව, එම මාර්ග කොටස ඉදි කිරීමේ කොන්ත්‍රාත්තුව, ජපානයේ M/s Taisei Corporation ආයතනය වෙත පිරිනැමීම පිණිස ජාතික ප්‍රතිපත්ති හා ආර්ථික කටයුතු අමාත්‍යතුමා වශයෙන් අග්‍රාමාත්‍ය රනිල් වික්‍රමසිංහ මහතා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.
Categories: ප්‍රවෘත්ති Tags:

දියතලාව බස් එකේ පිපිරී ඇත්තේ බෑගයක් තුළ අත්බෝම්බයක්

February 21st, 2018 Comments off

යුද හා ගුවන් හමුදා නිලධෘරින් 12 දෙනෙකු ඇතුළු 19 දෙනෙකුට තුවාල සිදුකරමින් අද අලුයම් කාලයේ දියතලාවේ බස් රථයක් තුළ ඇතිවූ පිපිරීම හා ගින්න එම බසයේ ගමන් කළ අයෙකුගේ බෑගයක තිබුණ අත්බෝම්බයක් පිපිරීමෙන් සිදුව ඇතැයි මූලික පරීක්ෂණ වලදී අනාවරණයවී තිබේ.

දියතලාව - කහගොල්ල ප්‍රදේශයේදී බස් රථය තුළ ඇතිවූ පිපිරුමෙන් බස් රථයද ගිනිගත් අතර අවට සිටි අයට තුවාල සිදුවිය.දියතලාව කඳවුරේ සෙබළෙකු තමන්ගේ පුද්ගලික පරිහරණය පිණිස බෑග් එකක දමාගෙන අත්බෝම්බය ගෙනයන්නට ඇති බවට සැක කෙරෙන අතර වැරදීමකින් පුපුරා යන්නට ඇතැයිද සැක කෙරේ.
කෙසේ වෙතත්, එය නිශ්චිතව සනාථ කළ හැක්කේ රජයේ රස පරීක්ෂකවරයාගේ වාර්තාව ලැබීමෙන් පසුව බව පොලිසිය දන්වා සිටී.ඊයේ රාත්‍රියේ යාපනයෙන් පිටත් වූ බස් රථයඅද අළුයම බණ්ඩාරවෙල නගරයට පැමිණ නැවත අද අලුයම පිටත්ව යද්දී  5 යි 45 ට පමණ දියතලාව - කහගොල්ල ප්‍රදේශයේදී  බස් රථය තුළ මෙම සිදුවීම හටගන්නා ලදි.

බස් රථය දියතලාව - කහගොල්ල ප්‍රදේශය පසුකරනවාත් සමඟම එහි පිපිරීයාමක් සිදුවී ගිනිගෙන ඇත.පිපිරීමත් සමඟ ඇති වූ ගින්නෙන් පුද්ගලයන් 19 දෙනෙකු තුවාල ලැබූ අතර යුද හමුදා සාමජිකයන් 7දෙනෙකු, ගුවන් හමුදා සාමාජිකයන් 5 දෙනෙකු සහ සිවිල් වැසියන් 7 දෙනෙකු ඒ අතර වනවා.තුවාල ලද යුද හමුදා සාමාජිකයින් දෙදෙනෙකුගේ තත්ත්වය බරපතල වන අතර එක් අයෙකුට ශල්‍යකර්මයක්සිදුකර පාදයෙන් කොටසක් ඉවත් කර ඇති බව රෝහල් ආරංචි මාර්ග සඳහන් කරයි.

තුවාල ලත් අයෙකු පවසා ඇත්තේ තමන් අසළ තිබෙන බෑගය එක්වර පිපිරී ගිනිගන්නා අයුරු දුටු බවයි.සිද්ධිය සම්බන්ධයෙන් යුද හමුදාව සහ පොලීසිය එක්ව මේ වනවිට විශේෂ පරීක්ෂණයක් අරඹා ඇත.

Categories: ප්‍රවෘත්ති Tags:

2018 උසස් පෙළ අයදුම්පත් භාගැනීමේ අනිද්දායින් අවසන්

February 21st, 2018 Comments off

2018 අධ්‍යයන පොදු සහතික පත්‍ර උසස් පෙළ විභාගය සඳහා අයදුම්පත් භාර ගැනීමේ කලය අනිද්දා දිනයෙන් අවසන් වන බව විභාග දෙපාර්තමේන්තුව පවසනවා.

ඒ අනුව පාසල් අයදුම්කරුවන්ගේ අයදුම්පත් විදුහල්පතිවරු මගින් ද, පෞද්ගලික අයදුම්කරුවන්ගේ අයදුම්පත් අදාළ අයදුම්කරුවන් විසින්ද, පෙබරවාරි 23 දින හෝ ඊට පෙර විභාග දෙපාර්තමේන්තුව වෙත යොමු කළ යුතු බවයි එම දෙපාර්තමේන්තුව සදහන් කරන්නේ.

එදිනට පසු යොමු කරන අයදුම්පත් කිසිඳු හේතුවක් මත බාර නොගන්නා බව සඳහන්
Categories: ප්‍රවෘත්ති Tags:

මුණගම කාන්තා ඝාතනයට ඇල්ලූ රොටියා රිමාන්ඩ්

February 21st, 2018 Comments off
feature-top
හොරණ , මුණගම , ඕවිටියගල රබර් ඉඩමක වළ දමා තිබියදි ගොඩගත් රත්නායක මුදියන්සේලාගේ කුසුමාවති ( 59 ) නැමති කාන්තාවගේ මරණය සම්බන්ධයෙන් විවෘත තින්දුවක් ලබා දුන් පාණදුර මුලික රෝහලේ අධිකරණ වෛද්‍ය නිලධාරි රුචිර නදිර මහතා ශරිර කොටස් රජයේ රස පරික්ෂකවරයා වෙත යවා වාර්තාවක් ලබා දෙන ලෙස 19 දා හොරණ පොලිසියට නියෝග කළේය .
උපුටා ගැනීම දිනමිණ පුවත් පත ඇසුරෙනි
මෙම කාන්තාව පසුගිය 02 දා රැකියාවට ගොස් හොරණ , මුණගම , වවුලුගල නිවසට පැමිණ නිදා ගැනිමට ඇගේ සහෝදරයාගේ නිවසට යන බව පවසා ගොස් ඇති අතර ආපසු පැමිණ නොතිබිණි . 08 වන දින නිවැසියන්ට ඇය රැකියාව කළ වෙළද ආයතනයෙන් ඇගේ නොපැමිණිම පිළිබද ලද විදුලි පුවත අනුව ඔවුන් විසින් සොයා බැලිමේදි පසු දින අලුයම 4.00 ට පමණ ආපසු ගිය බව එම නිවසින් පවසා තිබේ. මේ අනුව හොරණ පොලිසියට කරන ලද පැමිණිල්ලක් අනුව පරික්ෂණ ආරම්භ කෙරිණ . මරණය සම්බන්ධයෙන් ඇය සමග අනියම් ඇසුරක් පැවැත් වු හොරණ , මුණගම 32 හැවිරිදි රොෂාන් ප්‍රදිප් කුමාර විරසිංහ හෙවත් රොටියා නමින් හදුන්වන තරුණයෙකු සැකපිට අත් අඩංගුවට ගෙන ඇති අතර ඔහු මාර්තු 02 දින දක්වා බන්ධනාගාරගත කරන ලෙස හොරණ මහේස්ත්‍රාත් ජයරුවන් දිසානායක මහතා නියෝග කර තිබේ. 
Categories: ප්‍රවෘත්ති Tags:

දියතලාවේ බස් බෝම්බය ගැන රනිල් කට අරී….

February 21st, 2018 Comments off

යාපනයේ සිට දියතලාව දක්වා ධාවනය වෙමින් තිබූ බස් රථය ගිනි ගත්තේ ග්‍රෙනේඩ් වර්ගයේ බෝම්බයක් පුපරායාම නිසා බව අගමැති රනිල් වික‍්‍රමසිංහ පාර්ලිමේන්තුවට දැනුම් දුන්නේය.
ඒ ගැන අදහස් දැක්වූ අගමැතිවරයා මෙසේද පැවසුවේය.
‘‘දියතලාවේ බස් රථයක පිපිරීමක් වෙලා තියෙනවා. මේ ගැන මම යුද හමුදාපතිවරයාට කතා කරලා විමසුවා. ග්‍රෙනෙඩ් වර්ගයේ බෝම්බයක් පුපුරායාමෙන් මෙම සිදුවීම වී ඇති බව තමයි හමුදාපතිවරා පැවසුවේ’’
මේ සම්බන්ධයෙන් නීතිය හා සාමය ඇමැති සාගල රත්නායකද අදහස් දැක්වූ අතර ඔහු පැවසුවේ ග්‍රෙනේඩ් බෝම්බ පිපිරිම සම්බන්ධයෙන් රජයේ රස පරීක්ෂකවරයා පරික්ෂණයක් ආරම්භ කර ඇති බවය. රස පරීක්ෂක වාර්තාවෙන් පසුව වැඩිදුර කරුණු අනාවරණය කරගැනීමට හැකියාව ලැබෙන බවද ඔහු පැවසුවේය.
Categories: ප්‍රවෘත්ති Tags:

බොරැල්ලේ වෙඩි තැබීමට මධූෂ්ගේ කල්ලියේ සම්බන්ධයක්

February 21st, 2018 Comments off
feature-top
යතුරු පැදියකින් පැමිණි දෙදෙනෙකු කළ වෙඩි තැබීමකින් මෝටර් රථයක ගමන් කරමින් සිටි පුද්ගලයෙකු තුවාල ලබා කොළඹ ජාතික රෝහලට ඇතුළත් කර ඇතැයි පොලිසිය පවසයි.

සිද්ධියෙන් තුවාල ලබා ඇත්තේ කොටහේන ප්‍රදේශයේ පදිංචි 32 හැවිරිදි අසිත කුමාර නමැත්තෙකි.

මෙම තැනැත්තා ඥාති සහෝදරියක් සමග රාජගිරියේ සිට බොරැල්ල දෙසට යමින් සිටියදී යතුරු පැදියකින් ඔහු හඹා ආ පුද්ගලයන් දෙදෙනෙකුගෙන් එක් අයෙකු මෙම වෙඩි තැබීම කර ඇති බවට පොලිසියට තොරතුරු ලැබී ඇත.

මෙම වෙඩි තැබීම සිදුව ඇත්තේ බොරැල්ල කොටාපාර දුම්රිය හරස් මාර්ගය අසලදී ඊයේ රාත්‍රී 7.00 ට පමණය.

ප්‍රහාරය එල්ල කිරීමට පැමිණි දෙදෙනා සම්පූර්ණයෙන් මුහුණු ආවරණය වන පරිදි හිස් වැසුම් පැළඳ සිටි අතර ඔවුන් මිලිමීටර් 9 වර්ගයේ පිස්තෝලයකින් වෙඩි තැබීම සිදුකර ඇති බව පොලිසිය කියයි.

මෙම ප්‍රහාරයෙන් රියදුරු අසුනේ සිටි පුද්ගලයාගේ උදරය ප්‍රදේශයට වෙඩි වැදී ඇති අතර අවට සිටි පිරිස් ඔහු ජාතික රෝහලට ඇතුලත් කර ඇත.

දකුණේ පාතාල සාමාජිකයෙකු වන මාතර මධූෂ් නමැත්තාගේ ගෝලයෙකු මීට වසරකට ඉහතදී රාජගිරිය ඔබේසේකර ප්‍රදේශයේදී වෙඩි තබා ඝාතනය කර තිබූ අතර එම ඝාතනයට සැකපිට මෙම තුවාල ලැබූ තැනැත්තා අත්අඩංගුවට ගෙන බන්ධනාගාර ගතව සිට මීට සති කිහිපයකට පෙර ඇප මත නිදහස්ව පැමිණ ඇති බව පොලිසිය සඳහන් කරයි.

එම ඝාතනයට පළිගැනීම සඳහා මධූෂ්ගේ කල්ලිය මෙම වෙඩි තැබී සිදු කරන්නට ඇතැයි පොලිසිය සැක පල කරයි.


(under the courtesy of srilankamirror.lk news web)
Categories: ප්‍රවෘත්ති Tags:

තරුණියගේ මරණය රට පුරා දුම්රිය වර්ජනයකට ඉඩ??

February 21st, 2018 Comments off
ති‍්‍රකුණාමලය සහ කොළඹ අතර ධාවනය වන දුම්රිය රියදුරන් වර්ජනයක් ආරම්භ කර තිබෙනවා.
feature-top

ඒ, ඊයේ (20) රාති‍්‍රයේ තී‍්‍රකුණාමලයේ සිදුවූ දුම්රිය අනතුරකින් තරුණියක් මිය යාමේ සිද්ධියක් සම්බන්ධයෙන් ප‍්‍රකෝප වූ පිරිසක් දුම්රිය සේවකයින්ට පහර දීමට විරෝධය පළ කරමින්.

දුම්රිය එන්ජින් රියදුරන්ගේ සංගමයේ ලේකම් ඉන්දික දොඩම්ගොඩ සඳහන් කළේ අදාළ පහරදීමට සම්බන්ධ පිරිස අත්අඩංගුවට නොගතහොත් දීපව්‍යාප්ත අඛණ්ඩ වැඩවර්ජනයක් කි‍්‍රයාත්මක කරන බවයි.

මෙම අනතුරින් ජීවිතක්ෂයට පත්වූයේ විසි දෙහැවිරිදි තරුණියක්.

nethnews
Categories: ප්‍රවෘත්ති Tags: