Archive

Archive for the ‘දේශපාලන පුවත්’ Category

‘හරීන්, මරික්කාර්, නලීන්ගේ කට වැසෙයි?’..කැබිනට් රැස්වීමේදී එජාප මන්ත්‍රීන්ට ජනපතිගෙන් දෝස්මුරයක්..

January 16th, 2018 Comments off
එක්සත් ජාතික පක්ෂයේ ඇතැම් මැති ඇමැතිවරුන් තමන්ට විරුද්ධව කරන ප්‍රකාශවලට දැඩි විරෝධය පළ කළ ජනපති මෛත්‍රිපාල සිරිසේන මහතා අද(16) පැවැති කැබිනට් රැස්වීමෙන් නැගිට ගොස් ඇතැයි වාර්තාවේ. එසේ නැගිට යාමට පෙර ජනාධිපතිවරයා ඇමැතිවරුන් හමුවේ දීර්ඝ කථාවක් ද කර තිබේ. අද පැවැති කැබිනට් රැස්වීම ආරම්භයේ දීම කැසට් රෙකෝඩරයක්ද රැගෙන රැස්වීමට පැමිණි ජනපති සිරිසේන මහතා තමන් විසින් අද කරනු ලබන ප්‍රකාශයට කැමති අය මෙන්ම අකමැති අයද සිටිය හැකි නමුත් තමන් මෙම ප්‍රකාශය කරන බවත් පවසා ඇත.

විනාඩි 35ක කාලයක් දැඩි ස්වරයෙන් අදහස් දැක්වූ ජනාධිපතිවරයා එජාපයේ හරීන් ප්‍රනාන්දු, එස්.එම්.මරික්කාර්, නලින් බණ්ඩාර හා සුජීව සේනසිංහ වැනි ඇමැතිවරුන් ඇතුළු මන්ත්‍රීවරුන් කිහිප දෙනෙක්ගේ නම් සඳහන් කරමින් දැඩි ලෙස දෝෂාරෝපණය කර තිබේ. තමා බැඳුම්කර කොමිසම පත්කළේ එජාපයට මඩ ගැසීමට නොව හොරුන්ට දඬුවම් කිරීමට බව පවසා ඇති ජනපතිවරයා හොරුන්ට දඬුවම් දෙනවාට විරුද්ධ ද නැද්ද යනුවෙන් විමසා ඇත.

රවී කරුණානායක මුදල් ඇමැති ධූරයටත් අර්ජුන් මහේන්ද්‍රන් මහ බැංකු අධිපති ධූරයටත් පත් කිරීමේදී තමා දැඩි විරෝධය පළ කළ බව කී ජනපති සිරිසේන මහතා එදා තමන් කී දේ ඇසුවානම් අද මෙවැනි අර්බුදයක් ඇතිනොවන බවද පවසා ඇත. මේ ආකාරයට ආණ්ඩු කළ නොහැකි බව කී ජනපති සිරිසේන මහතා ආණ්ඩුව කරගෙන යනවාද නැද්ද යන්න එජාප මැති ඇමැතිවරුන් තීරණය කළ යුතු බවද කියා සිටිමින් රැස්වීමෙන් පිටව ගිය බවද වාර්තාවේ.

අනතුරුව අගමැති රනිල් වික්‍රමසිංහ මහතා ඇතුළු මැති ඇමැතිවරුන් කිහිප දෙනකු ජනපති කාර්යාලයට ගොස් මෙවැන්නක් ඉදිරියට ඇතිවීමට ඉඩ නොතබන බව කියමින් ජනපතිවරයා නැවත කැබිනට් රැස්වීමට කැඳවාගෙන පැමිණ ඇතැයි වාර්තා වේ.

ජනපතිට බැරිනම් ඉතිරි කාලය රනිල් ජනපති වෙන්න සූදානම්.. එජාප ආණ්ඩුවක්.. හදිසි කෘත්‍යාධිකාරී මණ්ඩල හමුවක් කැදවයි..

January 16th, 2018 Comments off
එක්සත් ජාතික පක්‍ෂය සමග තව දුරටත් ආණ්ඩු කිරීමට ජනාධිපතිවරයා අකමැති නම් වහා එක්සත් ජාතික පක්‍ෂ ආණ්ඩුවක් පිහිටුවීමට කටයුතු කරන ලෙස එක්සත් ජාතික පක්‍ෂ පසුපෙල මන්ත‍්‍රීන් විසින් පක්‍ෂ නායකත්වයට දැඩි බලපෑම් කරමින් ඇති බව සමාජ ජාලාවන්හි වාර්තා පලවෙයි.

අද (16) දිනයේ ජනාධිපතිවරයා කැබිනට් මණ්ඩලයෙන් නැගිට ගොස් එජාපයට විරෝධය පෑමත් සමග පස්වරුවේ සිට මෙම බලපෑම් තවත් වැඩිව ඇති බව සදහන්ය. ජනාධිපතිවරයාට ධුරය දරන්නට බැරි නම් ඉන්ද ඉල්ලා අස්වන ලෙසත් ව්‍යවස්ථානුකූලව ඉතිරි ධුර කාලය අගමැති රනිල් වික‍්‍රමසිංහ මහතා බාර ගැනීමට කටයුතු කරන ලෙසත් ජනාධිපතිවරයා දිගින් දිගටම විවේචනය කරන ලද එජාප පාර්ලිමේන්තු මන්ත‍්‍රීවරයෙකු සදහන් කර ඇතැයිද කියැවෙයි.

එජාප හිතවාදී පුවත් අඩවි වලින්ද මේ හා සමාන්තර වාර්තා පල කරමින් තිබේ. මේ අතර ඇතිව තිබෙන දේශපාලන තත්වය සම්බන්ධයෙන් සාකච්චා කිරීම සදහා එක්සත් ජාතික පක්‍ෂය විසින් හෙට (17) දිනයේ විශේෂ කෘත්‍යාධිකාරී මණ්ඩල සාකච්චාවක් කැදවා ඇත.

ඡන්දෙන් ආණ්ඩුව පැරදුනොත් හමුදාව-පොලිසිය ආණ්ඩුවට විරුද්ද වෙයි..

January 16th, 2018 Comments off
පෙබරවාරි 10 වැනිදා පැවැත්වෙන පළාත් පාලන මැතිවණයෙන් ආණ්ඩුව පරාජයට පත් වුවහොත් හමුදාව පොලීසිය පවා ආණ්ඩුව කියන දේ පිලි නොගන්නා තත්වයට පත්වන බව ජාතික නිදහස් පෙරමුණේ නායක පාර්ලිමේන්තු මන්ත‍්‍රි විමල් වීරවංශ මහතා පවසයි.

‘ජනවරමක් නැති ආණ්ඩුවකට පවතින්න බෑ. පොලීසිය ඒ ආණ්ඩුව කියන දේ පිලිගන්නෙ නෑ. හමුදාව ඒ ආණ්ඩුව කියන දේ පිලිගන්නෙ නෑ. රාජ්‍ය සේවය ඒ ආණ්ඩුව කියන දේ පිලිගන්නෙ නෑ. මේ ආණ්ඩුවට දැන් ජනමතයක් නෑ කියල පෙන්වන එකයි පෙබරවාරි 10 කරන්න ඕන. ඒක කරන්න තමයි පොහොට්ටුවට කතිරෙ ගහන්න ඕන’ යයිද ඔහු සදහන් කරයි.

කඩුවෙලදී පැවති ශ‍්‍රි ලංකා පොදුජන පෙරමුණේ ජනරැළියක් අමතමින් ඔහු මෙම අදහස් පල කරනු ලැබීය.

රට වනසන හොර රනිල්ව ගෙදර යවන ඔන්ලයින් පෙත්සමට අත්සන් කරන්නේ මෙහෙමයි…

January 16th, 2018 Comments off
යහපාලනය සහ ප‍්‍රජාතන්ත‍්‍රවාදය ආරක්ෂා කරන බවට දහසකුත් පොරොන්දු ලබා දී බලයට පැමිනි රනිල් වික්‍රමසිංහ අග්‍රාමාත්‍යවරයා මේ වන විට ජනතාව හමුවේ සිය විශ්වාසය නැවත ගොඩනගා ගත නොහැකි අන්දමට බිඳදමාගෙන ඇත. 

එකී විශ්වාසය බිඳ වැටීම සඳහා බලපෑ මූලිකම කාරනය වන්නෙ මහ බැංකු බැඳුම්කර නිකුතුව සම්බන්ධව සිදුව ඇති වංචාව පිළිබඳ වාර්තා වූ මුල් අවධියේ සිටම එම සිදුවීම සාමාන්‍යකරණය කිරීමට සහ බරපතල වංචාවක් සිදුව නොමැති බවට රට හමුවේ කරුණු ගෙනහැර දැක්වීමට කටයුතු කිරීම නිසාය. මේ සදහා ඔහු එකල සිදුකල පාර්ලිමේන්තු කතා සහ වෙනත් ප්‍රකාශ උදාහරණ සපයයි. 

මේ මොහොතේදී සංවිධානාත්මකව මෙම වංචාව සිදුව ඇති බව ඔප්පු වී ඇති නිසාත් නීතිපති දෙපාර්තමේන්තුව මගින් ඉදිරි අධිකරණ ක්‍රියාමාර්ග මේ පිලිබඳ ව ගැනීමට නියමිත නිසාත් ඔහු වහාම පරීක්ෂණ වල ස්වාධීනත්වයට ඉඩ දී ධූරයෙන් ඉල්ලා අස්වී යායුතු බවට පොදු මහජනතාව වන අප විසින් මෙලෙස බල කර සිටිමු.

ඔහුගේ අතීත භාවිතාව සහ ක්රියාකලාපය අනුව ඔහුගේ සමීප හිතවතකු වන හිටපු මහබැංකු අධිපති අර්ජුන් මහේන්ද්‍රන් සහ ඔහුගේ බෑණනුවන් වන අර්ජුන් ඇලෝසියස් ආරක්ෂා කිරීමට නියමින් හෝ අනියමින් ක්‍රියාකරනු ඇතැයි මහජනතාවට ඇති සැකය සාධාරණ වේ. සිය හිතවත් පාක්ෂිකයින් වන ත්‍රිපුද්ගල නීතිඥ කමිටුවක් පත්කර ඒකපාර්ශිකව බැඳුම්කර සිදුවීමේදී වංචාවක් සිදුව නැති බව ප්‍රකාශ කිරීමට ඔහු මීට පෙර කටයුතු කර ඇති නිසා ඔහුගෙන් ඉදිරි ස්වාධීන පරීක්ෂණ සඳහා බාධාවක් ඇතිවිය හැකි බවට වන මහජන සැකය ද සාධාරණය.

එම නිසා ප‍්‍රජාතන්ත‍්‍රවාදී රාජ්‍යයක දේශපාලන නායකයකු ලෙස මහජනතාව පාරට බැස ධූරයෙන් අස්වී යන ලෙස උද්ඝෝෂණ කරන තුරු නොසිට ගෞරවාන්විතව පරීක්ෂණ වලට ඉඩදී ඉල්ලා අස්වීම යුක්ති යුක්ත වේ. ශ්‍රී ලංකා ප්‍රජාතාන්ත්‍රික සමාජවාදී ජනරජයේ පුරවැසි මහජනතාව ලෙස වත්මන් අග්‍රාමාත්‍ය රනිල් වික්‍රමසිංහ කෙරේ අප තුළ පවතින විශ්වාසය භංග වී ඇති බැවින් වහාම ධූරයෙන් ඉල්ලා අස්වී තමා යටතේ තිබූ ශ්‍රී ලංකා මහබැංකුවේ සිදුවූ වංචාව සම්බන්ධ පරීක්ෂණ ඉදිරියට කරගෙන යාමට ස්වාධීන පරිසරයක් ඇති කරන ලෙසට මෙයින් බලකර ඉල්ලා සිටිමු.

අගමැති රනිල්! වහා ඉල්ලා අස්වී ගෙදර යනු!

https://www.ipetitions.com/petition/getoutranil

මේ ආණ්ඩුව පාරවල් කාපට් කරන ආණ්ඩුවක් නෙමෙයි – චම්පික

January 16th, 2018 Comments off

මහානගර හා බස්නාහිර සංවර්ධන අමාත්‍ය පාඨලී චම්පික රණවක බොරැල්ල ප‍්‍රදේශයේ පැවැති ජනහමුවකට සහභාගී වෙමින් මෙසේ කියා තිබේ.

‘මේ ආණ්ඩුව පාරවල් කාපට් කරන ආණ්ඩුවක් නෙමෙයි ඒක  මතක තියා ගන්න. මේ ආණ්ඩුව සෞඛ්‍ය ක්‍ෂෙත‍්‍රය අධ්‍යාපනය  දියුණු කරන ආණ්ඩුවක්. අද කොළඹ මහ රෝහලේ අංග සම්පූර්ණ සේවාවන්
සැපයෙනවා. ඖෂධ වර්ග 400 ක මිල ගණන් අඩු කරලා සහනය දීලා තියෙනවා. හදවත් රෝගයෙන් පෙළෙන  ඕනෙම කෙනෙකුට අද ගිහිල්ලා ඒ හදවත් රෝගයට නොමිලේ බයිපාස් ප‍්‍රතිකාර ලබාගන්න අවස්ථාව ලබාදීලා තියෙනවානේ. ඒ ඔක්කොම අපි මේ පාලනය යටතේ සිදුකර තිබෙනවා. 

ඒ වගේම අපි හැම තැනකම රාජපක්ෂ නම තියෙන ඒවා නෙමෙයි වැදගත් පාසල් හැම එකේම ළඟම පාසල හොඳම පාසල හැටියට දියුණු කර තිබෙනවා. පොතපත දීලා ඇඳුම් පැළඳුම් දීල විතරක් නෙමෙයි අද ඉහළ පන්තිවල අපේ දූ දරුවන්ට ටැබ් එක අතට දෙන යුගයක් අපි මේ ආණ්ඩුව ඇතුලේ හදලා තිබෙනවා. භෞතික සංවර්ධනයට එහා ගිය පුද්ගල සංවර්ධනයක් මෙම රට තුළ අපි ඇතිකර තිබෙනවා. එසේම කොළඹ නගරය අද විධිමත්ව අප ගොඩනගනවා. කොළඹ නගරයේ මලඅපවහන පද්ධතිය 1860 සුද්දා දැම්මේ. අපි ගෝඨාභය වගේ මල්වතු හිටවන්න යන්නේ නැහැ. 

අපි මුලින් හදන්නේ කුස්සියයි වැසිකිලියයි. ඒ අවුරුදු සිය ගණනක් පරණ මේ වැසිකිලි මලනල පද්ධතිය අපි ඊ ළඟ අවුරුදු 3 දී විධිමත් කරනවා. බේරේ වැවට කැළි කසළ යවපු යුගය, ඒ වගේම මට්ටක්කුලියෙන්, වැල්ලවත්තෙන් මහමුහුදට කැළි කසළ යවපු යුගය නවත්වා මේ මුළු කොළඹම මලඅපවහන පද්ධතිය විධිමත් කරන වැඩපිළිවෙල අද අපි ක්‍රියාත්මක කර තිබෙනවා. ‘

අගලවත්ත පොහොට්ටු පක්ෂයේ ප්‍රතික්ෂේපිත නාම යෝජනා පතුය නැවත සලකා බැලීම සිකුරාදා

January 16th, 2018 Comments off
අගලවත්ත ප්‍රාදේශීය සභාව වෙනුවෙන් ඉදිරිපත් කල ශ්‍රී ලංකා පොදු ජන පෙරමුණෙහි ( පොහොට්ටුව ) නාම යෝජනා පත්‍රය ප්‍රතික්ෂේප කිරීම නැවත සලකා බලන ලෙස ඉල්ලමින් අභියාචනාධිකරණයට ඉදිරිපත් කල ඉල්ලීම සලකා බැලීමෙන් පසු එය නැවත සිකුරාදා ( 19 වැනිදා ) කැඳ වීමට අභියාචනාධිකරණ විනිසුරු ප්‍රීති පත්ම සූරසේන මහතා අතුළු විනිසුරු මඩුල්ල තීරණය කර ඇත.

ඊයේ  ( 15 වැනිදා ) මෙම පෙත්සම විභාගයට ගැනීමෙන් පසු ඒ පිළිබඳව සාකච්ඡා කිරීම හා කරුණු දැක්වීම මෙසේ අවස්ථාව ලබා දී තිබේ. මෙම පෙත්සම ජනාධිපති නීතිඥ අල්විස් අබ්‍රි මහතා විසින් ඉදිරිපත් කර ඇත. මෙම පෙත්සම විභාගයට ගෙන ප්‍රතික්ෂේපිත නාමයෝජනා පත්‍රය නැවත පිළිගන්නා ලෙසත් එතෙක් මම අගලවත්ත පළාත් පාලන මැතිවරණය සඳහා අතුරු තහනමක් පනවන ලෙසත් ඉල්ලා ඇති බව අගලවත්ත ප්‍රාදේශීය සභාවේ හිටපු සභාපති චාමින්ද රණවක මහතා පැවසීය.

අගලවත්ත පී එම් පත්මසූරිය.

කඩුවෙල නෙලුම් පොහොට්ටුවේ ජනරැළිය

January 16th, 2018 Comments off











නාමල් ඇතුලු 06කට එරෙහි නඩුවට දින නියම වෙයි

January 16th, 2018 Comments off
මුදල් විශුද්ධිකරණ පනත යටතේ පාර්ලිමේන්තු මන්ත්‍රී නාමල් රාජපක්ෂ මහතා ඇතුළු 6 කට එරෙහිව පවරා ඇති නඩුව පෙබරවාරි 6 වැනි දා කැඳවීමට කොළඹ මහාධිකරණ විනිසුරු සම්පත් අබේකෝන් මහතා නියම කළේය.

පැමිණිල්ලෙන් විත්ති පාර්ශවයට ලබාදිය යුතු ලේඛන ලබා දිම සඳහා එම නඩුව කැඳවනු ලැබු අතර එම ලේඛන ලබාදීම සඳහා තමන්තට කල් ලබා දෙන්නැයි රජයේ නිතිඥවරයා කළ ඉල්ලීම පිළිගනිමින් විනිසුරුවරයා නියම කළේය.

නාමල් ඇතුලු 06කට එරෙහි නඩුවට දින නියම වෙයි

January 16th, 2018 Comments off
මුදල් විශුද්ධිකරණ පනත යටතේ පාර්ලිමේන්තු මන්ත්‍රී නාමල් රාජපක්ෂ මහතා ඇතුළු 6 කට එරෙහිව පවරා ඇති නඩුව පෙබරවාරි 6 වැනි දා කැඳවීමට කොළඹ මහාධිකරණ විනිසුරු සම්පත් අබේකෝන් මහතා නියම කළේය.

පැමිණිල්ලෙන් විත්ති පාර්ශවයට ලබාදිය යුතු ලේඛන ලබා දිම සඳහා එම නඩුව කැඳවනු ලැබු අතර එම ලේඛන ලබාදීම සඳහා තමන්තට කල් ලබා දෙන්නැයි රජයේ නිතිඥවරයා කළ ඉල්ලීම පිළිගනිමින් විනිසුරුවරයා නියම කළේය.

අගමැති රනිල් ට එරෙහි විශ්වාසභංගය මේ සතියේ පාර්ලිමේන්තුවට

January 16th, 2018 Comments off
අගමැති රනිල් වික්‍රමසිංහ මහතාට එරෙහිව ඒකාබද්ධ විපක්ෂය ඉදිරිපත් කරන විශ්වාසභංග යෝජනාව මේ සතියේදී පාර්ලිමේන්තුවේ කථානායක කරු ජයසූරිය මහතාට බාර දීමට කටයුතු කරගෙන යන බව ප්‍රජාතන්ත්‍රවාදී වාමාංශික පෙරමුණේ නායක පාර්ලිමේන්තු මන්ත්‍රී වාසුදේව නානායක්කාර මහතා සඳහන් කළේය.

රාජිත සේනාරත්න අමාත්‍යවරයාට එරෙහිව බාර දුන් විශ්වාසභංග යෝජනාවත් තවම හමස් පෙට්ටියේ. ඒ නිසා අගමැතිට එරෙහි විශ්වාසභංග යෝජනාව කඩිනමින් විවාදයට ගනු ඇතැයි විශ්වාස කළ නොහැකි බවද මන්ත්‍රීවරයා සඳහන් කළේය. සමාජවාදී ජනතා පෙරමුණ සංවිධානය කර තිබූ මාධ්‍ය හමුවක් ඊයේ (15) කොළඹ බොරැල්ල ඇන්. ඇම්. පෙරේරා අනුස්මරණ කේන්ද්‍රයේදී පැවැති අතර ඊට සහභාගි වෙමින් නානායක්කාර මහතා මේ බව සඳහන් කළේය.

එහිදී වැඩිදුරටත් අදහස් දැක්වූ මන්ත්‍රීවරයා..

අද මේ රටේ විශාල දේශපාලන අර්බුදයක් නිර්මාණය වෙමින් තිබෙනවා. අගමැති හා ජනාධිපති අතර සීතල යුද්ධය දැන් රත්වෙන්න පටන්ගෙන තිබෙනවා. එජාප මුදල් ඇමැති ගත් තීරණ ජනපති වෙනස් කරනවා. ජනාධිපති වසර හයක් බ‍ලේ ඉන්න පුළුවන්ද කියලා ශ්‍රේෂ්ඨාධිකරණයෙන් අහලා කියලා දැනගෙන අගමැති කලබල වෙලා. අගමැතිට ඕනෑ මීළඟ මහ මැතිවරණයට පෙර ජනාධිපතිවරණය පවත්වන්නයි. ජනාධිපති උත්සාහ කරන්නේ ජනාධිපතිවරණයට කලින් මහ මැතිවරණය පවත්වන්නයි. මේ අර්බුදයත් සමග පළාත් පාලන මැතිවරණ ප්‍රතිඵල අනුව ජනබලය නැති ආණ්ඩුවක් හා ජන බලය ඇති විපක්ෂයක් නිර්මාණය වෙනවා යැයිද වාසුදේව නනායක්කාර මහතා කීවේය. මේ තත්ත්වය ඉතාම භයානක තත්ත්වයක්. අගමැතිවරයා මේ තනතුරේ ඉන්න තාක් කල් බැඳුම්කරය ගැන ස්වාධීනව කටයුතු කරන්න නීතිපතිට අවස්ථාවක් ලැබෙන්නේ නෑ. ඒ නිසා අගමැතිට එරෙහි විශ්වාසභංග යෝජනාව දැන් අපි සකස් කරලා මේ දිනවල මන්ත්‍රීවරුන්ගේ අත්සන් ගනිමින් සිටිනවා. මේ විශ්වාසභංගය අපි මේ සතිය තුළ කථානායකවරයාට බාර දෙන්න කටයුතු කරගෙන යනවා. අපිට ලැබි තිබෙන තොරතුරු අනුව බැඳුම්කර වාර්තාව පාර්ලිමේන්තුවට ඉදිරිපත් කිරීම වළක්වා තිබෙන්නෙත් අගමැතිවරයායි. ඔහු ජනාධිපතිට බලපෑම් කරලා තිබෙනවා මේ වාර්තාව පාර්ලිමේන්තුවට ඉදිරිපත් කරන්න එපා කියලා. ඒ අනුව තමයි එදා පාර්ලිමේන්තුවට බැඳුම්කර වාර්තාව ඉදිරිපත් කරලා නැත්තේ. මේ තත්ත්වයට පෙබරවාරි 10 දා ජනතාව උත්තර දේවි යැයිද මන්ත්‍රීවරයා සඳහන් කළේය.