Archive

Archive for the ‘ක්‍රීඩා පුවත්’ Category

හතුරා පෙරළියකින් වැඩ අරඹයි..උපුල් තරංග ඉවතට?…සිංහ පිළේ එක්දින කණ්ඩායමට අලුත් නායකයෙක්?

November 23rd, 2017 Comments off
ඉන්දියාව සමග පැවැත්වෙන එක්‌දින ක්‍රිකට්‌ තරගාවලියේ සිට ශ්‍රී ලංකාවට නව එක්‌දින නායකයකු පත්කිරීමට ශ්‍රී ලංකා ක්‍රිකට්‌ තේරීම් කමිටුවේ අවධානය යොමුව තිබෙන බවත් එම පත්කිරීම් ලබන 30වැනිදා වන විට සිදුකිරීමට නියමිත බව අන්තර්ජාල මාධ්‍ය ගණනාවක්ම වාර්තා කර ඇත

ඒ අනුව ශ්‍රී ලංකාවේ නව එක්‌දින නායකත්වය සඳහා ඇන්ජලෝ මැතිව්ස්‌, නිරෝෂන් දික්‌වැල්ල සහ ළහිරු තිරිමාන්නව යෝජනා වී ඇති අතර දිනේෂ් චන්දිමාල්ගේ නමද ඒ අතර වේ. කෙසේ වෙතත් චන්දිමාල්ගේ එක්‌දින තරග පිති ප්‍රහාරයේ ප්‍රහාරාත්මක වේගය හුවා දක්‌වමින් ඔහුට නායකත්වය ලබාදීම සම්බන්ධයෙන් ඇතැමුන්ගේ විවිධ මත පළවී ඇති බවද සඳහන් වේ. කෙසේ වෙතත් නව නායකයා පත් කිරීම සම්බන්ධව ඉදිරියේදී වැඩ භාර ගැනීමට නියමිත පුහුණුකරු චන්දික හතුරුසිංහ සමගද සාකච්ඡා කිරීමට ශ්‍රී ලංකා ක්‍රිකට්‌ බලධාරීන් සහ තේරීම් කමිටුව කටයුතු යොදනු ඇතැයි වැඩි දුරටත් වාර්තා වේ.

ගතවූ මාස 11 තුළදී ශ්‍රී ලංකාව සහභාගි වූ එක්‌දින තරග 26 කදී පරාජයන් 21 ක්‌ ලබා ඇති අතර ජය ගෙන ඇත්තේ තරග 4 ක්‌ පමණි. ජය ගත් තරග හතර සිම්බාබ්වේට තරග දෙකක්‌, බංග්ලාදේශයට එක්‌ තරගයක්‌ සහ ඉන්දියාවට තරගයක්‌ වශයෙන් ලබා තිබේ. මේ වන විට ශ්‍රී ලංකාව පිට පිටම එක්‌දින තරග 12 ක්‌ පරාජයට පත්ව තිබේ. එක්‌දින තරග පහකින් සමන්විත තරගාවලි තුනක්‌ වසරක්‌ තුළදී 5-0 ක්‌ වශයෙන් (දකුණු අප්‍රිකාවට, ඉන්දියාවට සහ පාකිස්‌තානයට) පරාජයට පත්වූ ලොව එකම කණ්‌ඩායම බවටද ශ්‍රී ලංකාව පත්විය.

එක්‌දින පරාජයන් රැල්ල නවතා ගනිමින් 2019 ලෝක කුසලාන ඉලක්‌කය වෙනුවෙන් ස්‌ථිර නායකයකු පත්කිරීමට ග්‍රැහැම් ලැබ්බ්‍රොයිගේ නව ක්‍රිකට්‌ තේරීම් කමිටුව පියවර ගෙන තිබේ. ඒ අනූව හිටපු නායක ඇන්ජලෝ මැතිව්ස්‌ට යළිත් ශ්‍රී ලංකාවේ එක්‌දින නායකත්වය ලබාදීමට වැඩි අවධානයක්‌ යොමුව තිබෙන අතර ඊට අමතරව ළහිරු තිරිමාන්න, නිරෝෂන් දික්‌වැල්ල සහ දිනේෂ් චන්දිමාල් කෙරෙහිද තේරීම් කමිටුවේ අවධානය යොමුව ඇතැයි ආරංචි මාර්ගවලින් වාර්තා වේ.

2019 ඉලක්‌කයට යන ශ්‍රී ලංකා එක්‌දින කණ්‌ඩායමේ නායකයා කවුරුන්ද යන්න ක්‍රිකට්‌ තේරීම් කමිටු සභාපති ග්‍රැහැම් ලැබ්බ්‍රොයි මහතාගෙන ප්‍රකාශ කලේ ”අපි එකදිගට එක්‌දින තරග පරාජය වෙනවා. ඒ නිසා අලුත් නායකයකු පත්කරන්න කටයුතු කරනවා. ලබන 30 වැනිදා නව නායකයා පත්කරනවා. ඉන්දියානු සංචාරයට යන්නෙ නව නායකයෙක්‌.” යනුවෙනි.

වත්මන් ශ්‍රී ලංකා එක්‌දින කණ්‌ඩායමේ නායකත්වය ලබාදීමට සුදුසු ජ්‍යෙෂ්ඨයන් ලෙස ඉතිරිව සිටින්නේ ඇන්ජලෝ මැතිව්ස්‌, දිනේෂ් චන්දිමාල් සහ ළහිරු තිරිමාන්න පමණි. ක්‍රිකට්‌ තේරීම් කමිටු සභාපතිවරයාගෙන් හිටපු නායකයාට යළිත් එක්‌දින නායකත්වය ලබා දීමට සූදානම්ද යනුවෙන් විමසන ලදුව, ”අපිට පසුගිය දේවල් වැඩක්‌ නැහැ. කණ්‌ඩායමේ විනය සහ දක්‍ෂතාවය තියෙනවනම් හොඳම කෙනාට නායකත්වය ලබා දෙනවා. ඇන්ජලෝ මැතිව්ස්‌ට වුණත් අපි නායකත්වය ලබාදෙන්න සූදානම්. මොකද මේ පරාජයන් නවත්වලා 2019 වන තෙක්‌ හොඳ නායකයකු පත් කරන්න ඕන. නම් කිහිපයක්‌ තියෙනවා. ඒ අනුව හිටපු නායකයා කියල නැහැ සුදුසුම කෙනාට අපි නායකත්වය ලබා දෙනවා. ඒ ගැන තවම ස්‌ථිර තීරණයක්‌ අරගෙන නැහැ.” යනුවෙන් පැවසීය.

ශ්‍රී ලංකා ක්‍රිකට්‌ කණ්‌ඩායමේ නායකයා ලෙස කටයුතු කළ ඇන්ජලෝ මැතිව්ස්‌ සිම්බාබ්වේ කණඩායම සමග ජුනි මාසයෙ පැවැති එකදින තරගාවලිය 3-2 ක්‌ ලෙස පරාජයට පත්වීමෙන් පසුව නායකත්වයෙන් ඉවත් විය. අනතුරුව ටෙස්‌ට්‌ කණ්‌ඩායමේ නායකත්වයට දිනේෂ් චන්දිමාල්වත් එක්‌දින සහ විස්‌සයි විස්‌ස නායකත්වයට උපුල් තරංගවත් පත් කරන ලදී.

ශ්‍රී ලංකාව වෙනුවෙන් එක්‌දින තරග විස්‌සකට වැඩිය නායකත්වය ලබාදුන් ක්‍රීඩකයන් අතර ජයග්‍රාහී ප්‍රතිශතය 50% කට වැඩිය රඳවා ගත් නායකයන් සිටින්නේ පස්‌දෙනෙකි. ඉන් එක්‌ අයකු ඇන්ජලෝ මැතිව්ස්‌ය. මැතිව්ස්‌ එක්‌දින තරග 98 කට නායකත්වය දී තරග 47 ක්‌ ජයග්‍රහණය කරා මෙහෙයවා අතර එහි ජයග්‍රාහී ප්‍රතිශතය 51.07% කි.

‘හතුරු ‘ට පුහුණුකරු තනතුර සූදානම්..ශ‍්‍රී ලංකා ක‍්‍රිකට් ආයතනයෙන් නිවේදනයක් (PHOTO)

November 23rd, 2017 Comments off
ශ්‍රී ලංකා ක්‍රිකට් කණ්ඩායමේ ප්‍රධාන පුහුණුකරු තනතුර සඳහා චන්දික හතුරුසිංහ මහතා බඳවාගැනීමට ඇති හැකියාව සොයා බැලීමට මේ වනවිට කටයුතු කරමින් සිටින බව ශ්‍රී ලංකා ක්‍රිකට් ආයතනය විසින් ඊයේ තහවුරු කරන ලදී.

ශ්‍රී ලංකා ක්‍රිකට් ආයතනයේ සභාපති, තිලංග සුමතිපාල මහතා බංග්ලාදේශ ක්‍රිකට් පාලක මණ්ඩලය  වෙත ලිපියක් යොමු කරමින්, බංග්ලාදේශ ක්‍රිකට් පාලක මණ්ඩලය සමඟ හතුරුසිංහ මහතා ඇති කරගෙන තිබූ සේවා ගිවිසුමෙහි වූ වගකීම් සම්පූර්ණයෙන් නිදහස් කිරීමට යටත්ව, ඒ මහතාව ශ්‍රී ලංකා කණ්ඩායමේ ප්‍රධාන පුහුණුකාර තනතුර සඳහා බඳවා ගැනීමට ඔහුගේ නීතිඥයන් සමඟ සාකච්ඡා කරන බව දන්වා තිබූ බවද ශ්‍රී ලංකා ක්‍රිකට් ඊයේ නිකුත් කළ නිවේදනයක වැඩිදුරටත් සඳහන්ය.

සිදු කිරීමට බලාපොරොත්තු වන මෙම පත් කිරීම සම්බන්ධයෙන් කරුණු දක්වමින් ශ්‍රී ලංකා ක්‍රිකට් ආයතනයේ සභාපති තිලංග සුමතිපාල මහතා මෙසේ ප්‍රකාශ කර සිටින ලදී.

“ශ්‍රී ලංකා ක්‍රිකට් හි කෙටි කාලීන හා දිගු කාලීන අරමුණු මුදුන් පමුණුවා ගැනීම සඳහා හතුරුසිංහ අපට මහත් සේ සුදුසු වනවාට කිසිම සැකයක් නෑ” “හතුරුසිංහ මහතා සහ අපගේ ඉදිරි අභිප්‍රායන් සහ අභිලාශයන් සඳහන් කරමින් මම පෞද්ගලිකව බංග්ලාදේශ ක්‍රිකට් පාලක මණ්ඩලයේ සභාපතිවරයා වන නස්මුල් හසන් මහතා වෙත කරුණු දන්වා යවා තිබෙනවා”

“ශ්‍රී ලංකා ක්‍රිකට් විධායක කමිටුවට මෙම තනතුර සඳහා හතුරුසිංහ මහතා සුදුසුම පුද්ගලයා බවට විශ්වාසයක් ඇති වුණා. අපි කැමැතියි වෘත්තීයමය සහ විනිවිදභාවයකින් යුතුව ඒ මහතාව නුදුරේදීම ක්‍රිකට් ආයතනය හා සම්බන්ධ කර ගැනීමට” යනුවෙන් ශ්‍රී ලංකා ක්‍රිකට් සභාපතිවරයා තවදුරටත් පැවසීය.

චන්දික හතුරුසිංහගේ උපදෙස් යටතේ බංග්ලාදේශ ජාතික ක්‍රිකට් කණ්ඩායම ඉතා ඉහළ දස්කම් දැක්වීමට සමත් වූ අතරමීට ඉහත අවස්ථාවක ද පදවියෙන් ඉල්ලා අස්වීමට ඔහු උත්සාහ කළ නමුත් බංග්ලාදේශ ක්‍රිකට් බලධාරීහු එය භාරගැනීම ප්‍රතික්ෂේප කළහ. කලක් ශ්‍රී ලංකා ඒ කණ්ඩායමේ පුහුණුකරු ලෙසින් සේවය කළ චන්දික හතුරුසිංහ පසුව ඕස්ට්‍රේලියාවේ පදිංචියට ගිය අතර එහිදී ඕස්ට්‍රේලියාවේ ප්‍රාන්ත කිහිපයක සහ එක්සත් අරාබි එමීර් රාජ්‍යයේ ද ක්‍රිකට් පුහුණුකරු ලෙසින් කටයුතු කර තිබේ.


මගදී හප්පා නතර කළත් ‘නිහතමානී ශ‍්‍රී ලාංකිකයා’ලොව ම මවිත කරමින් ජයග්‍රහණයෙන් ගමන නිමා කළ හැටි මෙන්න (VIDEO)

November 23rd, 2017 Comments off
ඉතාලියේ පැවැත්වෙන ලැම්බෝගින් සුපර් ට්‍රොෆියෝ ලෝක තරගාවලියේ අවසන් තරගය පසුගියදා පැවැත්වුවා. එහි දෙවන තරගයේ තුන්වන ස්ථානය දිනා ගැනීමට ‘නිහතමානී ශ‍්‍රී ලාංකිකයා’ ලෙස විරුදාවලිය ලත් ඩිලන්ත මාලගමුව සමත්වුනා.

15වන ස්ථානයේ සිට තරගය ආරම්භ කළ ඩිලන්ත දක්ෂ ලෙස සිය මොටර් රථය හසුරුවමින් තෙවන ස්ථානය දක්වා ඉදිරියටපැමිණිමට සමත් වු අතර මෙම තරගය නැරඹීමට ඉතාලියේ වෙසෙන ශ‍්‍රී ලාංකිකයන් විහාල පිරිසක්ද එක්ව සිටියා.

එම තරගයේ දර්ශන පහතින්,

තිසරගේ සුපිරි පන්දුවාරය රයිඩර්ස් කණ්ඩායමට නොතිබු ජයක් හිමිකරදෙයි

November 21st, 2017 Comments off
බංගලාදේශ ප‍්‍රිමියර් ලීග් තරගාවලියේ ෂිලාත් සික්සර්ස් කණ්ඩායම සමග ඩකා හීදිී ඊයේ පැවැති තරගයෙන් ලකුණු 07ක විශිෂ්ට ජයක් ලැබීමට තිසර පෙරේරා නියෝජනය කරන රාන්පූර් රයිඩර්ස් කණ්ඩායම සමත් විය. මෙවර තරගාවලියේ 22වැනි තරගය ලෙස ක‍්‍රියාත්මක වුනු මෙම තරගයේ කාසිය වාසිය දිනු ෂිළාත් කණ්ඩායමේ නායක නසීර් හුසේන් පළමු පන්දුවර පහරදීමට රයිඩර්ස් කණ්ඩායමට ඇරයුම් කළහ.

ඒ අනුව ඉනිම ඇරඹූ විස්සයි විස්ස අකෘතියෙහි භයානකම ආරම්භක පිතිකරු යුගලය ලෙස සැලකෙන නවසීලන්තයේ බ්‍රෙන්ඩන් මැකලම් හා බටහිර ඉන්දීය කොදව් ක‍්‍රීඩක ක‍්‍රිස්ගේල් පළමු කඩුල්ල වෙනුවෙන් පන්දු 52කදී ලකුණු 80ක් සිය කණ්ඩායම එක් කළ අතර මැකලම් නසීර් හුසේන්ගේ පන්දුවකට ලැම් ප්ලන්කට් අතට උඩපන්දුවක් ලබා දෙමින් දැවී යන විට පන්දු 21කදී හයේ පහර 03ක්හා හතරේ පහර 03ක් සහිතව ලකුණු 33ක් රැස් කරගෙන සිටියහ.

අනතුරුව අබුල් හසන් එවු පන්දුවක් කෙලින්ම කඩුල්ලේ දැවටීමෙන් ක‍්‍රිස් ගේල් ගේ ඉනිම නිමාවට පත්වු අතර පාකිස්තානු සුපිර් ලීග් තරගාවලියේ වෙන්දේසියේදී අලෙවි නොවුනු ගේල් හයේ පහර 05ක් හා හතරේ පහර 02ක් සමගින් ලකුණු 50ක් ලබා ගත්හ.අවසන් භාගයේදී පිටියට පැමිණි රවී බෝපාරා ප‍්‍රහාරාත්මක ඉනිමක් දියත් කරමින් පන්දු 12කදී ලකුණු 28ක් රැස් කරමින් රාන්පුර් රයිඩර්ස් කණ්ඩායමේ ලකුණු පුවරුව ඉහළට ඔසවා තැබීමට සමත් විය.ඊයේ තරගයේදී පිතිකරණයේ උසස්වීමක් ලද තිසර පෙරේරා හට ලබාගත හැකි වුයේ ලකුණු 15ක් පමණි

ජයග‍්‍රහණය සදහා ලකුණු 170ක දැවැන්ත ලකුණු පුවරුවක් හඹා යාමට පිටියට පිවිසුණු ෂීලාත් කන්ඩායමේ ආරම්භක කඩුලු 03ම ලකුණු 25ක් තුළ දවා ගැනීමට ගැනීමට රයිඩර්ස් පන්දුයවන්නන් සමත් වුණු අතර තරගාවලිය පුරාම සාර්ථක පිතිහරඹයක් දියත් කළ ධනුෂ්ක ගුණතිලක හට මෙම තරගයේදී ලබා ගත හැකි වුයේ ලකුණු 08ක් පමණි.සොහාග් ගාසි එවු පන්දුවක් කෙලින්ම කඩුල්ලේ දැවටීමෙන් ධනුෂ්ක දැවී යන විට දැවැන්ත හයේ පහරකින් පිටිය අළංකාර තිබිණ.

අනතුරව අසරණ වුණු ෂිලාත් කණ්ඩායමේ ඉනිම ගොඩනැගීමේ වගකීම කර මතට ගත් නායක නසීර් හුසේන් සහ සබ්බීර් රෙහමාන් සිවැවැනි කඩුල්ලට ලකුණු 117ක විශිෂ්ට සම්බන්ධතාවක් පවත්වමින් ගිලිහී ගිය තරගයට යළි සියතට ගැනීමට සමත් විය. ජයග‍්‍රහණය පෙනෙන මානයේ සිටි ෂීලාත් කණ්ඩායමේ ස්ථාවර පිතිකරුවන් දෙදෙනාම දැඩි පීඩනකට පත් කරමින් 16 වැනි පන්දුවාරයේ සිට තරගයට අවතීර්ණ වුණු රයිඩර්ස් පන්දුයවන්නන් සිය කණ්ඩායමට නොතිබු ජයක් හිමිකරදීමට සමත් වූහ.එක් අන්තයක තනිවුණු නායක නසීර් හුසේන් නොදැවී ලකුණු 50ක් රැස් කිරීමට සමත් වුවත් එය කණ්ඩායමේ ජයග‍්‍රහණය සදහා ප‍්‍රමාණවත් නොවීය

පළමු පන්දුවාර 02ක තුළ දැඩි ප‍්‍රහාරයක ලක්ව සිටි තිසර පෙරේරා ඉනිමේ 18 වැනි පන්දුවාර ක‍්‍රියාත්මක කරමින් ලකුණු 07ක් පමණක් ලබා දී  ප‍්‍රහාරාත්ම ඉනිමක් දියත් කරමින් ලකුණු 70ක් ලබා සිටි සබ්බ්ර් රෙහෙමාන් ගේ කඩුල්ල දවා ගනිමින් ෂීලාත් කණ්ඩායමට ලැබීමට තිබු ජයග‍්‍රහණය අඩපණ කළ අතර අවසාන පන්දුවාරයේ පළමු පන්දු 04 තුළ ලකුණු 02ක් පමණක් ලබාදෙමින් රාන්පුර් රයිඩ්ර්ස් කණ්ඩායමේ ජය තවහුරු කළහ. තරගයේ විරයා සම්මානය කොදව් ක‍්‍රීඩක ක‍්‍රිස් ගේල් හට හිමිවිය.

චාමර සිල්වා එල්ල කළ ලොවක් කැළඹූ අමුතු පහර මෙන්න (VIDEO)

November 21st, 2017 Comments off
පසුගිය කාලයේ තරග පාවාදීම් චෝදනා හේතුවෙන් දැඩි ලෙස කතාබහට ලක්ව සිටි චාමර සිල්වා සිංගර් කුසලාන වෙළද සේවා තරගාවලියේදී එල්ල කළ පහරක් පිළිබදව මේ වන විට ලොව පුරා ක‍්‍රිකට් පේ‍්‍රක්ෂකයින්ගේ කතා බහට ලක්වී තිිබෙනවා.

යුනිචෙලා කණ්ඩායම හා තේජා ලංකා කණ්ඩායම අතර පැවැති තරගයේදී පන්දුයවන්නා පන්දුව යැවීමට පෙරම පිතිකරණයේ යෙදී සිටි චාමර සිල්වා කඩුල්ල පිටුපසට ඇවිද ගොස් පහරක් එල්ල කිරීමට සැරසෙන අතර එම පහර එල්ල කීරිමට ප‍්‍රථම පන්දුව කෙලින්ම කඩුල්ලේ වැදී දැවී යයි.

පානදුර ක‍්‍රීඩා සමාජයේ හිටපු නායක 37 හැවිරිදි චාමර සිල්වා ශ‍්‍රී ලංකා ජාතික කණ්ඩායම නියෝජනය කරමින් ටෙස්ට් තරග 11කදී ලකුණු 537ක්ද, එක්දින තරගය 75කදී ලකුණු 1587ක්ද ,විස්සයි විස්ස තරග 16කදී ලකුණු 175ක් රැස් කරගෙන ඇත.

සංගාගේ දැවීයාම ඩකා පිළට විනාශය ගෙනෙයි.. හසන් අලී විස්සයි විස්ස වාර්තා පොත අලුතෙන් ලියයි (VIDEO)

November 21st, 2017 Comments off
ෂහීබ් මලික්ගේ ඉවසිලිවන්ත පිතිහරඹයත් හසන් අලීගේ වික‍්‍රමාන්විත පන්දුයැවීමත් හේතුවෙන් ඩකා කණ්ඩායම සමග ඊයේ පැවැති තරගයෙන් කඩුලු 04ක් විශිෂ්ට ජයක් හිමිකරගැනීමට කොමිලා වික්ටොරියන්ස් කණ්ඩායම ඊයේ සමත් විය. මෙවර තරගාවලියේ 21වන තරගය ලෙස ඩකාහීදී පැවැති මෙම තරගයේ කාසිය වාසිය දිනු ඩකා කණ්ඩායම පළමුව පන්දුවට පහරදීමට තීරණය කළ අතර හසන් අලීගේ පන්දුයැවීම හමුවේ අසරණ වුණ ඩකා පිතිකරුවන් පන්දුවාර 18යි පන්දු 03කදී සියල්ල දැවී ලබාගත්තේ ලකුණු 128ක් පමණි.

මෙම තරගයේ ආරම්භක පිතකරු ලෙස උසස්වීමක් ලද බටහිර ඉන්දීය කොදෙව් ක‍්‍රීඩක සුනිල් නාරායන් ප‍්‍රහාරාත්මක ඉනිමක් දියත් කරමින් හයේ පහර 05ක් හා හතරේ පහර 07ක් සමගින් පන්දු 45කදී ලකුණු 76ක් රැස් කළ අතර කුමාර් සංගක්කාර ලකුණු හතරේ පහර 03ක් සමගින් ලකුණු 28ක් රැස් කළහ. නාරයන් සමග එක්ව තෙවැනි කඩුල්ලට ලකුණු 92ක දැවැන්ත සම්බන්ධතාවක් පැවැත්වුවත් ස්ථාවර ඉනිමක් ක‍්‍රීඩා කරමින් සිටි සංගාගේ අවසනාවන්ත දුවද්දී දැවීයාමෙන් පසුව ඩකා කණ්ඩායමේ මැදපෙළ කඩාවැටීම ආරම්භ වුනු අතර එතැන් සිට ලකුනු පුවරුවට ලකුණු 24ක් එක්වෙද්දී ඩකා කණ්ඩායමේ ඉතිරි කඩුලු 07ම දවා ගැනීමට කොමිලා පන්දුයවන්නන් සමත්වූහ.

කොමිලා කණ්ඩායම වෙනුවෙන් එක්දින පන්දු යවන්නන්ගේ ශ්‍රේණිගත කිරීම්හි අංක 01 ස්ථානයේ පසුවන හසන් අලී පන්දුවාර 3යි පන්දු 03කදී ලකුණු 20ක් තුළ  කඩුලු 05ක් දවාගැනීමට සමත් විය.එම කඩුලු 05ම පන්දුව කෙලින්ම කඩුල්ලේ වැදීමෙන් දැවී ගිය අතර විස්සයි විස්ස ඉතිහාසයේ එවැනි දස්කමක් දැක්වු දෙවැනි පන්දුයවන්නා බවටද හසන් අලී පත්විය. මීට පෙර බංගලාදේශ කණ්ඩායමේ රුබල් හුසේන් 2010 වර්ෂයේ පැවැති බංගලාදේශ ප‍්‍රිමියර් ලීග් තරගාවලියේදී මෙම දස්කම දක්වා ඇත. 

අනතුරුව ලකුණු 129ක ඉලක්කයක් හඹා යාමට පිටියට පිවිසි කොමිලා කණ්ඩායම ඉනිම නිමවීමට පන්දු 02ක් පමණක් ඉතිරිව තිබියදි සිය ජයග‍්‍රහණය සපුරා ගැනිමට සමත්විය.  එක් අන්තයක කඩුලු බිද වැටෙද්දී ඉවසිලිවන්ත ඉනිමක් ක‍්‍රීඩ කළ ශහීබ් මලීක් නොදැවී ලකුණු 54ක් ලබා ගනිමින් සිය කණ්ඩායම අවසන් මොහොතේ ජයග‍්‍රහණය වෙත කැදවාගෙන ගියහ. තරගයේ වීරයා සම්මානය හසන් අලී හට හිමිවිය.

හතුරු’සිංහ’, සිංහ පිලේ පුහුණුකරු තනතුරට එකග වෙයි..ගිවිසුමට අත්සන් කිරීමට තව දින කිහිපයකින්

November 20th, 2017 Comments off
ශ්‍රී ලංකා ක්‍රිකට් ප්‍රධාන පුහුණුකරු ධුරය සම්බන්ධයෙන් ශ්‍රී ලංකා ක්‍රිකට් ආයතනය හා බංග්ලාදේශ හිටපු පුහුණුකරු චන්දික හතුරුසිංහ මහතා අතර වාචික වශයෙන් එකඟතාවක් ඇතිවී තිබෙන බව ක්‍රික් ඉන්ෆෝ පුවත් සේවය වාර්තා කරයි.

ඒ අනුව තවත් දින කිහිපයකින් දෙපාර්ශ්වය අතර  ගිවිසුම අත්සන් කරනු ඇති බවත් ඔවුන් සඳහන් කරයි. මීට පෙර බංගලාදේශ කණ්ඩායම ශ‍්‍රී ලංකාවේ සංචාරයේ නිරත සිටි අවස්ථාවේ හතුරුසිංහ පවසා සිටියේ ශ‍්‍රී ලංකා කණ්ඩායම ආරාධනයක් සිදුකරන්නේනම් තමන් රට වෙනුවෙන් එම ආරාධනය පිළිගැනීමට කැමැත්තෙන් සිටින බවයි.

චන්දික හතුරුසිංහ ශ්‍රී ලංකා ක්‍රිකට් කණ්ඩායමේ ප්‍රධාන පුහුණුකරු ධුරය බාරගත හොත් පළමු තරගාවලිය වන්නේ බංග්ලාදේශය, ශ්‍රී ලංකාව හා සිම්බාබ්ව් කණ්ඩායම් අතර පැවැත්වීමට නියමිත තුන් කොන් එක්දින තරගාවලියයි. එය ජනවාරි මාසයේදී පැවැත්වීමට නියමිතය. පසුව ශ්‍රී ලංකා කණ්ඩායම හා බංග්ලාදේශ කණ්ඩායම අතර විස්සයි20 තරගාවලියක් පැවැත්වීමට නියමිතය.

කාලගුණය ඉන්දියාවට හරස්වෙයි..පළමු ටෙස්ට් ගැටුම ජයපැරදුමෙන් තොරවෙයි

November 20th, 2017 Comments off
සංචාරක ශ‍්‍රී ලංකා කණ්ඩායම හා ඉන්දියානු කණ්ඩායම අතර පැවැත්වෙන තරග තුනකින් යුත් ටෙස්ට් තරගාවලියේ පළමු තරගය ජයපැරදුමෙන් තොරව අවසන් විය.

ජයග‍්‍රහණය සදහා ලකුණු 231ක ඉලක්කයක් හඹා යාමට පිටියට පිවිසි ශ‍්‍රී ලංකා කණ්ඩායම අයහපත් කාලගුණික තත්වය හේතුවෙන් තරගය නතර කරන විට කඩුලු 07ක් දැවී ලකුණු 75ක් ලබා අසීරු තත්වයක පසුවිය.

ශ‍්‍රී ලංකා මුල් පෙළ පිතිකරුවන්ට සාර්ථක වීමට නොදුන් ඉන්දීය පන්දුයවන්නන් මුල් පෙළ පිතිකරුවන් සිව්දෙනාම ලකුනු 22ක් තුළ දවා ගැනීමට සමත් විය. ලකුනු 22කට ප‍්‍රබල කඩුලු 04ක් දැවී අසීරු තත්වයක සිටි ශ‍්‍රී ලංකා කණ්ඩායමට නිරෝෂන් දික්වැල්ල හා දිනේෂ් චන්දිමාල් එක්ව ලකුණු 47ක සම්බන්ධතාවක් පැවැත්වීමට සමත් වු අතර දෙවැනි ඉනිමේ වැඩිම ලකුනු ලාභියා වු දික්වැල්ල ලකුණු 27ක්ද චන්දිමාල් ලකුණු 20ක්ද ලබා ගත්හ.

තරගය නතර කරන විට දසුන් ශානක නොදැවී ලකුණු 06ක් රංගන හේරත් ලකුණු නොලබාද කඩුල්ලේ රැදී සිටියහ. පන්දුයැවීමේදී ඉන්දියානු කන්ඩායම වෙනුුවෙන් විශිෂ්ට පන්දුයැවීමක නිරත වු බුවනේෂ්වර් කුමාර් ලකුණු 08කට කඩුලු 04ක් දවා ගත් අතර මෙහොමඩ් ශාමී කඩුලු 02ක් දවා ගැනීමට සමත් විය.

ඉන්දියාව (පළමු ඉනිම) – සියල්ලන්ම දැවී ලකුණු 172 (පන්දුවාර 59.3): චෙටෙස්වර් පුජාරා 52, ව්‍රිදිමන් සහා 29, මොහොමඩ් ශමී 24, රවින්ද්‍ර ජඩේජා 22, බුවනේශ්වර් කුමාර් 13, සුරංග ලක්මාල් 4/26, දිල්රුවන් පෙරේරා 2/19, දසුන් ශානක 2/36, ලහිරු ගමගේ 2/59.

ශ්‍රී ලංකාව (පළමු ඉනිම) – සියල්ලන්ම දැවී ලකුණු 294 (පන්දුවාර 83.4): රංගන හේරත් 67, ඇන්ජෙලෝ මැතිව්ස් 52, ලහිරු තිරිමාන්න 51, නිරෝෂන් දික්වැල්ල 35, දිනේෂ් චන්දිමාල් 28, බුවනේශ්වර් කුමාර් 4/88, මොහොමඩ් ශාමි 4/100, උමේෂ් යාදෙව් 2/79.

ඉන්දියාව (දෙවන ඉනිම) –කඩුලු 08ක් දැවි ලකුණු 352 (පන්දුවාර 88.4): විරාත් කෝලි නොදැවී ලකුණු 104, ශිකර් ධවාන් 94, ලෝකේශ් රාහුල් 79, දසුන් ශානක 3/76,සුරංග ලක්මාල් 3/93

ශ්‍රී ලංකා(දෙවන ඉනිම)  – කඩුලු 07ක් දැවි ලකුණු 75 (පන්දුවාර 26.3):නිරෝෂන් දික්වැල්ල 27,දිනේෂ් චන්දිමාල් 20,බුවනේෂ්වර් කුමාර් 4/8, මොහොමඩ් ශාමි 2/34

මුම්බායි ඉන්දියන් කණ්ඩායම ලසිත් මාලිංග නිදහස් කරයි..හේතුව මෙන්න

November 19th, 2017 Comments off
ඉන්දීය ප්‍රිමියර් ලීග තරගාවලියේ මුම්බායි ඉන්දියන්ස් කණ්ඩායම නියෝජනය කරන ලසිත් මාලිංග එළැඹෙන වසරේ පැවැත්වීමට නියමිත අයි.පී.එල්. තරගාවලියේ ක්‍රීඩක වෙන්දේසිය සඳහා  නිදහස් කිරීමට මුම්බායි කණ්ඩායම තීරණය කර තිබේ.

තරගාවලිය ආරම්භයේ පටන්ම මුම්බායි කණ්ඩායම නියෝජනය කරන ලසිත් මාලිංග මෙවර ක්‍රිඩක වෙන්දේසිය සඳහා නිදහස් කිරීමට කණ්ඩායම තීරණය කර තිබෙන්නේ මාලිංගට පසුගිය කාලසීමාව පුරාවටම පන්දුවෙන් දක්ෂතා දැක්වීමට නොහැකිවීම හේතුවෙනි. ඉන්දීය ප්‍රිමියර් ලීග තරගාවලියේ වැඩිම කඩුලු ප්‍රමාණයක් දවාගත් ක්‍රීඩකයා වන්නේද ලසිත් මාලිංගයි. ඔහු තරග 110ක කඩුලු 154ක් දවාගෙන ඇත. වත්මන් අයි.පී.එල්. ශූරයන් වන්නේද මුම්බායි ඉන්දියන්ස් කණ්ඩායමයි.

කෙසේ වුවත් 2013 වර්ෂයේ හා 2015 වර්ෂයේ මුම්බායි කණ්ඩායම වෙනුවෙන් වටිනා කාර්්‍යබාරයක් ඉටුකළ මාලිංග පිළිවෙලින් එම වර්ෂවල කඩුලු 20ක් හා 24ක් ලබා ගෙන ඇත. මේ වසරේ පැවැති තරගාවලියේදී තරග 12කට ක්‍රීඩාකළ ලසිත් මාලිංග එහිදී දවාගත්තේ කඩුලු 11ක් පමණක් වන අතර මාලිංගගේ පන්දු යැවීමේ සාමාන්‍ය දැක්වුයේ පන්දුවාරයට 8.84ක් වශයෙනි. ක්‍රීඩක වෙන්දේසිය  ලබන වසරේ පෙබරවාරි මාසයේදී පැවැත්වීමට නියමිතය.

බිද වැටුණු ශ‍්‍රී ලංකා ඉනිම රංගන තනි අතින් ගොඩගනියි..

November 19th, 2017 Comments off
ඉන්දියානු කණ්ඩායම එරෙහිව ඊඩ්න් ගාඩ්න් පිටියේදී පැවැත්වෙන පළමු ටෙස්ට් තරගයේ දිවා ආහාරය සදහා නතර කරන විට ශ‍්‍රී ලංකා කණ්ඩායම කඩුලු 08ක් දැවී ලකුණු 263ක් ලබා සිටියේය.ඒ අනුව ශ‍්‍රී ලංකා කණ්ඩායම මේ වන විට කඩුලු 02ක් අතැතිව ඉන්දියානු පළමු ඉනිමට වඩා ලකුණු 91ක් ඉදිරියෙන් සිටියි.

අද දිනයේදී ශ‍්‍රී ලංකා ලකුණු පුවරුවට ලකුනු 35ක් එක්වෙද්දී ඉතා හොදින් පන්දුවට පහරදෙමින් සිටි දික්වැල්ල හතරේ පහර 05ක් සමගින් ලකුනු 35ක් ලබා සිටියදී මොහාමඩ් ශාමී එවු පන්දුවකට විරාත් කෝලි අතට උඩපන්දුවක් ලබා  දෙමින් දැවී ගියහ. ඉන් අනතුරුව ලකුණු පුවුරුවට එක් ලකුණක් එක්වෙද්දී තුන්ඉරියව් ක‍්‍රිඩක දසුන් ශානක බුවනේෂ්වර් කුමාර් එවු පන්දුවකට කඩුල්ල මුවා කිරීමේ වරදට හසුව ලකුණු නොලබා දැවී ගිය අතර දිනේෂ් චන්දිමාල් ශාමි එවු පන්දුවකට කඩුලු රකින ක‍්‍රීඩක රිද්දිමාන් සාහා අතට උඩපන්දුයක් ලබා දෙමින් ලකුණු 28ක් ලබා සිටියදී දැවී ගියහ.

පන්දු 10කදී කඩුලු 03ක් බිද වැටී අසරණ වුණු ශ‍්‍රී ලංකා ඉනිම යළි සවිමත් කළ ඩිල්රුවන් පෙරේරා හා රංගන හේරත් අටවැනි කඩුල්ල සදහා  ලකුණු 43ක විශිෂ්ට සම්බන්ධතාවක් පැවැත්විමට සමත්වුහ.ඩිල්රුවන් ශාමී එවු පන්දුවකට අතට උඩපන්දුවක් ලබා දෙමින් ලකුණු 05කට දැවී ගියහ. එක් අන්තයක කඩුලු බිද වැටෙද්දී විශිෂ්ට ඉනිමක් ක‍්‍රීඩා කරමින් සිටින රංගන හේරත් හතරේ පහර 06ක් සමගින් ලකුණු 43ක්ද සුරංග ලක්මාල් ලකුනු 10ක්ද ලබා නොදැවී ක‍්‍රීඩා කරයි .