Archive

Archive for the ‘ඕපාදුප’ Category

සිල් රෙදි දඩේ ගෙවන්න පිණ්ඩපාතේ වඩිද්දී පාත්තරේ සල්ලි මැදට ෂෝට්-ඊට්ස් වැටී කිරිබත්ගොඩදී කලබලයක්

September 20th, 2017 Comments off



සිල් රෙදි දඩේ ගෙවන්න පිණ්ඩපාතේ වඩිද්දී
පාත්තරේ සල්ලි මැදට ෂෝට්-ඊට්ස් වැටී
කිරිබත්ගොඩදී කලබලයක්


මේ දිනවල ඒකාබද්ධ විපක්ෂයේ සංවිධානයෙන් සිල් රෙදි නඩුවට වන්දි ගෙවීම සඳහා මහ සඟරුවන හවුල් කරගෙන මුදල් පිඬුසිඟා යාමේ කටයුතු තැන් තැන් වල ක්‍රියාත්මක වෙයි. මේ යටතේ ඊයේ කිරිබත්ගොඩ ප්‍රදේශයේ සංඝයා වහන්සේලා පිරිසක් පිඬු සිඟා වඩිමින් සිටියදී පාත්තර තුළට මුදල් වෙනුවට කෙටි ආහාර ලබාදීමේ
කටයුත්තක් සිදු වුණා.

මෙම ආහාර ස්වාමීන් වහන්සේලා ප්‍රතික්ෂේප කර තිබුනේ නැති අතර මුදල් නෝට්ටු අතරට කෙටිකෑම වැටෙන්නට පටන් ගැනීම නිසා මෙම කටයුත්තට පසුබිමින් සිටි ප්‍රාදේශීය දේශපාලනඥයින් පිරිස් කුපිතවී කලබලයක් ඇති කළා. ඔවුන් පවසා ඇත්තේ මුදල් පිඬු සිඟා වැඩීම කඩාකප්පල් කිරීමට සඟරුවන වෙත ආහාර ලබාදුන්නේ කඩකප්පල්කාරී පිරිසක් බවයි.
එම සිදුවීමට අදාළ වීඩියෝව පහතින්

Categories: ඕපාදුප Tags:

අරුන්දික විපක්‌ෂයේ අසුන් ගනී

September 20th, 2017 Comments off


ආණ්‌ඩුව පෙරළන තුරු තම සටන ඉදිරියට ගෙන යන බව පවසමින් හිටපු නියෝජ්‍ය ඇමැති අරුන්දික ප්‍රනාන්දු මහතා ඊයේ (19 දා) පාර්ලිමේන්තුවේදී ආණ්‌ඩු පක්‌ෂයේ සිට විපක්‌ෂයට ගොස්‌ අසුන් ගත්තේය.
සභා කටයුතු ආරම්භයේදී ආණ්‌ඩු පක්‌ෂයේ සිය නියෝජ්‍ය ඇමැති ආසනයේ අසුන්ගෙන සිටි අරුන්දික ප්‍රනාන්දු මහතා තම අසුනෙන් නැගිට විශේෂ ප්‍රකාශය කළේය.

අනතුරුව මම විපක්‌ෂයට ගොස්‌ අසුන් ගන්නවා. යෑයි කියමින් කතාව අවසන් කළ අරුන්දික ප්‍රනාන්දු මහතා ආණ්‌ඩු පක්‌ෂයේ සිට සභාව හරහා ගොස්‌ විපක්‌ෂය පැත්තේ ඒකාබද්ධ විපක්‌ෂයේ මන්ත්‍රී කණ්‌ඩායමට වෙන්කර ඇති අසුනක හිඳගත්තේ මහින්ද රාජපක්‌ෂ මහතා ඇතුළු ඒකාබද්ධ විපක්‌ෂ මන්ත්‍රීවරුන්ගේ අත්පොළසන් හඬ මැදය.

විපක්‌ෂයේ අසුන් ගැනීමට පෙර අරුන්දික ප්‍රනාන්දු මහතා විශේෂ

ප්‍රකාශයක්‌ කරමින් මෙසේද කිවේය.

මගේ මේ පාර්ලිමේන්තු ගමනේදී රට යුද්ධයෙන් නිදහස්‌ කර ගත් නායකයා සමඟ දැවැන්ත ලෙස ඒකාත්මක වී ශක්‌තිය ලබා දුන්නා. ග්‍රාමීය සංවර්ධනයේදී එතුමාට දැවැන්ත ශක්‌තියක්‌ ලබාදුන්නා. එසේ කරද්දී ජනාධිපතිවරණය ආවා. එතුමා පරාජය වෙද්දී එතුමාව අගමැති කර රට ඉදිරියට ගෙන යන්න උත්සාහ කළා. අප පැරදුනේ මැතිවරණයේදී යම් යම් බලපෑම් එල්ල වූ නිසා. එතුමාට අගමැතිකම දෙන්නේ නෑ කියා බලපෑම් කළා.

එතුමාට විපක්‌ෂයේ බහුතරය තියෙද්දී විපක්‌ෂ නායක කරන්න හැදුවා. ඒ අවස්‌ථාවත් නැතිවුණා. පසුව එතුමා නතර කළ තැන සිට ඉදිරියට රට සංවර්ධනය කරා ගෙන යන්නයි මා නියෝජ්‍ය ඇමැතිකම ලබා ගත්තේ. කියන්න කනගාටුයි. අමාත්‍යාංශය ශ්‍රී ලංකා සංචාරක අධිකාරියේ සභාපති ලෙස සාගල රත්නායක මහතාගේ සොහොයුරු පත් කරද්දී ඒ උළෙලට මට ආරාධනාවක්‌ වත් නෑ. මේ ආණ්‌ඩුව ප්‍රතිපත්ති හදයි කියා අපි හිතුවා. දුප්පත්කම නැති කරන්න ව්‍යවස්‌ථාව වෙනස්‌ කරයි කියා හිතුවා. ඒත් දිනෙන් දින ආණ්‌ඩුව විනාශ කරා ගෙන ගියා. කොළඹ කේන්ද්‍ර කරගත් ධනේෂ්වර පංතිය මේ ආණ්‌ඩුව විනාශය කරා ගෙන ගියා. වංචා දූෂණ කරද්දී ආර්ථික වැඩ පිළිවෙළක්‌ නැතිව ආණ්‌ඩුව කඩා වැටුණා. සුළුවෙන් විසඳන්නට තිබූ සයිටම් ගැටලුව වැඩි කළා. ආණ්‌ඩු පක්‌ෂ රැස්‌වීමේදී අපව අපහාසයට ලක්‌කළා. අවසානයේ මගේ ඇමැතිකමෙන් මාව එළියට දැම්මා.

අද සිට මම විපක්‌ෂයට එනවා. මේ ආණ්‌ඩුව පෙරළන තුරු මගේ සටන ඉදිරියට ගෙන යනවා.

අජිත් අලහකෝන්, කුෂාන් සුබසිංහ
Categories: ඕපාදුප Tags:

ඩෙංගු මර්දනයට දුම් ගැසීමේදී වෙනත් හානි

September 20th, 2017 Comments off

මාරාන්තික ඩෙංගු රෝගය බෝ කරන මදුරුවන් මර්දනය කිරීම සඳහා සෞඛ්‍ය අංශ මගින් ගෙවතුවලට හා කැලෑව සහිත ස්‌ථානවලට දුම් ගැසීම සිදු කරනවා.

එහෙත් එමගින් මදුරුවන් කා දමන වෙනත් කෘමින්ද විනාශ වන බැවින් එම ක්‍රමය යොදා ගැනීම මේ වන විට ගැටලුවක්‌ වී තිබෙනවා.

එබැවින් ගෙවත්ත මෙන්ම තම තමන්ගේ ඉඩම්වලද මදුරුවන් බෝවීමට ඉඩකඩ ඇති ස්‌ථාන ඇති වීම වැළැක්‌වීමට ක්‍රියා කළ යුතු යෑයි ඉත්තෑපාන මහජන සෞඛ්‍ය පරීක්‌ෂක දීප්ති ගුණසිංහ මහතා පැවසුවේය.

ඉත්තෑපාන බටකැලේ සුහද මිතුරු සංසදය මගින් සංවිධානය කරන ලද ඩෙංගු හා මී උණ වැනි

රෝගවලින් ආරක්‌ෂා වීම සඳහා ප්‍රදේශවාසීන් දැනුවත් කිරීම සඳහා බටකැලේ එකමුතු අවමංගල්‍යාධාර සමිති ශාලාවේදී පසුගියදා පැවති දේශනයකදී ඒ මහතා එසේ සඳහන් කළේය.

එහිදී තවදුරටත් කතා කළ ඒ මහතා,

ඉවතලන පොලිතීන් හා ඒ ආශ්‍රිත නිෂ්පාදන ජලය රැඳී තිබිය හැකි ස්‌ථාන ලෙස විශේෂයෙන් සඳහන් කළ හැකියි. ඒ නිසා එහි මදුරු කීටයන් ඇතිවීමේ ඉඩකඩ බොහෝ සෙයින් තිබෙනවා.

ඒ නිසා එමගින් සිදු විය හැකි හානි අවම කිරීම සඳහා මූලික පියවරක්‌ ලෙස එක පොලිතීන් බෑගයක්‌ කීපවරක්‌ පාවිච්චි කර විනාශ කළ හැකියි.

ග්‍රාමීය ප්‍රදේශවල එකතු වන කසළ ජනතාව විසින් පුළුස්‌සා දැමීම හෝ කොම්පෝස්‌ට්‌ පොහොර ලෙසට පත්වීම සඳහා ගස්‌ මුල්වලට දැමීම කාලාන්තරයක්‌ තිස්‌සේ සිදු වුණා. එහෙත් මෙම කසළ එකතු කිරීමට රජය මැදිහත් වීම නිසා එය විශාල කසළ අර්බුදයක්‌ බවට පත්ව තිබෙනවා. එබැවින් ඒ පිළිබඳවද බලධාරීන්ගේ අවධානය යොමු විය යුතුයි.

කුඹුරුවල වැඩ කරන ගොවීන්ගේ ශරීරයේ මීයන්ගේ මුත්‍රා මිශ්‍ර මඩ තැවරීම නිසා මී උණ ඇති විය හැකිය. එවන් අවස්‌ථාවලදී ඇඟ ශීතල කර උණ ගැණුන විට රෙදි පොරවාගෙන නිදාගෙන ඉන්න එපා. වහාම වෛද්‍යවරයකු හමුවීම අත්‍යාවශ්‍යයි.

එසේම කුඹුරුවලට බැසීමට ප්‍රථම සෞඛ්‍ය වෛද්‍ය කාර්යාලවලින් නොමිලේ ලබාදෙන බෙහෙත් වර්ග පාවිච්චි කිරීමෙන්ද මෙම අනතුර වළක්‌වා ගත හැකියි.

විල්සන් විඡේරත්න - ඉත්තෑපාන
Categories: ඕපාදුප Tags:

කරාපිටියේ වෛද්‍යවරියක්‌ ඩෙංගු මාරයාට බිලි වෙයි

September 20th, 2017 Comments off
ඩෙංගු රෝගය වැළඳීමෙන් ගාල්ල කරාපිටිය ශික්‍ෂණ රෝහලේ ස්‌නායු ශල්‍ය ඒකකයේ සේවය කළ වෛද්‍යවරියක පෙරේදා (18 දා) මියගොස්‌ ඇති බැව් රෝහල් අධ්‍යක්‍ෂ වෛද්‍ය ජයම්පති සේනානායක මහතා
පවසයි.

කරාපිටිය රෝහලේ දැඩි සත්කාර ඒකකයේ ප්‍රතිකාර ලබමින් සිටියදී මෙසේ මියගොස්‌ ඇත්තේ අනෝමා ජයවර්ධන නමැති වෛද්‍යවරියකි. තිදරු මවක වන ඇගේ එක්‌ දියණියක ද ඩෙංගු රෝගය වැළඳීමෙන් රෝහල්ගතව සිට ඇති අතර ඇය සුවය ලබා රෝහලින් පිටව ගොස්‌ ඇත. මෙම වෛද්‍යවරිය පදිංචිව සිට ඇත්තේ අක්‌මීමන ප්‍රාදේශීය සෞඛ්‍ය සේවා බල ප්‍රදේශයට අයත් අක්‌මීමන මැටරඹ ප්‍රදේශයේ ය. වෛද්‍යවරියගේ සැමියා තේ පරීක්‍ෂකවරයකු ලෙස සේවය කරන අතර ඇය මිය ගොස්‌ ඇත්තේ ඩෙංගු රෝගය වැළඳීමෙන් බවට තහවුරු වී තිබේ.
Categories: ඕපාදුප Tags:

ගාලුමුවදොර ෂැංග්‍රිලා හෝටල් පරිශ්‍රය සුද්දගෙ කාලයේ කනත්තක් හමුවූ මීනී ඇටකටු සාක්ෂි දරයි

September 19th, 2017 Comments off

ගාලුමුවදොර ෂැංග්‍රිලා හෝටල් පරිශ්‍රය
සුද්දගෙ කාලයේ කනත්තක්
හමුවූ මීනී ඇටකටු සාක්ෂි දරයි


කොළඹ ගාලුමුවදොර ආසන්නයේ ෂැංග්‍රිලා හෝටල් ඉදිකිරීම් භූමියේ තිබී ඉකුත් මැයි මස 11දා හමුවූ මිනිස් අස්ථි කොටස් සම්බන්ධව සිදුකළ අධිකරණ සහ පුරාවිද්‍යා පරීක්ෂණවලට අනුව එම ස්ථානය බ්‍රිතාන්‍ය යටත් විජිත සමයේ සුසාන භූමියක් ලෙස පවත්වාගෙන ගොස් ඇති බවට කරුණු අනාවරණයවී තිබේ.
මෙම ස්ථානයේ ගොඩනැගිලි ඉදිකිරීම් අතරවාරයේ ඉකුත් මැයි මස 11දා ඉදිකිරීම් භූමියේ කානුවක් කැපීම සඳහා
කැණීම් කටයුතු සිදු කරමින් පවතින

අවස්ථාවේ මිනිස් අස්ථි කොටස් , ලෝහමය හැඬල හා මිනී පෙට්ටිවල කොටස් හමුවී තිබුණි.
මෙය අපරාධයකට සම්බන්ධ දේවල්දැයි ඇතිවූ සැකය මත පරක්ෂණයක් සිදුවූ අතර දෘශ්‍යමාන හේතුවක් අනාවරණය නොවීම මත අපරාධයක් අනාවරණය නොවන හෙයින් එම මිනිස් අස්ථි කොටස් හමුවීම සම්බන්ධයෙන් නඩු කටයුතු අවසන් කරන බව කොටුව මහෙස්ත්‍රාත් සහ අතිරේක දිසා විනිසුරු ලංකා ජයරත්න මෙනෙවිය ඊයේ දන්වා සිටියාය.

හමුවූ මිනිස් අස්ථි කොටස් අධිකරණ වෛද්‍ය වාර්තා අනුව ඉතා පැරැණි මිනිස් අස්ථි කොටස් බවට නිගමනය කළ හැකි බවද බ්‍රිතාන්‍ය අධිරාජ්‍යය යුගයට අයත් මිනිස් අස්ථි කොටස් බවට හේතු සාධක ඇති බවද ඇය දන්වා සිටියාය. මිනිස් අස්ථි සමග මිනී පෙට්ටිවලට යොදා ගනු ලබන ලෝහමය හැඬල හා මිනී පෙට්ටිවල කොටස් හමුවීම මත අතීතයේ පැවැති සුසාන භූමියක් බවට තීරණය කිරීමට හේතු සාධක ඇති බවද මහෙස්ත්‍රාත්වරිය දන්වා සිටි අතර පුරාවිද්‍යා මහාචාර්ය රාජ් සෝමදේව මහතා සිද්ධිය සම්බන්ධව සිදුකළ පර්යේෂණයන්ට අනුව ලැබුණු නිගමනවලට හා පුරාවිද්‍යා ප්‍රාථමික, ද්විතීයික මූලාශ්‍රවලට සහ මානව කෘතීන්ට අනුවද මෙම අස්ථි කොටස් හමුවූ ස්ථානය සොහොන් බිමක් බව නිගමනය කළ හැකි බවද  නිගමනය විය.

Categories: ඕපාදුප Tags:

රාජපක්‍ෂ ආණ්ඩුවේ ඇමැතිවරුන් වැඩ කළේත් ලලිත් වීරතුංග කියන විදියට

September 19th, 2017 Comments off
සිල් රෙදි නඩුව සම්බන්ධයෙන් දැනට බන්ධනාගාර ගතව සිටින හිටපු ජනාධිපති ලේකම් ලලිත් වීරතුංග මහතාට කෝටි පහක මුදල ගෙවන එක එතරම් අමාරු දෙයක් නොවෙයි. මුදල් නොගෙවා ඉන්නේ එම මුදල් උපයාගත් හැටි ප්‍රශ්න කරාවි යන බිය නිසා යැයි හිටපු, නැවත පදිංචි කිරීමේ අමාත්‍ය,
වර්තමාන ජනාධිපති ව්‍යාපෘති අධ්‍යක්ෂක ගුණරත්න වීරකෝන් මහතා පසුගියදා (16දා) ගාල්ල ධීවර වරායේ උත්සවයකට සම්බන්ධවීමෙන් පසු මාධ්‍යවේදීන් අමතා පැවැසීය.
වීරකෝන් මහතා මෙසේද කීය.

මහින්ද රාජපක්ෂ නිසා හිරේට ගිය ලලිත් වීරතුංග වෙනුවෙන් බැරිවුණා මොකුත් කරන්න. එදා ලලිත් වීරතුංග හිටියේ අපි ඔක්කොටම උඩින්. ඇමැතිවරු වෙච්ච අපිට ක්‍රියාත්මක කරන්න වෙලා තිබුණෙත් ලලිත් වීරතුංග කියන දේවල්. වැරැදි කළ අයට දඬුවම් ලැබෙන්න ඕනෑ. හාමුදුරුවෝ පිණ්ඩපාතේ යනවා. මේ සල්ලි ගෙවන්න පිණ්ඩපාතේ යන්න ඕන නෑ. හාමුදුරුවන්ටත් ළඟදීම

තේරේවි මහින්දගේ දෙබිඩි ප්‍රතිපත්තිය. 2009 සයිටම් එක හැදුවේ මහින්ද දේශපාලන බලය ලබා ගන්න. අද බාල තුරුම්පු ගහනවා.

ලලිත් වීරතුංගට මහින්ද පිහිට වුණේ නැති වුණාට අපේ කෙනකුට මෙහෙම දෙයක් වුණා නම් එල්ලුම් ගස් 7ක් ගියත් අපි පස්සට යන්නේ නැහැ.
අවුරුදු 10ක් මැදමුලනේ ඉඳන් ඉස්කෝලේ උගන්නන්න ගිය මිනිහෙක් මම. එදා ඉඳන් මම දන්නවා මහින්ද කවුද කියලා. අටවත් පාස් නැති ගෑනියෙක්් ගෙනත් දාලා අපිට වින කළා. අනර්කලී දාලා පළාත් සභාව විනාශ කළා. සජින් වාස් දාලා ගාල්ල දිස්ත්‍රික්කයම විනාශ කළා. මේ අය දේශපාලනය දන්න අය නෙවෙයි. බිස්නස් වැඩවලට තමයි මේ අය ගෙනත් දැම්මේ. මහින්දට අද පල දීලා තිබෙන්නේ දිට්ඨධම්මවේදනීය කර්මය. මා ජීවත්වන තුරු මහින්දගේ හුළඟවත් වදින්න මම යන්නේ නැහැ.
අධිවේගී මාර්ගය හදනකොට ඇස්තමේන්තුව කිලෝමීටරයකට මිලියන 1,700යි. මහින්ද කැබිනට් එකට කීවා 2,700ක් දාලා අනුමත කරන්න කියලා. එයාගේ ගජ මිතුරන්ට කොන්ත්‍රාත් දීලා කෝටි ගණනක් සල්ලි කෑවා.

මම උතුරු - නැඟෙනහිර නැවත පදිංචි කිරීමේ

ඇමැති. අසූ පන් දහසකට වැඩි යුද්ධයෙන් අනාථ වූවන් නැවත පදිංචි කිරීමට මට භාරව තිබුණේ.
මේ අයට ඉඩම් දෙන්න බමුණු කුලයට අයත් ප්‍රාදේශීය ලේකම්වරු ඒකට ඉඩ දුන්නේ නැහැ. යාපනයේ අක්කර 6,000 වැඩිය ගෝඨාභය හමුදාව යටතේ ඉඩම් තබාගෙන ඉන්නවා. ඉඩම්වල පදිංචි කරන්න ඉඩ දුන්නේ නැහැ. උතුරේ පළාත් සභාවලට බලය දෙන්න ඕනෑ. උතුරේ කුල හීන මිනිසුන් වැඩියි. වෙච්ච අසාධාරණකම් නිමක් නැහැ.
විග්නේශ්වරන් උතුරේ මහ ඇමැති කියන්නේ මහින්ද ඉන්න තුරු උතුරට සහනයක් ලැබුණේ නැහැ. මෛත්‍රිපාල සිරිසේන ජනාධිපති පත්වුණාට පස්සේ අපි ගැන බැලුවා කීවා. ජනාධිපති ලොකු උත්සාහයක් ගන්නවා ගැටලුවලට විසඳුම් දෙන්න. ජාත්‍යන්තරය දිනාගෙන ට්ඉර්ථී ප්ලස්, දිනාගෙන, විශාල මෙහෙයක් ඉටු කරමින් යනවා.
මහින්ද දිනුවා නම් රටේ ලේ විලක් දකින්න ලැබෙන්නේ. උතුරේ ජනතාව මහින්දට ඡන්දේ දුන්නේ නැහැ. මහින්ද කළේ ජාතිවාදය අවුස්සන එක. මහින්ද දැන් විකාර කතා කියන්නේ. සභාපතිකම මෛත්‍රිට බලෙන් දීලා දැන් කියනවා සභාපති මහින්දලු. මට කාඩ් එකක් එවලා තිබුණා. ඒක එවලා තිබෙන්නේ පොහොට්ටුවක් දාලා.

රත්ගම _ ගුණපාල ඉරත්නවල්ලි
කොග්ගල - සිරි ගාර්දියගේ


Categories: ඕපාදුප Tags:

නිශාන්ත මුතුහෙට්ටිගම අමාත්‍යවරයාගේ යැයි කියන ඡායාරූප බුකිය කළඹයි….

September 19th, 2017 Comments off
ගාල්ල දිස්ත්‍රීක් පාර්ලීමේන්තු මන්ත්‍රී , නියෝජ්‍ය අමාත්‍ය නිශාන්ත මුතුහෙට්ටිගම කාලයෙන් කාලයට පුවත් මවනා චරිතයක්. නියෝජ්‍ය අමාත්‍යවරයා පිළිබද නැවත වතාවක් සමාජජාලා මාධ්‍යවල කතාබහට ලක්ව තිබෙනවා. 
ඒ නියෝජ්‍ය අමාත්‍යවරයාගේ යැයි කියන ඡායාරුප කිහිපයක් ෆේස්බුක් සමාජජාලා වෙබ් අඩවියේ හුවමාරු වීමට ආරම්භ වීමත් සමගයි. කෙසේ වෙතත් මෙම ඡායාරූප පිළිබදව නියෝජ්‍ය අමාත්‍යවරයාගේ මතය දැන ගැනීමට අමාත්‍යවරයා සම්බන්ධ කර ගැනීමට අප දිගින් දිගටම උත්සාහ කළා. ප්‍රථමයෙන්ම නියෝජ්‍ය අමාත්‍යවරයාගේ මහජන දිනය යැයි කියමින් , නිශාන්ත මුතුහෙට්ටිගම නියෝජ්‍ය අමාත්‍යවරයා දුරකථනයට පැමිණීම ප්‍රතික්ෂේප කළ අතර ඔහුගේ සහයකයෙක් යැයි කියනා පුද්ගලයෙක් දුරකථන ඇමතුම් වලට පිළිතුරු දුන්නා.

කෙසේ වෙතත් ඉන්පසුව අප ලබා ගත් ඇමතුම් වලට පිළිතුරු නොදීම , අමාත්‍යවරයාගේ පාර්ශවය විසින් විසන්ධි කිරීම සිදු කිරීම දිගින් දිගටම සිදු වුනා. ඉන්පසුව අප විසින් අප සම්බන්ධ කර ගත හැකි දුරකථන අංක කෙටි පණිවිඩයක් වශයෙන් නියෝජ්‍ය අමාත්‍යවරයාට යවා තිබෙන අතර නියෝජ්‍ය අමාත්‍යවරයාට අවශ්‍ය ඕනෑම මොහොතක අප හා සම්බන්ධ වෙමින් සිය මතය ප්‍රකාශ කළ හැකියි.
ආන්දෝලනයට තුඩු දී තිබෙන , නියෝජ්‍ය අමාත්‍ය නිශාන්ත මුතුහෙට්ටිගම ගේ යැයි කියන ඡායාරූප එකතුව පහතින්...
  

 

 

 

 

 

 

 

 

 

 

 

 

 

 
නෙත් ගොසිප් 
Categories: ඕපාදුප Tags:

ගල්කිස්ස හවුස් චන්ද්‍රා හෝටලේ අභිරහස් මරණය චමින්ද මං මැරෙන්න ළඟයි කිය කියා හිටියේ -අලුත විවාහ පත් බිරිය කියයි

September 19th, 2017 Comments off

ගල්කිස්ස හවුස් චන්ද්‍රා හෝටලේ අභිරහස් මරණය
චමින්ද මං මැරෙන්න ළඟයි
කිය කියා හිටියේ

-අලුත විවාහ පත් බිරිය කියයි

පසුගියදා ගල්කිස්සේ හවුස් චන්ද්‍රා හෝටල් කාමරයකදී අභිරහස් ලෙස මියගිය ඇඟලුම් ව්‍යාපාරික චමින්ද විජයතිලක මහතාගේ මරණය සම්බන්ධයෙන් මියගිය අයගේ අලුත විවාපත් බිරිය වන ඉරාකි නමැත්තිය පුවත්පතකට සැපයූ තොරතුරු සිද්ධිය තුළ අද්භූත ලක්ෂණ රැසක් මතුකර දී තිබෙයි.
දැනට චීන තානාපති ලෙස කටයුතු කරන හිටපු ඇමති කරුණාසේන කොඩිතුවක්කු මහතාගේ සොයුරෙකුගේ දියණිය වන ඉරාකි මෙම සිද්ධියට මුහුණ පා ඇත. ඇය පවසන ආකාරයට මෙම මරණය සිදුව ඇත්තේ ඔවුනගේ මධු සමයෙනුත් පසුවය. මේ කියන හෝටලයට චමින්ද නිතර යනඑන බවත්
ඔහු එහි ගොස් මත්පැන් පානයට හුරුවී සිටි අයෙකු බවත් ඇය කියා ඇත. විවාහවූ දින රාත්‍රියේ සිට තමාගේ ජීවිතය කෙටි විය හැකි බවට ඔහු අද්භූත කතා පැවසූ බවද ඇය කියයි.
යුද හමුදා වෛද්‍යවරයකු සමග තමාගේ මුල් ප්‍රේමය බිඳ වැටුණ බවත් ඉන් පසු ඇතිවුණ කලකිරීම් නිසා ප්‍රේමය හෝ විවාහය අමතක කර සත්ව අවිහිංසාව වෙනුවෙන් ජීවිතය කැපකර සිටි සමයක හිතවතෙකු කළ යෝජනාවකට අනුව මෙම මංගල්‍යය සිදුවූ අයුරු ඇය විස්තර කර තිබේ.

” මගෙ හිතේ  ඒ තීරණේ කඩලා හිත ළඟින් කෙනෙක් නැවැත්තුවේ  අපේ සංවිධානෙට එකතු වෙලා වැඩ කරන නුලින්ද මල්ලි. නුගේගොඩ සරණංකර පාරේ ඒ ගොල්ලන්ගෙ ගෙවල්
කිට්ටුව හිටපු චමින්ද මෝහාන් විජේතිලක ගැන මට කියලා මං ගැන එයාට කියලා නුලින්ද හැදුවෙ

කවදාවත් කසාද බඳින්නෙ නෑ කියලා හිටපු අපි දෙන්නගෙම ජීවිත පිළිවෙළක් කරන්න. එයා හරිම
කරුණාවන්තයි කිව්වා. මගේ සත්තුන්ගෙ වැඩවලට වුණත් උදව් කරයි කිව්වා. හරියට හම්බ කරනවා.
වියදම් කරනවා. ජීවිතේ පිළිවෙළක් නෑ . අපි දෙන්නට එකතු වෙලා  හොඳ ගමනක් යන්න පුළුවන් කිව්වා.
මගෙ පින්තූර දැක්ක ගමන්  හැබැහින් දකින්නත්, ඉස්සර වෙලා එයා මාව බඳින්න කැමැති වෙලාත්
තිබුණා. මං ඒත් කිව්වා පින්තූරෙට ඔහොම කැමැති වෙන්න එපා. අද කාලෙ පින්තූර හදන්න පුළුවන්
කියලා. අපි එක දවසක් පුංචි වෙලාවක් මහරගමදී හම්බවෙලා කතා කළා. එයා හරිම ලස්සනයි. ඒ
වගේම කරුණාවන්තයි කියලත් තේරුණා.
ඒත් නුලින්ද  කියපු ඉක්මනට මගෙ හිත එයා ළඟ නැවතුණේ නෑ. මගෙ ජීවිතේම වෙලා තිබුණෙ අසරණ සත්තු. මට  ඕන වුණේ දවසකට එක ජීවිතයක් හරි බේරන්න විතරයි. පහුගිය මැයි මාසෙ වෙනතුරු එයා එවපු එස්එම්එස්වලට උත්තර යැව්වෙවත් එයා කෝල් කළාට කතා කරන්න උනන්දු වුණේවත් නෑ. මැයි මාසෙ තමයි අපි ටෙලිෆෝන්  එකෙන් කතා කරන්න ගත්තේ. ඒ කතාකරන්න වුණෙත් මම කතා කරන්නෙ නෑ කියලා එයා අවුලෙන් ඉන්නවා  කියලා නුලින්ද කියපු හින්දයි.
එයා කිව්වා ”මේ අවුරුදු හතළිස් එකටම මම කාටවත් ආදරේ කරලා නෑ” කියලා.
එයා මට ආදරේ කරන්නේ අවංකවමයි කියලා මට දැනුණා. ආදරය කරන්න හිත හදාගන්න මං ටික කාලයක් ඉල්ලගත්තා. ඊට පස්සෙ මම කාලයක් වෙන්කළා එයා එක්ක කතා කරන්න. පිරිමි ගොඩක් වෙලාවට ආදරේ හිත ඇතුළෙ තියාගෙන ඉන්නවනෙ.. ඒත් එයා හිතට ආව ආදරේ පෙන්නුවා.
චමින්ද අයියා මගෙ හිත වෙනස් කළා. ලෝබ හිතෙන තරමට මං එයාට ආදරේ වුණා. ඒ නිසාම මං එයා කවුද කියලාවත් එයාගෙ ජීවිතේ පසුබිමවත් හොයන්න ගියේ නෑ.
ඇත්තටම ගෙවුණු අවුරුදු හතළිස් එකේ එයා කොහොම හිටියද කියලවත් මං දන්නෙ නෑ. එයා කොයිතරම් හොඳද කියලා කියනවා නම් හැම වෙලේම මට හිතුණේ බුදුහාමුදුරුවෝ වගේ කියලා. මගේ යාළුවන්ට වුණත් මං කිව්වෙ අයියා බුදුහාමුදුරුවෝ වගේ කියලා.   මට හිතුණා කොතැනකහරි වැරැද්දක් තිබිලා ඒ වගේ හොඳ කෙනෙක් අත්හරින්න වුණොත් මට එයාගෙ ආදරේ නැතිවෙයි කියලා.
ඔය හින්දම මං මගේ සම්බන්ධෙ ගැන ලොකු තාත්තට, මාමට, ලොකු අම්මට කියන්න ගියෙ නෑ. ඉක්මනට කසාද බඳින්න  ඕන කියලා චමින්ද අයියගේ අක්කලා නැකැත් බලාගෙන ආවමවත් එයාලට නොකිව්වේ වැඩිදුර දේවල් හොයලා මට චමින්ද අයියව නැති කරයි කියලා. නැකත් බලපුවම හුඟක් ළඟ දිනයක් දීලා තිබුණේ. දවස් එකොළහයි හැමදේටම ලෑස්ති වෙන්න තිබ්බෙ. මං මේක ළඟ වැඩියි කියලා මාසයක් දෙකක් එහා කරගන්න බලමු කිව්වා. ඒකට එයා කිව්වෙ” අපි තව පොඞ්ඩ කාලයයිනේ ඉන්නෙ” ආයෙ දින වෙනස් කරන්න  ඕන නෑනෙ කියලා.

ඒ කෙටි කාලයට හදිස්සියේ වුණත් ඉරාකි සහ චමින්ද පුංචි සුන්දර මංගල්ලයක් සැලසුම් කළහ. ඔවුන්ගේ විවාහයට අත්සන් කළේ අමාත්‍ය හරීන් ප‍්‍රනාන්දු මහතා සහ ඔටාරා ගුණවර්ධන මහත්මියයි. චමින්ද ඉරාකි සමග විවාහයෙන් පසුව ඉන්නට මහරගමින් කුලී නිවසක්ද ගත්තේය. ඉරාකිගෙ කැමැත්ත තිබුණේ ඔහුත් සමග ඔහුගේ අම්මා – තාත්තා වසන සරණංකර පාරේ මහ ගෙදර නිවසේ වසන්නටයි.
ඒත් ඊට ඔහුම අකැමැති වුණේය. ඔහු කීවේ මුලින් එසේ කියා ගියාට ටික දිනකින් ඇයට එහෙ එපා වේවි කියාය. මහරගම කුලී නිවසට අවශ්‍ය බඩු ලැයිස්තුවක් ලීවද ඒවා නොගත්තේ විවාහයෙන් පසුව මිලදී ගැනීමේ බලාපොරොත්තුවෙනි.

”අපේ වෙඩින් එක තිබ්බෙ අගෝස්තු 18 වැනිදා . ඒ දවස් හරි සංතෝසෙන් ගෙවිලා ගියේ. හොටෙල්ස්
වලයි , නංගිලගෙ ගෙදරයි. ඒත් ඒ කාලෙ සමහර දේවල් තියෙනවා අද විශේෂයි කියලා හිතෙන. මට
රත්තරන් බඩු දාගෙන ?ට නිදාගන්න බෑ.
ඒ නිසා පළවෙනි දවසෙම මම මඟුල් මුද්ද ගැලෙව්වා. එතකොට එයා කිව්වේ ” ඔයාට තව ටික දවසයි
ඕක දාන්න වෙන්නෙ.. ඒ හින්දා ගලවන්නෙ නැතුව දාගෙන ඉන්න” කියලා. එයාම දණගහලා මගේ
ඇඟිල්ලට ආයෙ මුද්ද දැම්මා. මම ඇඳේ අනිත් පැත්ත හැරිලා නිදා ගත්තොත් ඉක්මනටම එයා පැත්තට
හැරෙන්න කියනවා ” තව පොඞ්ඩ කාලයයිනේ අපි ඉන්නෙ‘ කියලා. 28 වැනිදා ? එයා සීතලයි කියලා
ඔලූවෙ ඉඳලා රෙද්දක් පොරවගෙන නිදාගත්තා. එයාගෙ මූණ දකින් නැතුව ඉන්න බෑ කියලා හිතිලා.
පොරවගෙන හිටපු රෙද්ද අහක් කරලා මූණ බැලූවම එක පාරටම මට හිතුණා මෙයා මට නැතිවෙයි කියලා. මම ඒ බයට ඒ වෙලේම නුලින්දගේ වයිෆ්ටත් කතා කරලා මට හිතුණ දේ කිව්ව. එදා ? සැරින් සැරේට ඒ දේ හිතුණා. ඊළඟට 30 වැනිදා මාත් එක්කම ඉඳලා දවල් තෝසෙ කන්න එක්ක ගියා. මාව ගෙදර දාලා ත‍්‍රීවිල් එකේ හොරණ යනවා කිව්වා එයාගෙ බිස්නස් වැඩකට. එයා කළේ රෙදි බිස්නස් එකක්. යාළුවෙක් එක්ක චීනෙන් රෙදි ගෙනත් මෙහෙ දානවා. තව පමුණුවේ රෙදි කඩයකුත් තියෙනවා.
එයා එදා මාව දාලා යනකොට කවදාවත් වගේ නැතුවන් මං එයාව බදාගෙනම කිව්වා ” මාව දාලා යන්න එපා අයියෙ” කියලා. මට ත‍්‍රීවිල් එකේ යන්න බෑ. හවස එනවානේ කියලා කිව්වා. හවස මට කතා කළා: දවල්  එයාගෙ කෝල්  එකක් මග ඇරුණා කියලා මට හොඳටම දොස් කිව්වා. මට කරදරයක් ද කියලා බය වුණා කියල තමයි දොස් කිව්වේ.

රෑ වෙනකල් ගෙදර ආවෙ නැති නිසා ආයෙ ගත්තා එතකොට රෑ 10.05 ට විතර ඇති. දැන් තමයි
අම්මලාගෙ ගෙදරට ආවෙ. මහන්සියි. එන්න බෑ. ගෙදර ඉන්නම් කිව්වා. ඇඟ හෝදගෙන කතාකරන්නම්
කිව්වට කතා කළේ නෑ. මහන්සියට නින්ද යන්න ඇති කියලා මං හිතුවා. අපි බැන්දට පස්සෙත් එක දවසක් එයා මහගෙදර තනියම ගියා ඔය වගේ. මං එදා ඒකට දොස් කිව්වම එදා නවතින්නේ නැතුව ආවා.
පහුවදා උදේ එයාම ගන්නකල් බලන් ඉඳලා ඉන්න බැරිම තැන උදේ අටට නවයට මං ගත්තා. ෆෝන් එක වැඩ නෑ. මට මීටිමකට යන්න තිබුණා. මම ඒකට ගියා. දවල් 12 ටත් ෆෝන් එක වැඩ නෑ.
එයා ගමන් යන ත‍්‍රීවිල් මල්ලිට ගත්තම කිව්වෙ අද එහෙ ආවෙ නෑ කියලා. මම එයාගෙ අම්මට
කතාකළේ ඊට පස්සෙ. අම්ම කිව්වෙ එහෙ නෑ. අපේ ගෙදර ඉන්නවා කියලා ආවා කියලා. මං ඔළුව ගිනි අරන් එහෙ ආවා. ඒ අතරෙ එකට විතර ත‍්‍රීවිල් මල්ලි එයාව කලින් දවසේ  ගිහින් බස්සවපු ගල්කිස්සේ
හවුස්චන්ද්‍රා හෝටලේට ගිහින් කාමරෙ දොරට තට්ටු කළාලූ.
”මට නිදිමතයි. පස්සෙ එන්නම්” කිව්වා කියලා චමින්ද අයියගේ අක්කා කෙනකුට තී‍්‍රවිල් මල්ලී කියලා තිබුණ. ඒ හෝටලේට තමයි චමින්ද අයිය සාමාන්‍යයෙන් යන්නේ. මම පොරොන්දු කරගෙන තිබුණා ආයෙ බීලා අහුවුණොත් කසාදෙ ඉවරයි කියලා. ඉතින් මං හිතුවා බීලා අපේ ගෙදරට එන්නත් බැරුව අම්මලාගෙ ගෙදර එන්නත් බැරුව එහෙ ඇති කියලා. මං බලාගෙන හිටියා හවස 5 වෙනකල්. ඒත් ටෙලිෆෝන් එකත් වැඩ නෑ. ආවෙත් නෑ. මට ඇත්තටම කේන්ති ආව. මම නුලින්දට කතා කරලා කිව්ව මෙලහට බීලා නිදි ඇති. ගිහින් දොර කඩලා හරි ඇදගෙන එන්න කියලා.”
ඉරාකි බලා සිටියේ ඔහු ගොස් චමින්දව ගෙදර එක්කාන එන තුරුය. ඒත් ඒ වෙනුවට තවත් විනාඩි
පහළොවකින් පමණ ඇයට ඔහු කතා කොට කීවේ කලබල නොවී කළුබෝවිල රෝහලට එන ලෙසටයි. ඔවුන් ඇමතුම අවසන් කළ නිසාත් නැවත ගත්තද ඇමැතුමට කතා නොකළ නිසාත් වෙනත් තොරතුරක් දැන ගන්නට විදිහක් නොවුණි. ඈ වහා කළුබෝවිල රෝහලට ගියාය.

” මට දැනුණා එයාට මොනවාහරි කරදරයක් කියලා. මම ගිහිල්ලත් ටික වෙලාවකට පස්සෙ නුලින්දයි
ත‍්‍රීවිල් මල්ලියි එයාව අරන් ආවේ. සුදු රෙද්දක ඔතලා. මූණ ඉදිමිලා කළු පැල්ලම් වගේ ඇවිත්. මං
හිතුවෙ එයාට ඇසිඞ් ගහලා කියලා. එයාව කළුබෝවිල රෝහලේ හදිසි අනතුරු අංශයට ඇතුල් කරලා
ප‍්‍රතිකාර කළා. නුලින්දයි ත‍්‍රීවිල් මල්ලියි යනකොටත් කාමරේ දොර වහලා කියනවා. කෙඳිරිගාන
සද්දයක් ඇහුණලූ. මෙයාලා දොරට ගහ ගහ කතා  කළාලූ. යතුර හෙළවෙන සද්දයක් ඇහුණලූ. දොර ඇරුණලූ.
මෙයාලා කාමරේට යනකොට එයා ඇඳේ මුණින් අතට වැටිලා ඉඳලා තියෙන්නේ. තුවාය පිටින් හිටපු චමින්ද අයියා ළඟ හිස් පැනඩෝල් කාඞ් 14 ක් තිබුණලූ. එයාගෙ ඔළු කට්ට පුපුරලා, අතේ අඟල් නවයක විතර කැපුම් තුවාලයක්, නියපොතු පාරවල්, බෙල්ල තැලිලා , හක්ක කැඩිලා ,දත් හතරක් මුලින්ම ගැලවිලා ,ඒ දත් ටික එතෙන්ට යාළුවෙක් ගිහින් අරන් ඇවිත් තිබුණා. එයාගෙ තත්ත්වෙ බරපතළයි කියලා දැඩිසත්කාර ඒකකයට ඇතුල් කළා. 03 වැනිදා  මට ඇතුළට ගිහින් කතාකරන්න කිව්වා. එයා ඇස් ඇරියෙම නෑ. කතා කරන ඒවා තේරෙනවා කියලා දැනුණා. මම යනවා කිව්වම එක පාරක් ඇස් ඇරියා. ලොකු සුසුමක් හෙළුවා. ඊටත් පස්සේ සැප්තැම්බර් 05 වෙනිදා උදේ 10.35 ට නැති වුණේ. පරීක්ෂණ පවත්තපු ගල්කිස්ස  පොලිසියෙන් කියනවා මේ සියදිවි හානි කරගැනීමක්ලූ. මේතරම් තමන්ට වදදීගෙන සිය දිවි හානිකරගන්න අය ඉන්නවද? අනික මාස 5 ක් 6 ක් දන්න මගේ ස්වාමි පුරුෂයාට ඒ වෙනකොට සියදිවි හානිකරගන්න වුවමනාවක් තිබ්බෙ නෑ. මාව බැන්දට පස්සෙ එයාට  ඕන වුණේ බබාල ටිකක් හදා ගෙන හොඳ ගෙයක් දොරක් වාහනයක් අරන් ව්‍යාපාර දියුණු කරගෙන ජීවත්වෙන්න. මට මේ මරණය සැකයි. මේ අභිරහස විසඳලා දෙන්න කියලයි මම ඉල්ලන්නේ. දැනට මිරිහාන පොලිසියෙන් සහ රහස් පොලිසියෙනුත් මේ සම්බන්ධව පරීක්ෂණ සිදු කෙරෙනවා. ”

මේ සම්බන්ධව පරීක්ෂණ පවත්වන ගල්කිස්ස පොලිසිය කියනුයේ  ඔහුගේ ව්‍යාපාර කටයුතු වැටී ණය වීම් ඇති බවට තොරතුරු තිබෙන බවයි. ඔහු සිටි හෝටල් කාමරයෙන් හිස් පැනඩෝල් කාඞ් හමුවී ඇති බවත් ටයි පටියක් ද හමු වූ බව කියයි.

කෙසේ වුවත්  මේ මරණය ගැන පශ්චාත් මරණ පරීක්ෂණයේදී දී ඇත්තේ විවෘත තීන්දුවකි. ඔහුගේ ශරීර කොටස් රස පරීක්ෂකවරයා වෙත යොමු කර ඇත. රස පරීක්ෂණ වාර්තාව ලැබෙන තෙක් කිසිවකුටත් මේ මරණය පිළිබඳ තීන්දු තීරණවලට එළඹෙන්නට නොහැකිය. එහෙත්, විඳින්නට සූදානම් වූ ජීවිතය ඔහුට මේ අයුරින් වද විඳ හැරයන්නට වීමත් ඇයට ජීවිත කාලය පුරා විඳවමින් ජීවත්වන්නට සිදු වීමත් අවාසනාවන්ත වූ ඛේදවාචයක්මය.

තොරතුරු - බියංකා නානායක්කාර (රිවිර)




Categories: ඕපාදුප Tags:

දෙහිවල සත්තු වත්ත සිකුරාදා (22 දා) සිට රෑත් විවෘතයි

September 19th, 2017 Comments off

සැප්තැම්බර් මස 22 දා සිට සතියකට තෝරා ගත් දින තුනක් දෙහිවල සත්වෝද්‍යානයේ විශේෂිත කලාපයක් රාත්‍රී කාලය සඳහා මහජනතාවට විවෘත කරන බව තිරසර සංවර්ධන හා වනජීවී අමාත්‍යාංශය පවසයි. ඒ අනුව සැප්තැම්බර් මස 22 දා සිට සිකුරාදා, සෙනසුරාදා හා ඉරිදා දිනයන්හිදී රාත්‍රී 7.30 සිට රාත්‍රී 10.00 දක්වා මෙසේ මහජනතාවට සත්වෝද්‍යානය විවෘත වෙනු ඇත. 

නිශාචර සතුන් වෙසෙන කලාපය මෙසේ රාත්‍රී කාලයට විවෘත කර තැබීමට නියමිතය. ඒ අනුව රාත්‍රී කාලයේදී සතුන්ගේ චර්යා  රටා ස්වාභාවිකව අත්විදිය හැකි දකුණු ආසියාවේ මෙන්ම ශ්‍රී ලංකාවේ එකම සත්වෝද්‍යානය බවටත් දෙහිවල පත්වෙනු ඇත. මේ ආකාර ක්‍රමවේදයන් සංචාරකයින් බහුල සිංගප්පූරුව වැනි රටවල ‘නයිට් සෆාරි‘ ලෙස ක්‍රියාත්මකවේ.


Categories: ඕපාදුප Tags:

ක‍්‍රිකට් තරුවක් සමග කිසිම සම්බන්ධයක් නැහැ – විනු

September 19th, 2017 Comments off
දෙරණ වීට් මිස් ශ්‍රී ලංකා ලෙස කිරුළ දිනා කරළියට පැමිණි ඇයගේ මුල්ම රංගනය ඇතුළත් වූයේ ‘පිපෙන මල්’ නාට්‍ය වෙනුවෙනි. ඉනික්බිතිව බොහෝදෙනා අතර ඇය ජනප‍්‍රිය චරිතයක් වූයේ ‘තරුමලී’ සමගය.

තරුමලීගෙන් පසුව යාල්දේවි, ආයෙමත් ආදරෙන්, දෙව්ලියේ සහ සී රජ සමග ආලින්දයට ආ විනූ මේ දිනවල හැඩකාර රංගනයක යෙදෙන්නේ ‘රතු පිච්ච’ නාට්‍යයේ ද්විත්ව චරිතයක් සමගය. මේ විදියට හමුවන මේ ටෙලි තාරකාව ක‍්‍රිකට් තරුවකට ඇති සම්බන්ධය මොකක්ද? විනු උදානි සිරිවර්ධන හෙවත් මේ දිනවල නම් වැඩිදෙනා අතර ‘නිකිණි සහ මායා’ වූ ඇයගෙන් ඒ අපි ඒ ගැන විමසමු.

 ක‍්‍රිකට් තරුවක් සමග විවාහ වෙන්න යනවාය කියන කතාව මොකක්ද?

ක‍්‍රිකට් තරුවක් සමග කිසිම සම්බන්ධයක් නම් නැහැ. ඒත් අපේ පවුලට ඥාතීත්වයක් ඇති ක‍්‍රිකට් තරු කීපයක් නම් සිටිනවා.

 කියමුකො කවුද කියලා ඒ අය?

අර්ජුන අපේ අම්මගෙ පවුලේ ඈත ඥාතීත්වයක් තියෙනවා. ඒ වගේම චරිත් සේනානායක, තිලාන් සමරවීර, ඩිල්ෂාන් මුණවීර අපේ පවුලට ඥාතීත්වයක් තියෙනවා.

එතකොට මේ ක‍්‍රිකටර් කෙනෙක් එක්ක විවාහ වෙන්න යන කතාව බොරුවක්?


අපෝ ඔව්, එහෙම දෙයක් ගැන හිතලාවත් නැහැ.

 ක‍්‍රිකට් ක‍්‍රීඩාවට ආසත් නැද්ද?

ක‍්‍රීඩාවක් විදියට ක‍්‍රිකට්වලට කැමතියි. ඒත් මම ලොකු ක‍්‍රිකට් රසිකාවියක් නම් නෙවෙයි.

 ඔබ ආසා ක‍්‍රීඩා මොනවද?

පාසල් කාලයේදී මේස පන්දු, බාස්කට් බෝල්, නෙට් බෝල් ක‍්‍රීඩා කළා. ඊට අමතරව තූර්ය වාදක කණ්ඩායමේ නායිකාව සහ ශිෂ්‍ය නායිකාවකුත් වුණා. චිත‍්‍ර වලට බොහොම දක්ෂ වුණා. නර්තනයටත් දක්ෂ වුණා. ඒ අංශ දෙකෙන්ම සමස්ත ලංකා ජයග‍්‍රහණ පවා ලැබුවා.

 ඒ දක්ෂ ශිෂ්‍යාව ඇයි රඟපාන්න ආවේ?

පාසල් කාලයේදී රංගනය ගැන හිතලාවත් තිබුණෙ නැහැ. මම උසස් පෙළට කළේ වාණිජ විෂයට අදාළවයි. බැංකු ක්ෂේත‍්‍රයේ රැකියාවක් කිරීම තමයි අරමුණ වුණේ. නමුත් ඒ වන විට අවුරුදු කුමරිය තරග වලට පෙනී සිට ජයග‍්‍රහණත් ලබලා තියෙනවා. යාළුවෝ වගේම තාත්තාත්, අයියත් මට රූ රැුජිණ තරගයකට අයදුම් කරන්න කීවා. ඒ නිසා තමයි එදා දෙරණ වීට් මිස් ශ්‍රී ලංකා තරගයට අයදුම් කළේ. එය ජයග‍්‍රහණය කළාම ‘තරුමලි’ නාට්‍යයේ රඟපෑමට දෙරණ ආරාධනා කළා. ඒත් අම්මා ගුරුවරියක වූ නිසා ඒ වෙලාවේ කොහොමටවත් ඒකට ඉඩ දුන්නෙ නැහැ. ඒ වෙලාවේ තාත්තා සහ මගෙ අයියා එකතුවෙලා මාව ඒ වෙනුවෙන් උනන්දු කළා. ඒ විදියට අහම්බයකින් තමයි රංගනය පටන් ගත්තෙ.

ඒ විදියට අහම්බෙන් රඟපෑමට ආ ඔබ ගැන අද දවසේ කතා වන්නෙ?

සාමාන්‍යයෙන් මම අවුරුද්දකට එක හොඳ නාට්‍යයක විතරයි රඟපාන්නෙ. නමුත් ඒ විදියට රඟපෑ නාට්‍ය තුනක්ම එකවර විකාශය වෙන්න පටන් ගත්තා. දෙව්ලියේ සහ සී රජ පසුගිය සතියේ නිමාවුණා. දැන් රතුපිච්ච (සිරස) විකාශය වෙනවා. මෙහි ද්විත්ව චරිතයක් ප‍්‍රථම වතාවට මම රඟපාන්නෙ. නිකිණි සහ මායා ලෙසයි. ඒ අපූරු චරිත ද්විත්වය නිසාත් සී රජ නාට්‍යයේ රඟපෑ චරිතයටත්, දෙව්ලියේ චරිතය නිසාත් බොහෝදෙනා මේ දිනවල කතා වන බව කියන්න පුළුවනි.

 රතුපිච්ච නිකිණි සහ මායා මොන වගේ අත්දැකීමක්ද ගෙන දුන්නෙ?

නිකිණි කියන්නෙ පොහොසත් පවුලක කෙනෙක්. මායා දමිළ තරුණියක්. මේ ද්විත්ව චරිතය ඇත්තටම හරි අපූරු අත්දැකීමක් ගෙන දුන්නෙ. ඒ චරිත දෙකටම බොහෝදෙනා ආදරය කරන බව පෙනෙනවා. සමහරු අහන්නෙ ඒ චරිත කරන්නෙ නිවුන්නුද කියලයි. මගේ් නංගි මට වඩා අවුරුදු පහක් බාලයි. අපි නිවුන්නු නෙවෙයි.

නංගිත් අක්කා වගේ රඟපාන්න ඒවිද?


මම හිතන්නෙ නැහැ. එයා ගිය අවුරුද්දෙ උසස් පෙළ කළේ. දැන් භාෂා අංශයෙන් ඉගෙන ගන්නවා. මේ දිනවල ජපන් බස ප‍්‍රගුණ කරනව.

පෙම්වතා ක‍්‍රිකටර් කෙනෙක් නෙවෙයි නම් පෙම්වතා කවුද?

අවශ්‍ය වෙලාව ආවාම කියන්නම්.

 විනු දේශපාලන ක්ෂේත‍්‍රයටත් කැමතියි කියලා ආරංචියි?


දේශපාලනයට දැනට කැමති නැහැ. නමුත් අපේ තාත්තාගේ පවුලේ අය දේශපාලනයට සම්බන්ධ වුණා. තාත්තාත් දේශපාලන කටයුතුවල යෙදුණා.

 ගෙදරදි ඉවුම් පිහුම් වලටත් හරි දක්ෂලූ නේද?

අම්මා උයද්දි අම්මාට උදව් කරනවා. අලූත් ආහාර වට්ටෝරු අත්හදා බලන්න ආසයි. හැබැයි වැඩිපුරම මම කරන්නෙ අතුරුපසට පැණි රස කෑමක් හදන එකයි.

 විනුගෙන් අතුරු පසට වට්ටෝරුවක් දුන්නොත්?


මම කියන්නම් බිස්කට් ෆුඩිං හදන හැටි.

අවශ්‍ය දේ මාරි බිස්කට්, කිරි සහ අයිසින් හදාගන්න කොකෝ පවුඩර්, අයිසින් ෂුගර් සහ බටර්. මේ මිශ‍්‍රණය එකතු කරලා බිස්කට් එකිනෙක අතර තවරා තට්ටුවකට හදාගන්න. බිස්කට් කිරිවල පොඟවලා තමයි ගන්න ඕනෑ. ඉන්පසුව මේ සාදාගත් බිස්කට් තට්ටු ශීතකරණය තබා මද වේලාවකට පසුව අතුරුපසට ගන්න. හරිම රසවත්.

විනු ඉදිරි අරමුණු ගැනත් කිව්වොත්?


ඇඳුම් නිර්මාණය පිළිබඳව මගේ ලොකු කැමැත්තක් තිබෙන්නෙ. දැන් ඒ ගැන සැලකිලිමත් වෙනවා. මගේම නිර්මාණ විලාසිතා ආයතනයක් ආරම්භ කිරීම තමයි අරමුණ.

 ලංකාවේ වත්මන් ටෙලි නාට්‍ය ක්ෂේත‍්‍රය ගැන කොහොමද හිතන්නෙ?

වෙනස් නිර්මාණ බිහිවීමේ අඩුවක් තියෙන්නෙ. ඒ නිසා වෙලාවකට ඒකාකාරී රටාවක් ගන්නවා. නමුත් මෑතකදී හරි වෙනස් නිර්මාණ දැකගන්න ලැබුණා. වෙනස්ම නිර්මාණ බිහි කළ යුතුයි කියලා තමයි මම හිතන්නෙ.

- සාරවිට

Categories: ඕපාදුප Tags: