Archive

Archive for the ‘ඕපාදුප’ Category

කැබිනට් රැස්වීමෙදි ජනපතිට ඇත්තටම මොකද වුනේ?

January 16th, 2018 Comments off

කැබිනට් රැස්වීමෙදි
ජනපතිට ඇත්තටම මොකද වුනේ?


ජනාධිපති මෛත්‍රිපාල සිරිසේන මහතා ඊයේ (16දා) පැවැති කැබිනට් මණ්ඩල රැස්වීම ආරම්භයේදීම ආණ්ඩුවේ ඇතැම් අයගේ ක්‍රියාකලාපය දැඩිව විවේචනය කොට පුළුවන් නම් තනිව යූ.ඇන්.පී. ආණ්ඩුවක් පිහිටුවා ගන්නැයි ප්‍රකාශයක් කොට කැබිනට් මණ්ඩල රැස්වීමෙන් පිටව ගොස් තිබේ.
ජනාධිපති ලේකම් කාර්යාලයේදී ඊයේ පෙරවරුවේදී ආරම්භ වූ කැබිනට් මණ්ඩල රැස්වීමේදී තමන් පොළොන්නරුවේ සිට දේශපාලනයට පැමිණි ආකාරය සිහිපත් කරමින් මෙසේ අවධාරණය කොට තිබේ.

ජනාධිපතිවරයා කතාව ආරම්භ කොට තිබෙන්නේ කෝ හරීන් ඉන්නවද? ආ නෑ නේද
කියමිනි.
"එ.ජා.ප.යේ හරීන් ප්‍රනාන්දු, මරික්කාර්, නලීන් බණ්ඩාර සහ සුජීව සේනසිංහ තැන් තැන්වලදී මට දැඩි වාග් ප්‍රහාර එල්ල කරනවා. ඒත් මම බැඳුම්කර විමර්ශන කොමිසම පත් කළ එක වැරැදිද? මට කියන්නේ දඬුවම් කරන්න එපා කියලද? මම කියපු ඒවා ඇහුවා නම් මේ ප්‍රශ්න එකකටවත් මුහුණ දෙන්න වෙන්නේ නැහැ. මම කියපු දේ ඇහුවේ නැති නිසා තමයි මේවා සිදු වෙමින් තිබෙන්නේ. අර්ජුන මහේන්ද්‍රන් මහ බැංකුවට පත් කරන්න මම එපා කිව්වා. ඇහුවද? රවි මුදල් ඇමැති ලෙස පත් කරන්න එපා කිව්වා. ඒත් කවුරුත් ඇහුවේ නැහැ. මම මේ ලයින් එකේ තමයි එදා ඉඳලා හිටියේ. මම දූෂණයට විරුද්ධව 2012දී මහින්දගේ ආණ්ඩුවේ ඉන්නකොට කතා කෙරුවා. ඒ ඇති වෙච්ච ප්‍රශ්නය නිසා තමයි ආණ්ඩුවෙන් ඉවත් වෙන්න තීරණයක් ගත්තේ. ඒ අනුව තමයි මම අදත් ගමන යන්නේ. අද මට යූ.ඇන්.පී. අය ජනාධිපතිගේ ටෝක්. ජනාධිපති පික් පොකට් ගහනව කියනවා.

මේක බැලුවම මේගොල්ල කියනවද? නැති නම් මේගොල්ල ලවා කියවනවද? බැලුවම නම් පේන්නේ මේ ගොල්ලෝ ලව්වා කියවනවා වගෙයි.
මෙහෙම නම් කතා කරන්නේ මට ගනුදෙනු බේරා ගන්න බැරි නැත්තේ නැහැ. එහෙම දාලා මම කොහේද යන්නේ. බණ්ඩාරනායක වගේ මාව මරා දමන්නද යන්නේ.? මම 2015දී රාජපක්‍ෂ ආණ්ඩුවෙන් එළියට ආවේ ඇයි? අපි හොරකම්, දූෂණ වංචා නවත්වනවා කියලයි පොරොන්දු දුන්නේ. මම මේ ගමන ඒ විදියට යන්න කැමැතියි." ජනාධිපතිවරයා එසේ අවධාරණය කරමින් තම මේසය මත තිබූ හඬ පටිගත කරන යන්ත්‍රය ඇමැතිවරුන්ට ප්‍රදර්ශනය කරමින් වැඩිදුරටත් මෙසේ ද පවසා ඇත.

"මම කතා කරන දේ මට වටිනවා. ඒකයි රෙකෝඩ් කරන්නේ. මම යූ.ඇන්.පී.යට විරුද්ධ නැහැ. මම බොහෝ දේවල් කැප කරලා ජීවිතය පරදුවට තියලා මරණ මංචකයට යන්න හිටි මොහොතක පවුලත් පරිත්‍යාග කරලයි ආවේ. මට බලයට එන්න යූ.ඇන්.පී.ය උදවු කළ බව මම දන්නවා. මේ රටේ කිසිම ජනාධිපතිවරයකු අගමැතිවරයකුට නොදුන් බලතල මේ අගමැතිතුමාට දුන්නා. මා එසේ කළේ මේ ආණ්ඩුව කරගෙන යන්නයි. මම දන්නවා මම යූ.ඇන්.පී.ය පාවලා දෙන්නෙත් නැහැ. යූ.ඇන්.පී.යට විරුද්ධත් නෑ.

නමුත් මහ බැංකු හොරකමට ඉඩ දෙන්න කියලද කියන්නේ? මට ඒක කරන්න බැහැ. මගෙන් ඒවද බලාපොරොත්තු වෙන්නේ? මම දන්නවා නඩු යට ගහන්න ගිය හැටි. ආණ්ඩු දිගටම කරගෙන යනවද කියලා හා කරන විදිය ඔයගොල්ලෝ සාකච්ඡා කරලා තීරණයක් අරන් මට දැනුම් දෙන්න. "පුළුවන් නම් ඔයගොල්ලො යූ.ඇන්.පී. ආණ්ඩුවක් පිහිටුවා ගන්නැයි" පවසා ඇත. විනාඩි 35කට ආසන්න වේලාවක් එසේ උණුසුම් හා දැඩි ප්‍රකාශයක් කළ ජනාධිපති මෛත්‍රිපාල සිරිසේන මහතා කැබිනට් මණ්ඩල රැස්වීමෙන් ඉවත්ව ගොස් තිබේ.

ඉන් අනතුරුව අගමැති රනිල් වික්‍රමසිංහ, මලික් සමරවික්‍රම ඇතුළු එ.ජා.ප.යේ සහ ශ්‍රීල.නි.ප. ඇමැතිවරුන් පිරිසක් ජනාධිපති ලේකම් කාර්යාලයේ පිහිටි ජනාධිපති නිල කාමරයට ගොස් ජනාධිපති මෛත්‍රිපාල සිරිසේන මහතා මුණ ගැසී සාකච්ඡා කොට ජනාධිපතිවරයා කැබිනට් රැස්වීමට ආපසු කැඳවාගෙන ඒමට ක්‍රියා කර තිබේ. ඒ ශ්‍රී ල.නි.ප. මැති ඇමැතිවරුන් අගමැති ප්‍රමුඛ එ.ජා.ප.ය අනවශ්‍ය ලෙස විවේචනය නොකිරීමටත් එ.ජා.ප. මැති ඇමැතිවරුන් අනවශ්‍ය ලෙස ජනාධිපතිවරයා ප්‍රමුඛ ශ්‍රීල.නි.ප. විවේචනය නොකිරීමටත් එකඟතාවක් ඇති කර ගැනීමෙන් පසුවය.

ඉන් අනතුරුව අගමැති රනිල් වික්‍රමසිංහ මහතා ජනාධිපති මෛත්‍රිපාල සිරිසේන මහතාගේ අතින් අල්ලා ගෙන යළිත් කැබිනට් මණ්ඩල රැස්වීමට කැඳවාගෙන පැමිණ තිබේ. දෙවැනි වරටත් කැබිනට් මණ්ඩල රැස්වීම පටන් ගෙන ඇත්තේ ඉන් පසුවයි.
Categories: ඕපාදුප Tags:

බිරියගේ ආසාව ඉටු කරන්න කිම් ජොන් උන් දකුණු කොරියාවට යැවූ චියර් ලීඩර් කාන්තා හමුදාව

January 16th, 2018 Comments off



ලබන මාසයේ දකුණු කොරියාවේ පැවැත්වෙන සිසිර ඔලිම්පික් තරගාවලියට උතුරු කොරියාවේ සහභාගීත්වය පසුගියදා ප්‍රකාශයට පත්වූ අතර ඊට වැඩි සහයෝගයක් පිරිනමමින් උතුරු
කොරියානු නායක කිම් ජොන් උන් ‘චියර් ලීඩර් හමුදාවක්‘ දකුණට යවන බවටද ප්‍රතිඥා දුන්නේය. වාර්තාවන ආකාරයට වයස 20 හා ආසන්න ගණන්වල 300 කගේ පමණ සුන්දර කාන්තාවන් පිරිසක් මෙම පොරොන්දුව ඉටු කරමින් දකුණු කොරියාවට යවනු ඇත.
මේ කාලයේ දරුණු ගණයේ පාලකයෙකු ලෙස ලොවම කථාකරන කිම් ජොන් උන් මෙවැනි තීරණයක් ගෙන දකුණ සමග සහයෝගයෙන් කටයුතු කිරීම ඇතැමුන්ගේ විමතියටද හේතුවී තිබිණි. කෙසේ නමුත් චියර් ලීඩර් හමුදාවක් දකුණට යැවීම පසුපස සිටින්නේ කිම් ජොන් උන්ගේ බිරිය බව දැන් වාර්තා පළවේ.

කිම්ගේ බිරිය රි සොල් ජු යනු 2005 ආසියානු තරගාවලියට චියර් ලීඩර් කාන්තාවක ලෙස පෙනී සිටි තැනැත්තියකි. ඇය කෙරෙහි ඒ කාලයේ කිම්ගේ සිත ඇදී යාමට හේතුවූයේද ඇය අලංකාර ලෙස එම නර්තනයන්හි නිරතවීම බව කියැවුණි. කිම් ජොන් උන් මෙවර දකුණු කොරියාවට පිරිසක් යවනුයේ ඇගේ ඉල්ලීමක් මුල් කරගෙන බවද වාර්තා පළවේ.
කෙසේ වෙතත් උතුරු දකුණු කොරියානු සහයෝගීතාවය අලුත් පෙරළියක ආරම්භයක් බවටද දේශපාලන විචාර පළව තිබේ.









Categories: ඕපාදුප Tags:

නීතිවිරෝධී ලෙස මසුන් ඇල්ලූ ඉන්දීය ධීවරයින් 16 ක් අල්ලලා

January 16th, 2018 Comments off


ඊයේ (15) දින ශ්‍රී ලංකා මුහුදු තීරයේ නීතිවිරෝධී ලෙස මසුන් ඇල්ලූ ඉන්දීය
ධීවරයින් 16 ක්

සහ ට්‍රොලර් යාත්‍රා 4 ක් නාවික හමුදාව මගින් අත්අඩංගුවට  ගෙන තිබේ.
උතුරේ ඩෙල්ෆ්ට් දූපත හා කච්චතිවු දූපතට අයත් ඊසාන දෙසින් මුහුදු වෙරළේ දී  ඔවුන් අත්අඩංගුවට ගෙන ඇත. අත්අඩංගුවට ගත් යාත්‍රා කරෙයිනගර්හි  නාවික හමුදා කඳවුරේ රඳවා ගෙන තිබේ. මේ අතර, අත්අඩංගුවට ගත් ධීවරයින් කන්කසන්තුරේ  නාවික හමුදා කඳවුරට ගෙන ගොස්, නීතිමය ක්‍රියාමාර්ග සඳහා යොමු කර ඇත.



Categories: ඕපාදුප Tags:

කසාද බැන්ද අලුත කෝපය පාලනය නොකරගත් විරාත් කෝලිට අයි.සී.සීය දඩ ගසයි

January 16th, 2018 Comments off

දකුණු අප‍්‍රිකානු කණ්ඩායම සමග පැවැත්වෙන දෙවන ටෙස්ට් තරගයේදී තරගයේ ජීව ගුණය හානි කිරීම හේතුවෙන් ඉන්දියානු නායක විරාත් කෝලි හට 25%ක දඩ මුදලක් නියම කිරීමට තරග තීරක වශයෙන් කටයුතු කරන ක‍්‍රිස් බෝර්ඩ් කටයුතු කර තිබෙයි.

පසුගියදා බොලිවුඩ් නිළි අනුෂ්කා ෂර්මා සමග විවාහ දිවියට පිවිසීම නිසා කෝලි ගැන දැඩි කථාබහක් ඇති විය. දකුනු අප‍්‍රිකානු ඉනිමේ 25වැනි පන්දුවාරයේදී විරාත් කොලි තෙතමනය හේතුවෙන් පන්දුව‍ෙ හැඩය වෙනස් වී ඇති බවට විනිසුරුවරුන්ට පැමිණිලිකර එම අවස්තාවේ කෝ විනය විරෝධි ලෙස හැසිරී ඇත.

තරග තීරක ක‍්‍රිස් බොර්ඩ් කෝලි හට තරග මුදලින් 25%ක දඩයක් හා දඩුවම් ලකුණක් නම් කර ඇත.  කෙසේ වෙතත් මෙම තරගයේදී ලකුණු 153ක් රැස් කරගැනීමටද විරාත් කෝලි සමත්විය.
Categories: ඕපාදුප Tags:

ඩෙන්ටල් ක්ලිනික් උඩ තට්ටුවට කඩා වැදුණ Nissan Altima

January 16th, 2018 Comments off


දන්ත ශල්‍යාගාරයක උඩ තට්ටුවට කඩා වැටුණ Nissan Altima වර්ගයේ කාර් රථයක් පිළිබඳ අමුතු පුවතක්
කැලිෆෝනියාවෙන් වාර්තාවේ.

අධික වේගයෙන් ගමන් කරද්දී එය විසිවී ඉහළට ගමන් කරන්නට ඇතැයි සැලකෙන නමුත් ඉහළට ගියේ කෙසේ දැයි තවම හඳුනාගෙන නැත.
අනතුර සිදුවන අවස්ථාවේ සුළු ගින්නක්ද හටගෙන තිබුණ නමුත් එය මැඩ පවත්වා ඇත.වාහන පදවමින් සිටි පුද්ගලයා සහ ඇතුලේ සිටි තවත් පුද්ගලයෙකු තුවාල ලබා ඇත. පැදවූ පුද්ගලයා මත්ද්‍රව්‍ය භාවිත කරන්නෙකු බවට පොලිසියට කරුණු අනාවරණයවී තිබේ.



Categories: ඕපාදුප Tags:

මං දණගැසූ කතාව බොරුවක් – බදුල්ල විදුහල්පතිනියගෙන් ප්‍රකාශයක්

January 16th, 2018 Comments off

ඌව ප‍්‍රධාන අමාත්‍යවරයා තමාව දණ ගැස්සූ බවට සිදුවන ප‍්‍රචාරය සහමුලින්ම අසත්‍යයක් බවත්
තමාගේ නාමය දේශපාලන ප‍්‍රචාරයන් සදහා යොදා නොගන්නා ලෙසත් ඉල්ලා සිටින බව  බදුල්ල

දෙමළ බාලිකා විදුහලේ විදුහල්පතිනි ටී.භවානි මහත්මිය

දන්වා සිටී.

මහ ඇමැතිවරයා බදුල්ල දෙමළ බාලිකාවේ විදුහල්පතිනිය දණගස්වා ඇති බවට ජනතා විමුක්ති පෙරමුණේ ඌව
පළාත් සභා මන්ත‍්‍රී සමන්ත විද්‍යාරත්න මහතා ඇතුළු දේශපාලකයින් මෙන්ම ගුරු සංගම් විසින් කරනු
ලබන චෝදනාව සම්බන්ධයෙන් කළ විමසුමකට පිළිතුරු දෙමින් විදුහල්පතිනිය මේ බව කියා සිටියාය.

දැරියක පාසලට ඇතුළත් කිරීම පිළිබදව පැන නැගුණු ගැටලූවක් සම්බන්ධයෙන් විමසීමට ප‍්‍රධාන
අමාත්‍යවරයා සිය නිල නිවසට තමන්ව කැදවා තිබුණේ  අධ්‍යාපන අමාත්‍යාංශයේ ලේකම් සහ පළාත්
අධ්‍යාපන අධ්‍යක්ෂවරයා ඉදිරියේ බවත් එහිදී තමන්ට කිසිදු අපහාසයක් හෝ හිංසනයක් වන ආකාරයෙන්
කිසිවක් සිදුනොවූ බවත් ඇය කියා සිටියාය.

මේ දිනවල පවතින ඡන්ද උණුසුම හමුවේ මෙවැනි ප‍්‍රචාර ගෙන යාම තමන්ට හෝ තම පාසලට හොද
ක‍්‍රියාවක් නොවන බව පෙන්වා දෙන විදුහල්පතිනිය  ඕනෑම පරීක්ෂණයකදී තමා මේ සත්‍යය ඒ
ආකාරයෙන්ම ප‍්‍රකාශ කිරීමට පසුබට නොවන බවත් පැවසුවාය.
-එෆ්. අස්ලම්
Categories: ඕපාදුප Tags:

මෙක්සිකෝ අහසේ අද්භූත වස්තුවක් (video)

January 16th, 2018 Comments off

මෙක්සිකෝවේ කාන්තාවක් විසින්
ජංගම දුරකථනයකින්

පටිගත කරන ලද වීඩියෝවක් 2018 දී පළමුවන හඳුනානොගත් ආකාෂ වස්තු UFO නිරීක්ෂණය ලෙස වාර්තා කර තිබේ.
මෙහි මිනිසෙකුට සමාන  හැඩැති වස්තුවක් පෙන්නුම් කරයි. ගුවන් යානා කිසිවක් මීට සමාන නොවේ. සමහරුන් පවසන පරිදි මෙය පිටසක්වල යානාවකි.  තවත් සමහරු පවසන්නේ මෙම වීඩියෝ පටය පැහැදිලිවම ව්‍යාජ එකක් බවයි.
Categories: ඕපාදුප Tags:

කෝපවී කැබිනට් මණ්ඩලයෙන් ජනපති නැගිට ගිය කතාව

January 16th, 2018 Comments off
ජනාධිපති මෛත්‍රිපාල සිරිසේනගේ ප්‍රධානත්වයෙන් අද (ජනවාරි 16) උදෑසන ජනාධිපති ලේකම් කාර්යාලයේ පැවති කැබිනට් මණ්ඩල රැස්වීම දැඩි උණුසුම්කාරී එකක් වූ බවට වාර්තා පළව තිබේ.

එක්සත් ජාතික

පක්ෂයේ ඇමතිවරුන් සහ මන්ත්‍රීවරුන් තමා විවේචන කිරීම ගැනත් තමාට නොදන්වා ආණ්ඩුවේ ඇතැම් තීරණ ගැනීම ගැනත් ජනපති අප්‍රසාදය පළ කර පසුව කැබිනට් මණ්ඩල රැස්වීමෙන් නැගිට ගොස් ඇත.
ජනාධිපතිවරයා එසේ නැගිට ගොස් තිබෙන්නේ කැබිනට් පත්‍රිකා පවා සාකච්ඡාවට ගැනීමට පෙර බව ආරංචි මාර්ග මගින් පැවසෙයි.
අගමැති රනිල් වික්‍රමසිංහ ඇතුළු ඇමතිවරුන් කිහිප දෙනෙක් කැබිනට් රැස්වීමෙන් ඉවත්ව ගිය ජනාධිපතිවරයා හමු වී ඔහු නැවත රැස්වීමට කැඳවා ගෙන පැමිණි බවත් පැය බාගයක පමණ කාලයක් මේ හේතුවෙන් කැබිනට් මණ්ඩල රැස්වීම ඇණහිටි බවත් වාර්තාවේ.

Categories: ඕපාදුප Tags:

කරීනාගේ පුතු ටයිමූර් සෙල්ලම් කරන ඡායාරූප අන්තර්ජාලය කළඹලා

January 16th, 2018 Comments off


සයිෆ් අලි කාන්ගේ බිරිය කරීනා කපූර් සහ
ඔවුන්ගේ ළාබාල පුතු ටයිමූර් සිටින ඡායාරූප පෙළක් මේ දිනවල ඉන්දියාවේ සමාජ මාධ්‍ය තුළ ජනප්‍රිය වී තිබේ.









Categories: ඕපාදුප Tags:

නාමල් ගුවන් සේවිකාවකට ලක්ෂ 4 ක් දීලා තියාගෙන හිටියා – රාජිත

January 16th, 2018 Comments off

සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා බේරුවල වෙරළ
ක්‍රිඩාංගණයේ

දී පසුගියදා පැවැත්වූ රැස්වීමකදී මෙසේ කීවේය.
‘මේ වනවිට රාජපක්ෂලාගේ පවුලේ සැමටම නඩු. හිටපු මන්ත්‍රී නාමල් රාජපක්ෂ මහතා එයාර්ලංකා ගුවන් සේවිකාවකට ලක්ෂ 04 ක වැටුප් ලබාදෙමින් ඔහුගේ පෞද්ගලික කාර්ය මණ්ඩලයේ තබාගෙන කටයුතු කළා. එයාර්ලංකා සමාගමේ සභාපතිවරයාට එම ගුවන් සේවිකාව කථා කළේ නම කියලයි. ගෝඨාභය රාජපක්ෂට සහ නාමල් රාජපක්ෂට සර් කියපු අයත් අමාත්‍ය මණ්ඩලයේ හිටියා. ‘
Categories: ඕපාදුප Tags: