Archive

Archive for the ‘ආරක්ෂක පුවත්’ Category

තවත් කන්ටේනර් 54ක කොකේන්..? වහාම සීල් තබයි..

July 22nd, 2017 Comments off
බ‍්‍රසීලයේ සිට ආනයනය කර ඔරුගොඩවත්ත බහාලුම් අංගනයේ ඇති තවත් සීනි කන්ටේනර් 54කට පොලිස්‌ මත්ද්‍රව්‍ය නාශක අංශය විසින් සීල් තබා තිබේ.

මෙම කන්ටේනර් තුලද කොකේන් ඇතැයි මත්ද‍්‍රව්‍ය නාශක අංශය සැක පල කරන අතර රේගුව වෙත දැනටමත් උපදෙස් දී ඇත්තේ මෙම සීනි කන්ටේනර් දැඩි පරීක්‌ෂාවකට ලක්‌ නොකර මුදා නොහරින ලෙසයි. ඉදිරි සතිය ඇතුලතදී මෙම කන්ටේනර සියල්ල දැඩි පරීක්‍ෂාවට ලක් කිරීමට නියමිතය.

කොකේන් ගෙනාවේ සතොසට.. රේගු නිලධාරීන් තිදෙනෙකු මාරු කරයි..

July 21st, 2017 Comments off
රත්මලාන විශේෂ ආර්ථික මධ්‍යස්ථානයේ සතොස ගබඩාවට සීනි ප‍්‍රවාහනය කරමින් තිබූ කන්ටේනරයක තිබී කොකේන් කිලෝ 218ක් සොයා ගැනීම සම්බන්ධයෙන් රේගු නිලධාරීන් තිදෙනෙකුට වහාම ක‍්‍රියාත්මක වන පරිදි ස්ථාන මාරුවීම් ලබා දී ඇත.

අදාල කන්ටේනරය රේගුවෙන් නිදහස් වී ඇත්තේ ඔවුන් රාජකාරියේ සිටියදී නිසා මෙම ස්ථාන මාරුව ලබා දී තිබේ. කෙසේ වෙතත් මෙම මත්ද‍්‍රව්‍ය තොගය සම්බන්ධයෙන් වගකිව යුතු මට්ටමේ පුද්ගලයෙකු මෙතෙක් හෙලිව නැත.

නියගය තවත් රළු වෙයි.. දිස්ත‍්‍රික්ක 13ක් දැඩි අනතුරේ…

July 21st, 2017 Comments off
දිවයිනේ දිස්ත‍්‍රික්ක 13ක දැඩි නියං කාලගුණ තත්වයක් පවතින බව ආපදා කළමණාකරන මධ්‍යස්ථානය පවසයි.

එහි අධ්‍යක්‍ෂ ප‍්‍රදීප් කොඩිප්පිලි මහතා පවසන්නේ උතුරු පළාත, උතුරු මද පළාත, නැගෙනහිර පළාත් මෙන්ම මන්නාරම, පුත්තලම, කුරුණෑගල, මහනුවර දිස්ත‍්‍රික්වලට මෙම දැඩි නියං කාලගුණය බලපා ඇති බවයි.

මෙම නියං තත්වය තව දුරටත් ඉදිරියට පවතිනු ඇති බව කාලගුණ දත්ත සදහන් කරන බවද පෙන්වා දෙන ඔහු පානීය ජල ගැටළුව උග‍්‍ර වී ඇති ප‍්‍රදේශ සදහා ජලය බෙදා හැරීම සිදු කරමින් සිටින බවද සදහන් කරයි.

විද්‍යා ඝාතන සැකකාර එස්‌ අයි හැංගිලා

July 21st, 2017 Comments off
යාපනයේ විද්‍යා සිසුවිය ඝාතනයට සම්බන්ධ බව කියන උප පොලිස්‌ පරීක්‌ෂක ශ්‍රී කජන් නමැත්තා සැඟවී සිටින බව රහස්‌ පොලිසිය යාපනය අධිකරණය වෙත දැනුම් දී ඇත.

රහස්‌ පොලිසියේ ඉල්ලීම මත අධිකරණය විසින් ශ්‍රී කජන් රටින් පිටව යැම ව්‍යර්ථ කිරීම සඳහා ආගමන විගමන බලධාරීන්ට නියෝගයක්‌ නිකුත් කර ඇත. මෙම විද්‍යා සිසුවිය ඝාතනයට සම්බන්ධ සැකකරුවකු, ශ්‍රී කජන් විසින් අත්අඩංගුවට ගෙන ඇතත් ඔහු අධිකරණයට ඉදිරිපත් කර නැතැයි රහස්‌ පොලිස්‌ විමර්ශනවලින් හෙළිවී තිබේ.

සුළඟේ වේගය වැඩි වෙයි – විමසිල්ලෙන් සිටින්නැයි දන්වයි

July 18th, 2017 Comments off
පුත්තලම සිට මන්නාරම දක්වා සහ හම්බන්තොට සිට පොතුවිල් හරහා මඩකලපුව දක්වා මුහුදු ප‍්‍රදේශවල සුළගේ වේගය පැයට කිලෝමීටර් 70 දක්වා වැඩි විය හැකි බව කාලගුණ විද්‍යා දෙපාර්තමේන්තුව පවසනවා.

එමෙන්ම මන්නාර සිට කන්කසන්තුරය දක්වා ගැඹුරු සහ නොගැඹුරු මුහුදු ප‍්‍රදේශයේ ද සුළංගේ වේගය පැයට කිලෝමීටර් 60 ත් 70 ත් දක්වා වැඩි විය හැකි බවයි එම දෙපාර්තමේන්තුව සඳහන් කළේ. මේ හේතුවෙන් ධීවර සහ නාවික ප‍්‍රජාව වඩා විමසිලිමත් විය යුතු බවයි කාලගුණ විද්‍යා දෙපාර්තමේන්තුව දැනුම් දෙන්නේ. මෙම අනතුරු ඇඟවීම ඉදිරි පැය 24ක කාලය සඳහා වලංගු වනු ඇති.

මුලතිව් කෝකිලායි සිංහල පාසලේ පිපිරීමක්. සිසුන් 08ක් රෝහල්ගත කෙරේ…

July 18th, 2017 Comments off
මුලතිව් කෝකිලායි සිංහල පාසලේ පැවති ඩෙංගු මර්ධන වැඩසටහනකදී කසල ගොඩක සිදු වූ පිපිරීමක් හේතුවෙන් කම්පනයට පත් පාසල් සිසුන් 08 දෙනෙකු අද (018) උදෑසන මුලතිව් මාන්චෝලෙයි රෝහලට ඇතුලත් කල බවට මුලතිව් පොලීසිය කියා සිටියේය.

අද උදෑසන කෝකිලායි සිංහල පාසලේ ඩෙංගු මර්ධන වැඩසටහනක් පැවති ඇති අතර එහිදී පාසල් සිසුන් විසින් එක් රැස් කරගන්නා ලද කසල එකතු කොට ගිනි තබා ඇති අතර එහිදී එක් කසල ගොඩක් හදීසියේම දැඩි ශබ්දයකින් පුපුරා යාම හේතුවෙන් අසල සිටි සිසු සිසුවියන් හට ඇති වූ කම්පන තත්වයක් හේතුවෙන් ඔවුන් රෝහල් ගත කොට ඇත.

මුලතිව් පොලීසිය සඳහන් කලේ අදාල පිපීරීමෙන් කිසිදු අයෙකුට තුවාල සිදුවීමක් නොමැති බටත් අදාල පිපරුම කිසියම් වූ පුපුරණ දුව්‍යක් තිබී පුපුරා යන්නට ඇති බවට තමන් සැක කරන බවටයි. මාචෝලෙයි රෝහලට ඇතුලත් කොට ඇති සිසු සිසුවියන්ගේ තත්වය බරපතල නොවන අතර සිසුන් දෙදෙනෙකු හා සිසුවියන් හය දෙනෙකු මේ අතර වෙයි. අදාල පිපිරීම වූ ස්ථානයට මේ වන විට මුලතිව් හා කෝකිලායි පොලිස් නිලධාරීන් පැමිණ පරික්ෂණ කටයුතු සිදු කරන අතර පාසල් ළමුන්ට බිය නොවන්නැයිද දැනුවත් කොට ඇත.

– වන්නි රොමේෂ් මධුෂංඛ

තරුණයෙකුට මරු කැඳවූ හංවැල්ලේ ග්‍රීස් යකා කොටුවූ මොහොත

July 18th, 2017 Comments off
පසුගිය කාලයේ හංවැල්ල සහ නවගමුව ප්‍රදේශ කිහිපයක කාන්තාවන්ගේ අඟපසඟ අතගාමින් රාත්‍රී කාලයේ සැරිසැරූ බවට වාර්තා පළවූ ග්‍රීස් යකා අල්ලාගන්නට ගම්වාසීන් සමත්ව තිබේ.

ග්‍රීස් යකා පෙරේදා (16දා) රාත්‍රියේදී  ප්‍රදේශයේ සැරිසරන බවට ප්‍රදේශවාසීන්ට සැලවී මෙහෙයුමක් ආරම්භ කර තිබූ අවස්ථාවේදී ගමේ තරුණයකු අවාසනාවන්ත ලෙස ජල ව්‍යාපෘතියක තිබූ ළිඳකට වැටී මියගොස්ද තිබුණි. ග්‍රීස් යකා ඇල්ලීමට ගිය 27 හැවිරිදි  බටවල ප්‍රදේශයේ පදිංචිව සිටි අමිත් ප්‍රියංකර නමැත්තකු එසේ මියගිය අතර  සති තුනක පමණ කාලයක සිට පනාගොඩ, වැලිපිල්ලෑව, ජල්තර, ලෙනගල යන ප්‍රදේශවල සැරිසැරූ ග්‍රීස් යකා වැල්ලවාය ඇල්ල ප්‍රධාන මාර්ගයේදී අල්ලාගන්නට පසුව ප්‍රෙද්ශවාසීන් සමත්ව ඇත. 


ඔහුව ගසක බැඳ වැල්ලවාය පොලිසියට භාරදී තිබුණි. ප්‍රදේශවාසීන් පැවසුවේ අදාල පුද්ගලයා විසින් ජනෙල්වලින් හා නාන ස්ථානවල කාන්තාවන් සිටින අයුරු බලා සිටි බවයි. බලපිටිය ප්‍රදේශයේ පදිංචි 28 හැවිරිදි වියේ පසුවූ මෙම පුද්ගලයා වරද පිළිගෙන තිබේ.

එජාප රැලියට වෙඩි තැබූ, ප්‍රා. සභා හිටපු සභාපති වසර දහයක් හිරේට

July 18th, 2017 Comments off
ජනාධිපතිවරණ ප්‍රචාරක රැස්වීමකට වෙඩි තබා එක්සත් ජාතික පක්ෂ ආධාරකරුවන් පිරිසකට තුවාල සිදුකිරීමේ චෝදනාවකට වැරැදිකරුවන් වූ කුරුණෑගල ප්‍රාදේශීය සභාවේ හිටපු සභාපතිවරයාට සහ ඔහුගේ සොහොයුරාට කුරුණෑගල මහාධිකරණ විනිසුරු මේනකා විජේසුන්දර මහත්මිය විසින් ඊයේ (17දා ) දස වසරක සිර දඬුවම් නියම කළාය.

මෙලෙස සිර දඬුවම් නියම කෙරුණේ කුරුණෑගල ප්‍රාදේශීය සභාවේ හිටපු සභාපති ප්‍රැටික් කරුණාසිංහ සහ ඔහුගේ සොයුරු ප්‍රියන්ත කරුණාසිංහ යන අයවලුන්ටය. 1999 දෙසැම්බර් මස 15 වැනිදා හෝ ඊට ආසන්න දිනයක දී මාවතගම මැතිවරණ කොට්ඨාසයට අයත් මතව, කොහිලේගෙදර ප්‍රදේශයේ දී පැවැති එක්සත් ජාතික පක්ෂයේ ජනාධිපතිවරණ ප්‍රචාරක රැලියකට වෙඩි තබා, එවකට එක්සත් ජාතික පක්ෂ මන්ත්‍රීවරයකු වූ ජොන්ස්ටන් ප්‍රනාන්දු මහතාගේ ආධාරකරුවන් තිදෙනකුට බරපතළ තුවාල සිදුකළ බවට විත්තිකරුවන්ට එරෙහිව මෙම නඩුව පවරා තිබිණි.

විත්තිකාර කරුණාසිංහ සහෝදරයන් දෙපළට එරෙහිව මිනීමැරීමට තැත්කිරීම ඇතුළු චෝදනා හයක් යටතේ නීතිපතිවරයා විසින් කුරුණෑගල මහාධිකරණය හමුවේ චෝදනා ගොනුකර තිබූ අතර එම නඩුව මහාධිකරණ විනිසුරුවරුන් කිහිපදෙනකු යටතේ දීර්ඝ කාලයක් තිස්සේ කුරුණෑගල මහාධිකරණය හමුවේ විභාග විය. වසර 17කට ආසන්න කාලයක් තිස්සේ පැවැති දීර්ඝ නඩු විභාගය අවසන් කරමින් එහි තීන්දුව ඊයේ ප්‍රකාශයට පත්කළ මහාධිකරණ විනිසුරු මේනකා විජේසුන්දර මහත්මිය, විත්තිකරුවන් එරෙහිව නඟා ඇති සියලු චෝදනාවන්ට ඔවුන් වැරැදිකරුවන් බව සාධාරණ සැකයෙන් ඔබ්බට ඔප්පු වී ඇති බව ප්‍රකාශ කරමින් ඔවුන් වෙත දඬුවම් නියම කළාය.

සිර දඬුවම්වලට අමතරව විත්තිකරුවන් වෙත නඟා ඇති චෝදනා හය වෙනුවෙන්, එක් චෝදනාවකට රුපියල් දස දහස බැගින් එක් අයකුට රුපියල් හැට දහස බැගින් දඩ මුදලක් ගෙවන ලෙසටද මහාධිකරණ විනිසුරුවරිය නියෝග කළාය. එම දඩ මුදල නොගෙවන්නේ නම් එක් චෝදනාවකට මාස තුන බැගින් මාස දහ අටක අමතර සිර දඬුවමක්ද මහාධිකරණ විනිසුරුවරිය වැඩිදුරටත් නියම කළාය. රජයේ නීතිඥ ලහිරු ජයමාන්න මහතා විසින් පැමිණිල්ල මෙහෙය වූ අතර මෙම නඩුවේ විත්ති පාර්ශ්වය වෙනුවෙන් නීතිඥ උපාලි ජයමාන්න මහතා පෙනී සිටියේය.

ඉකුත් ජූනි මස 13 වැනිදා මෙම නඩුවට අදාළ සාක්ෂි විභාගය අවසන් කළ කුරුණෑගල මහාධිකරණ විනිසුරු මේනකා විජේසුන්දර මහත්මිය ඊට අදාළ තීන්දුව ප්‍රකාශය පත්කිරීම සඳහා ඊයේ දිනට දින නියම කරමින්, තීන්දුව පත්කෙරෙන තෙක් එහි විත්තිකරුවන් රක්ෂිත බන්ධනාගාර කරන ලෙසට එදින නියෝග කළාය. ඒ අනුව මාසයක වැඩි කාලයක් තිස්සේ රක්ෂිත බන්ධනාගාරගත කර සිටි ප්‍රැටික් කරුණාසිංහ මහතා සහ ඔහුගේ සහෝදරයා බන්ධනාගාර නිලධාරිහු විසින් ඊයේ උදෑසන කුරුණෑගල මහාධිකරණය වෙත ඉදිරිපත් කළහ. 


දඬුවම් නියම කිරීමෙන් අනතුරුව බන්ධනාගාරයට රැගෙනයාම සඳහා බන්ධනාගාර නිලධාරින් විසින් ප්‍රැටික් කරුණාසිංහ මහතා අධිකරණයෙන් ඉවතට රැගෙන ආ අවස්ථාවේ දී එතැනට රැස්ව සිටි මාධ්‍යවේදීන් වෙත අත වනමින් සිනා මුහුණින් යුතුව හෙතෙම බස් රථයට ගොඩවිය. 

Infosrilankanews.com

මූණු වහගෙන ගෑනු බය කරන භූත කල්ලියක් අකුරැස්ස කලඹයි

July 18th, 2017 Comments off
අකුරැස්ස පොලිස් වසමේ පෝරුතොට මාළුවරාල ප්‍රදේශයේ කාන්තාවන් පමණක් සිටින නිවෙස්වලට කළු පැහැති මුහුණු ආවරණය කරගෙන රාත්‍රි කාලයේ ගොස් කාන්තාවන් බියගන්වා දේපළ කොල්ල කන කණ්ඩායමක් සැරි සැරීම නිසා එම ප්‍රදේශයේ ජනතාවට මේ දිනවල දැඩි බියකින් රාත්‍රි කාලය ගත කිරීමට සිදුව ඇතැයි ප්‍රදේශවාසීන් පවසනවා.

එහි ආසන්නම සිදුවීම පසුගිය 12 දින රාත්‍රි මව සහ දුව පමණක් සිටින නිවෙසකට පැමිණ හදිසි කරදරයක් සිදුව ඇති බවට පවසා ‍දොර අරින ලෙස පවසා ඇත. එහෙත් කාන්තාවන් දෙදෙනා ‍දොර විවෘත කර නොමැත. ඊට ටික වේලාවකට පසුව කාන්තාවන් දෙදෙනා වැසිකිළි යෑම සඳහා ‍ෙදාර විවෘත කිරීමේදී කළු පැහැති මුහුණු ආවරණය කරගත් දෙදෙනකු ‍දොර අසල සිට පලාගොස් ඇති බව වාර්තා වනවා.

එම අවස්ථාවේම කාන්තාවන් දෙදෙනා පොලිස් හදිසි ඇමැතුම් අංක 119ට දැනුම් දීමෙන් පසුව අකුරැස්ස පොලිසියේ නිලධාරීන් කණ්ඩායමක් පැමිණ සෝදිසි කළත් සැකකටයුතු කිසිවකු හෝ හමුව නොමැත. මේ සිද්ධිය සම්බන්ධයෙන් ඊට පසුදින අකුරැස්ස පොලිසියට පැමිණිල්ලක් කරද තිබෙනවා. පෙරදින රාත්‍රි මුහුණදුන් සිදුවීම නිසා එදින රාත්‍රිය මව සහ දුව නිවෙසේ නොසිට වෙනත් හිතවත් නිවෙසක එදින රාත්‍රිය ගත කර ඇත. පසු දින උදේ සිය නිවෙසට පැමිණ ‍දොර විවෘත කර නිවෙසට ඇතුළු වූ පසුව දැක ගැනීමට ලැබී ඇත්තේ අල්මාරිය කඩා එහි තිබූ වටිනා සියල්ල සොරුන් විසින් රැගෙන ගොස් ඇති බවයි.

ඒ අතර රත්රන් බඩු, පාස් පොත් සහ ඇඳුම් පැලඳුම් සොරුන් විසින් පැහැරගෙන ගොස් ඇති බවට නිවැසියන් පවසනවා. මෙහිදී ඇඳුම් වශයෙන් වැඩිපුර රැගෙන ගොස් ඇත්තේ යට ඇඳුම්ය. පෙර දින දහවල් සෝදා වේළීමට නිවෙස ඇතුළේ වැලක දමා තිබූ යට ඇඳුම් සහ කාන්තාවන් රාත්‍රියට අඳින ඇඳුම් පමණක් රැගෙන ගොස් ඇති බවයි ඔවුන් පවසන්නේ.

ඉන්දියාවේ සිටින අංගොඩ ලොක්කාගෙන් පොලිස් ලොක්කන්ට තර්ජන

July 18th, 2017 Comments off
ව්‍යාපාරිකයන්ගෙන් කප්පම් ලබාගන්නා සිය ගෝලයන් අත්අඩංගුවට නොගන්නැයි පාතාල නායක අංගොඩ ලොක්කා නමැති පුද්ගලයා ඉන්දියාවේ බන්ධනාගාරයක සිට මුල්ලේරියාව පොලිස් ස්ථානාධිපතිවරයාට දුරකතනය ඔස්සේ තර්ජනය කර ඇතැයි වාර්තා වනවා.

පොලිස් ආරංචිමාර්ග පැවසුවේ අංගොඩ උඩුමුල්ල ප්‍රදේශයේ ව්‍යාපාරික ස්ථානයකට සිදුවූ වෙඩි තැබීමේ සිද්ධියක් සම්බන්ධයෙන් මුල්ලේරියාව පොලීසිය විමර්ශන සිදුකරන බවයි. අදාළ ව්‍යාපාරිකයාගෙන් පාතාල සාමාජිකයන් කප්පම්ද ඉල්ලා තිබෙනවා.  එලෙස කප්පම් ඉල්ලීම  සඳහා ස්ථානාධිපතිවරයාට තර්ජනය කිරීම සඳහා ඇමතුම් ලබාගෙන ඇත්තේ එකම දුරකතන අංකයකින් බවයි විමර්ශනවලදී අනාවරණ වි තිබෙන්නේ.

කප්පම් ලෙස ව්‍යාපාරිකයන්ගෙන් ලබාගන්නා මුදල් දුප්පතුන්ට බෙදා දෙන බවත් එම නිසා ඊට බාධා නොකරන ලෙසත් අංගොඩ ලොක්කා මුල්ලේරියාව පොලිස් ස්ථානාධිපතිවරයාට දැනුම් දී ඇති බවයි වාර්තා වන්නේ.