Archive

Archive for the ‘ආරක්ෂක පුවත්’ Category

බුකියේ හැමෝම යන්න ආසාවෙන් හිටපු තැනක තරුණ ජිවිතයක් අකාලයේ නැති වුනු හැටි..! (PHOTOS/VIDEO)

November 22nd, 2017 Comments off
මහනුවර සිට කිලෝ මීටර් 30ක් පමණ දුරින් පිහිටා ඇති මෙම අතිශය සුන්දර ස්වභාවික ජල තටාකය වන රංගල ඉතාමත් මනස්කාන්ත පරිසරයක පිහිටා ඇත.එහි ලඟා වීමට ප්‍රදාන මාර්ග දෙකක් ඇති අතර ඉන් මහනුවර සිට තෙල්දෙණිය හරහා ගොස් උඩුවෙල හන්දියෙන් වමට හැරී එතැන් සිට කි.මී 13ක් පමණ ගොස් ලඟා වන මාර්ගය පහසු මෙන්ම දුරින් අඩු මාර්ගය වේ. 

අනෙක් මාර්ගය මහනුවර සිට වත්තේගම, පන්විල හරහා යා හැකි අතර මාර්ගයේ දුර ප්‍රමාණය මෙන්ම මාර්ගයේ කටුක බවද වැඩිය. නමුත් පන්විල හරහා ගමන් ගන්නා මාර්ගයෙහි අතරමග සුන්දර දිය ඇලි කිහිපයක්ම බලා ගත හැක. මේ අතරින් හුළුගඟ ඇල්ල ප්‍රදාන වේ. 

සුන්දරත්වයෙන් පිරුණු මෙම රන්ගල ස්වභාවික තටාකයේ කෙලවර ඉතා ගැඹුරු බැවින් මෙහි ස්නානය කිරීමේදී ඉතා සැලකිලිමත් වන ලෙස ප්‍රදේශවාසීන් සම විටම පවසනවා. නමුත් සමාජ ජාල මාධ්‍ය ඔස්සේ මේ වනවිට එහි දියනෑමට ගිය තරුණයෙක් අප අතරින් සමුගත් ජයාරූප පෙළක් සහ වීඩියෝවක් හුවමාරු වෙනවා.රංගල ස්වභාවික තටාකයට විනෝද විමට පැමිණි පිරිසක් අතරින් එක් තරුණයෙක් මෙසේ දියේ ගිලි මරණය පත් වී තිබෙනවා.

නාවික හමුදාව විසින් තරුණයාව ගොඩ ගත අයුරු වීඩියෝව පහතින්,








කොටි මහවිරු සතිය සැමරීම යාපනය සරසවියෙන් ඇරඹේ..

November 22nd, 2017 Comments off
නොවැම්බර් 27 වැනිදාට යෙදෙන මහවිරු දිනයට සමගාමීව මහවිරු සතිය ඊයේ (21) සිට ආරම්භ වන හෙයින් යාපනය සරසවියේ ඇතුලු උතුරු පලාතෙ ස්ථාන කිහිපයකදී මහවිරු සතිය ආරම්භ කොට ඇත.

මේ අනුව ඊයේ රත්‍රිෙය් යාපනය විශ්වවිද්‍යාලයේ ඉදිරිපට මහවිරු දිනය වෙනුවෙන් ප්‍රතිමාවක් සකස් කොඩි වැල් ඇද කොට එය විදුලි පහනකින් දල්වා මහවිරු සතිය ආරම්භ කිරීමට එහි සිසුන් පිරිසක් විසින් පියවර ගෙන තිබුණි.

මේ අතර වන්නි විලාන්කුලම් ප්‍රදේශයේදී පෙර මහවිරු සොහොනක් තිබූ ස්ථානයේ මල්පහන් දැල්වීමට මිය ගිය මහවිරුවන්ගේ ඥාතීන් විසින් පියවර ගෙන තිබුණි. 1982 වසරේ නොවැම්බර් 27 වනදා කොටි සංවිධානයේ ප්‍රථම සාමාජිකයා වූ කර්නල් එස්. ශංකර් නැමත්තෙකු මිය යාම මූලික කොට ගෙන මෙම මහ විරු දිනය හා සතිය නම් කොට තිබුණි.

– වන්නි රොමේෂ් මධුෂංඛ

ඊයේ හුණුපිටියේදී දුම්රිය කන්ටේනරයේ සහ ලොරියේ ගැටෙන අයුරු දැක්වෙන වීඩියෝව මෙන්න..! (VIDEO)

November 22nd, 2017 Comments off

ඊයේ හුනුපිටිය දුම්රිය ස්ථානය අසල සිදුවූ අනතුර සිදුවන ආකාරය දැක්වෙන වීඩියෝ පටයක් අප වෙත ලැබී තිබේ. එම වීඩියෝව ඔබට පහතින් නැරඹිය හැක. 

උත්තරදේවී උතුරු දුම්රියට යාපනයේදී ගල් ගහයි..

November 21st, 2017 Comments off
උතුරු දුම්රිය මාර්ගයේ කොළඹ සිට යාපනය කන්කසංතුරෙයි දක්වා ධාවනය වූ උත්තරදේවී දුම්රියට ඊයේ (20) රාත්‍රියේදී චුන්නාගම් ප්‍රදේශයේදී කිසිවෙකු විසින් ගල් ප්‍රහාරයක් එල්ල කොට ඇතයි චුන්නාගම් පොලීසිය කියා සිටියේය.

කෙළඹ සිට කන්කසන්තුරේයි දක්වා ධාවනය වූ උත්තර දේවී දුම්රියට ඊයේ රාත්‍රි 7.30 ට පමණ චුන්නාගම් දුම්රිය ස්ථානයට කිලෝමීටර් භාගයක් පමණ ආසන්නයේදී මෙම ගල් ප්‍රහාරය එල්ල වූ බවට දුම්රයේ රියදුරු විසින් චුන්නාගම් පොලීසියට පවසා තිබුණි. අදාල ගල් ප්‍රහාරය එල්ල වූ අවස්ථාවේදීම චුන්නාගම් පොලීසිය විසින් ගල් ප්‍රහාරය එල්ල වූ ස්ථානය සොදිසි කලද කිසිවෙක් අත්අඩංගුවට ගැනීමට නොහැකි වී ඇත.

ගල් ප්‍රහාරය එල්ල වීමෙන් දුම්රියේ ගමන්ගත් කිසිවෙකුටත් හානියක් නොවුනද දුම්රියේ රියදුරු අසුනට ආසන්නයේ පිහිටි ජනෙල් වීදුරුවට හානි සිදුව තිබූ බවට චුන්නාගම් පොලීසිය කියා සිටියේය.

– වන්නි රොමේෂ් මධුෂංඛ

නඩුවේ තීන්දුව එන්න කලින් SI වෙඩි තියාගෙන සියදිවි නසාගනී..

November 21st, 2017 Comments off
මුල්ලේරියාව පොලීසියේ රාජකාරී කටයුතු කල උප පොලිස් පරීක්ෂකවරයෙක් තමන්ගේ රාජකාරී ගිනි අවියෙන්ම වෙඩි තබාගෙන සිය දිවි නසාගෙන තිබේ.

මෙම සියදිවි නසා ගැනීම සිදුව ඇත්තේ අද පෙරවරුවේ මුල්ලේරියාව
පොලිස් නිල නිවාසයේදීය.මෙසේ සිය දිවි නසාගෙන ඇති උප පොලිස් පරීක්‍ෂකවරයා 54 හැවිරිදි විවාහකයෙකි.

අදාල නිලධාරියාට එරෙහිව පවරා තිබූ මූලික අයිතිවාසිකම් නඩුවක තීන්දුවක්ද අද දිනයේ ප්‍රකාශ පත් කිරීමට නියමිතව ඇතැයිද පැවසෙයි.

” ගෙදර මැඩම් පිහිය අරන් මගේ ඇඟ කැපුවා , දත් කැඩුවා , කන්න නොදි බිම දාලා පාගනවා ” සවුදි ගිය තවත් ශ්‍රී ලංකා මවක් අපා දුක් විද මවුබිමට – හොර ලේඛන හැදූ ඒජන්සි ලොක්කා තවමත් සුවෙන් .!

November 20th, 2017 Comments off
සෞදි රාජ්‍යයේ ගෘහ සේවය සඳහා පිටත්ව ගිය ශ්‍රී ලාංකික මවක් , බරපතල ලෙස තුවාල ලබා නැවතත් ශ්‍රී ලංකාවට පැමිණි පුවතක් වාර්තා වෙනවා.

ගලේවෙල ප්‍රදේශයේ පදිංචි 33 හැවිරිදි එක්දරු මවක් මෙම භයානක අත්දැකීමට මුහුණ දී තිබෙන අතර ඇය 2016 වසරේ සැප්තැම්බර් මස කුරුණෑගල විදේශ රැකියා නියෝජිත ආයතනයක මැදිහත්වීමෙන් ව්‍යාජ ලෙස ලිපි ලේඛන සකසා මෙලෙස සෞදි රාජ්‍යයේ ගෘහ සේවය සඳහා පිටත්ව ගොස් තිබේ.

තමන් මුහුණ දුන් අත්දැකීම පිළිබදව මාධ්‍යයට අදහස් දක්වන ඇය පවසා තිබුනේ,

තමාව සෞදියේ දමාම් ප්‍රදේශයේ නිවෙසක ගෘහ සේවය සඳහා යෙදවූ බවත් මාස තුනක පමණ කාලයක් එම නිවෙසෙහි සේවය සඳහා වැටුප් ලබාදුන් බවත්ය.  පසුව දිගින් දිගටම ආහාර, ඇඳුම් පැලඳුම්, වැටුප් සියල්ල අත්හිටුවා දැඩි ලෙස වධ දෙන්නට පටන්ගත් බවද ඈ හඬමින් මාධ්‍යයට පැවසුවා. 

මේ වනවිට ඇයගේ සිරුරේ සහ අත්පාවල කැපුම් තුවාල ඇති අතර ඇස්වල බරපතළ තුවාල ඇත. එමෙන්ම කොන්දේ සහ කකුල්වල බරපතළ තුවාල පවතින අතර ඇයගේ දත් පවා කඩා ඇති බව සදහන්. නිසියාකාරව ඇවිද ගැනීමටවත් නොහැකිව ගත වාරු නොමැති ඇය දැන් රෝහල් ගතව සිටි.

තමන් අත්දුටු සිද්ධිය පිළිබඳ වැඩිදුරටත් අදහස් දැක්වූ ඇය මාධ්‍යයට මෙලෙස සිදුවීම විස්තර කළා,

"මගේ දුව ඉස්කෝලෙ යන්න කලින් ගේ හදාගන්න ඕන නිසා අවුරුදු දෙකකට රට යන්න තමයි මම තීරණය කළේ. මට අම්මත් මහත්තයාත් රට යන්න එපා කිව්වා. ඒත් අපි හිටපු ආර්ථික දුෂ්කරතාව නිසා දුවගේ අධ්‍යාපනය ගැන හිතලා තමයි මම සෞදියට යන්න තීරණය කළේ. ඒ අනුව අපේ ගමේ මාමා කෙනෙක් හිටියා. එයා හරහා සෞදි යන්න කුරුණෑගල පැත්තේ ඒජන්සියකින් තමයි මම රට යන්න සූදානම් වුණේ. මගේ දුවට අවුරුදු හතරක් නිසා රුපියල් විසිපන්දාහක් අරගෙන ඒ මහත්තුරු හොර ලියවිලි ඔක්කොම හැදුවා. ඒ කුරුණෑගල ඒජන්සියෙන්."

"ඒ ගිහිල්ලා මාස දෙකක් විතර යනකන් ප්‍රශ්නයක් ඇති වුණේ නෑ. මාස දෙකෙන් පස්සෙ පඩි ඉල්ලන කොට තමයි මට ගහන්න පටන් ගත්තේ. ඒ ගෙදර හිටපු මැඩම් හරිම වසයි. අහුවෙච්ච අහුවෙච්ච එකෙන් ගහනවා. පිහිය අරගෙන මගේ ඇඟ හැමතැනම කපනවා. මගේ නියපොතු ඇඟිලි තළලා තියෙන්නේ. යකඩ හැඳිවලින් ඔළුවට ගහලා ඔළුව හැමතැනම තුවාලයි. පිටකොන්ද, කලව, අත් පය මේ ඔක්කොම ගහලා ගහලා කපලා තියෙන්නෙ. එක දවසක් මගේ එක ඇසක් එළියට එන්න ගැහුවා. බෙහෙත් ටිකක් දාන්න ගියේ නැහැ. ඒ වගේම කන්න දෙන්නෑ. 

කුණු බාල්දියේ තියෙන ඒවා තමයි කන්නේ. මාව කාමරයකට දාලා වහලා තියෙනවා කන්න බොන්න නැතිව. හයියෙන් කෑ ගහනකොට බිම දාලා බඩ පාගනවා. ගෙදර මහත්තයාත් නෝනත් දෙන්නම හොඳට ගහනවා. ඒ ගෙදර මම එන්න කලින් තවත් ලංකාවෙ කෙනෙක් ඉඳලා තියෙනවා. එයාව අරන් ගිහිල්ලා කොහේ දැම්මාද, කොහෙද කියලා නෑ. මරනවා කියල තමයි කිව්වේ."

"ගෙදරට කතා කරන්න ඕන කිව්වහම පිහියක් ළඟ තියාගෙන අම්මට දුරකතනය අරන් දෙනවා හොඳින් ඉන්නවා කියලා කියන්න කියනවා. කෑවා බිව්වා කියලා කියන්න කියනවා. පිහිය පිටි පස්සෙන් තියාගෙන ඉන්න හින්ද මට අම්මලාට ඇත්ත කියන්න විදියක් නෑ. හැබැයි පස්සෙ අම්මලත් එක්කවත් මට කතා කරන්න දුන්නේ නෑ. අම්මා මේ භාෂාව දන්න හින්දා මැඩම් එක්ක කතා කරනවා. මට කතා කරන්න දෙන්නෙ නැතිවට අම්මට සැක හිතිලා මට මොනවා හරි කරදරයක් කියලා. ඊට පස්සේ තමයි ඒජන්සියට කියලා විදේශ නියුක්ති කාර්යාංශය හරහා තානාපති කාර්යාලය දැනුවත් කරලා මට එන්න හැකියාව ලැබුණේ. 

ටිකට් හදලා තියෙන්නේ මගේ සල්ලිවලට. අඩුම තරමේ රුපියලක්වත් දුන්නේ නෑ. ඇඳගෙන හිටපු ඇඳුම් ගලවලා කළුපාට කබායක් ඇඟට දාලා මාව ගුවන් තොටුපොළට ගෙනත් දැම්මා. සෙරෙප්පු දෙකක්වත් නැතිව. එතැන හිටපු ලංකාවේ අක්කා කෙනෙක් දැකලා මට එයාගේ බෑග් එකෙන් සායකුයි හැට්ටයකුයි දුන්නා. තවත් අක්කා කෙනෙක් සෙරෙප්පු දෙකක් දුන්නා. ඒවා ඇඳගෙන තමයි මම ලංකාවට ආවේ."

කාන්තාව ව්‍යාජ ලියකියවිලි සකසා ගෘහ සේවයට යැවූ කුරුණෑගල රැකියා නියෝජිත ආයතනයේ ප්‍රධානියා මේ පිළිබදව මාධ්‍යයට පවසා තිබුනේ "ලිපිගොනු නොබලා කිසිවක් ප්‍රකාශ කළ නොහැකි" බවය.

ලංකාවේ කතුන් 1000ක් කුඩු ගහනවා

November 20th, 2017 Comments off
ශ්‍රී ලංකාව තුළ හෙරොයින් භාවිතාවට ඇබ්බැහිවූ පුද්ගලයින් සංඛයාව 45,000ක් පමණ වෙතැයි අන්තරාය ඖෂධ පාලක මණ්ඩලයෙ ප්‍රකාශක ජාතික මණ්ඩලයේ අධ්‍යක්ෂ ප්‍රදීප් කුමාර මහතා පැවසීය.

ඉන් 1000ක් පමණ කාන්තාවන් වන බවද කී ඔහු එය ප්‍රතිශතයක් ලෙස ගත්විට මුළු පිරිසෙන් 0,5%ක් පමණ යැයිද පැවසීය. මෙසේ හෙරොයින් භාවිතා කරන කතුන්ගෙන් වැඩි කොටසක් ගණිකා වෘත්තියේ යෙදෙන අය බවද පැවසූ ඔහු ඊට අමතරව ඉහල පැලැන්තියේ හෙරොයින් භාවිතා කරණ කිහිපදෙනෙකු ද ඇතැයි ඔහු සඳහන් කළේය.




කෝච්චියේ මෝටර් රථයක් හැපේ.. එතැනම තිදෙනෙක් මරුට..

November 20th, 2017 Comments off
මෝටර් රථයක් දුම්රියක ගැටීමෙන් මෝටර් රථයේ ගමන් ගත් පුද්ගලයින් තිදෙනෙකු මරණයට පත්ව තිබේ.

තවත් එක් පුද්ගලයෙකු බරපතල තුවාල ලබා රෝහල්ගත කර ඇත. මෙම අනතුර සිදුව ඇත්තේ වේයන්ගොඩ පට්ටියගොඩ අනාරක්‍ෂිත දුම්රිය හරස් මාර්ගයේදීය. තෙල් ප‍්‍රවාහන දුම්රියක මෝටර් රිය ගැටීමෙන් මෙම අනතුර සිදුව ඇත.

‘තමුසෙගෙ කණ පැලෙන්න ගහනවා..’- ඥාණසාර හිමි මාධ්‍යවේදියෙකුට තර්ජනය කල සේක..

November 20th, 2017 Comments off
බොදුබල සේනා සංවිධානයේ ගලගොඩඅත්තේ ඥානසාර හිමියන් ඊයේ (19දා) දහවල් නාරම්මල මැදගොඩදී ‘දි අයිලන්ඩ්’ පුවත්පතේ ජේ‍යෂ්ඨ පුවත්පත්කලාවේදී සී. ඒ. චන්ද්‍රප්‍රේම මහතාට කන පැළෙන්නට ගසන බව කියමින් තර්ජනය කර තිබේ.

ඥානසාර හිමියන් මෙම තර්ජනය කර ඇත්තේ පැපිලියාන සුනේත්‍රාදේවි පරිවේණාධිපති මහාචාර්ය මැදගොඩ අභයතිස්ස හිමියන්ගේ අභාවප්‍රාප්ත මෑණියන්ගේ දේහයට අවසන් ගෞරව දක්වන්නට චන්ද්‍රප්‍රේම මහතා එහි ගොස් සිටි අවස්ථාවේදීය.

“තමුසෙද චන්ද්‍රප්‍රේම කියන්නේ? මම තමුසෙගෙ කන පැළෙන්න ගහනවා….” යැයි කියමින් මැදගොඩ අවමඟුල් නිවෙස් භූමියේදී ඥානසාර හිමියන් තමන්ට තර්ජනය කළ බව ‘මව්බිම’ කළ විමසීමකදී චන්ද්‍රප්‍රේම මහතා ප්‍රකාශ කළේය.

“හාමුදුරුවනේ මේක මළ ගෙදරක්. ප්‍රශ්නයක් තිබෙනවා නම් මෙතනින් එළියට ගිහින් කතා කරමු” යැයි තමන් ඥානසාර හිමියන්ට කීවද උන්වහන්සේ තවදුරටත් තමන්ට තර්ජනය කළ බවද චන්ද්‍රප්‍රේම මහතා සඳහන් කළේය.

“මම තමුසෙගෙ කොළපාට සමාජය ගැනත් දන්නවා. කන පැළෙන්නට ගහනවා…” යැයි නැවතත් ඥානසාර හිමියන් තමන්ට එහිදී තර්ජනය කළ බවද චන්ද්‍රප්‍රේම මහතා තවදුරටත් පැවැසීය. මේ අවස්ථාවේදී එතැනට රැස්වූ භික්ෂූන්වහන්සේලා හා අනෙකුත් පිරිස් ඥානසාර හිමියන්ට ‍ෙදාස් පවරා තිබේ.

“ඔබවහන්සේගේ ඔය හැසිරීම නිසා තමයි මේ රට අද මේ තත්ත්වයට පත්වෙලා තිබෙන්නේ” යැයි කියමින් භික්ෂූන්වහන්සේ සහ ගිහියන් ඥානසාර හිමියන්ට එහිදී දෝෂාරෝපණය කර ඇත.

මේ සිද්ධිය ගැන කළ විමසීමේදී ඥානසාර හිමියන් පැවැසූයේ තමන් වහන්සේ මැදගොඩ අභයතිස්ස හිමියන්ගේ මවගේ අවමඟුල් උත්සවයට නිවෙසට වැඩම කළ අවස්ථාවෙදී මාධ්‍යවේදියකු පළකළ ලිපියක් ගැන සාකච්ඡා කර කරුණු පැහැදිලි කිරීමක් පමණක් සිදු කළ බවත්, එහිදී කිසිදු ආකාරයකින් උණුසුම් වචන හුවමාරුවක් සිදු නොවූ බවත්ය.

– Mawbima.lk

කෝටිපති ව්‍යාපාරිකයා සමඟ එක්ව රාජ්‍ය මුදල් අවභාවිත කල ඇමති බිරිඳ සහ තරුණ දූවරු දෙදෙනා ලඟදීම අත්අඩංගුවට…

November 19th, 2017 Comments off
මහා පරිමාණ මූල්‍ය වංචාවක් සම්බන්ධව රහස් පොලිසිය විසින් කරගෙන යනු ලබන පරීක්‍ෂණයකට ප්‍රශ්න කිරිම සඳහා යහපාලන ආණ්ඩුවේ අමාත්‍යවරයෙකු ගේ රූමත් බිරිඳ ඇතුළු තරුණ දූවරුන් දෙදෙනා අත් අඩංගුවට ගැනීමට අවශ්‍ය වාර්තා පිලියෙල කොට ඇති බැව් ආරංචි මාර්ග සඳහන් කරයි.

මෙම කාන්තාවෝ තිදෙනා නිතරම ප්‍රශ්නගත ජාවාරම්කාර තරුණ ව්‍යාපාරිකයා සමඟ විදේශීය සංචාරයන් මෙන්ම විශේෂයෙන්ම දියණියන් සමඟ රාත්‍රි සමාජශාලා වල කාලය ගත කොට ඇති බැව් පරීක්ෂණවල දි අනාවරනය කරගෙන ඇත. මෙහිදී මෙම පුද්ගලයින්ගේ පෞද්ගලික ගිනුම් අතර විශාල වශයෙන් මුදල් හුවමාරු වි ඇති බැව් වාර්තා වන අතර විශේෂයෙන්ම රජයට ලැබිය යුතු ආදායම් හොර පාරෙන් අදාළ ව්‍යාපරිකයා හරහා මෙම ගිනුම් වලට ගොස් ඇද්දයි අනාවරනය කර ගැනීමට තව දුරටත් මෙහෙයුම් ආරම්භ කොට ඇත.

මේ වනවිටත් කිහිපවරක්ම මොහුන්ගෙන් ප්‍රශ්න කර ඇති අතර ඉහළින් නියෝගය අනුමත කල විගස මීට සම්බන්ධ කිහිප දෙනෙකුම අත් අඩංගුවට ගැනීමට නියමිතය.