Archive

Archive for the ‘අනාවරණ’ Category

බ්‍රිගේඩියර්ව යළි සේවයේ පිහිටවා නෑ… ආණ්ඩුවෙන් නොකියන රහස් මෙන්න.

February 20th, 2018 Comments off
බ්‍රිගේඩියර් ප්‍රියංක ප්‍රනාන්දු මහතාව ජනාධිපති නියෝග මත යළි සේවයේ පිහිටවූවා කීම සම්පූර්ණ අසත්‍ය පුවතක් බවත්, ඔහු බ්‍රිතාන්‍ය නීතිය යටතේ කිසිදු වරදක් කර නැති බවත් අනාවරණය වී තිබේ. ඒ ගැන සාක්ෂි හා සාධක සහිත වාර්තාවකුයි මේ.

*****
ලන්ඩන් නුවරදී කොටි හිතවාදීන්ගේ අරියාදුවට පිළිතුරු ලෙස ‘බෙල්ල කට්‘ සංඥාව නිකුත් කිරීම වරදක් බව කියමින් විදේශ කටයුතු අමාත්‍යාංශය විසින් වහාම ක්‍රියත්මක වන පරිදි ඔහුගේ වැඩ තහනම් කළේය. පසුව ජනාධිපති නියෝග මත වැඩ තහනම ඉවත් කර යළි සේවයේ පිහිටවූ බව කීවත් ආණ්ඩුවේම අමාත්‍යවරයෙක් වන රුවන් විජයවර්ධන මහතාට අයත් ලංකාදීප පුවත්පත් වෙබ් අඩවියේ දැක්වෙන්නේ එවැනි නියෝගයක් ලැබී නොමැති බවයි.
ඒ අනුව ජනාධිපතිවරයා විසින් සිදුකර ඇත්තේ බ්‍රිගේඩියර්වරයාගේ වැඩ තහනම් වීම නිසා ඇති වූ ජනතා විරෝධය යටපත් කිරීම වෙනුවෙන් ව්‍යාජ පුවතක් නිර්මාණය කර බෙදා හැරීම බව පැහැදිළි වෙයි.

*****

බ්‍රිගේඩියර් ප්‍රියංක ප්‍රනාන්දු මහතා විසින් ‘බෙල්ල කට්’ සංඥාව නිකුත් කිරීම වරදක් බව සමහරුන් කීවද ඔවුන් අමතක කර ඇත්තේ කොටි සංවිධානය මේ වන විටත් බ්‍රිතාන්‍යයේ තහනම් සංවිධානයක් බවයි.
පහත ලින්කුවෙන් දැක්වෙන්නේ බ්‍රිතාන්‍යය තුල තහනම් කරන ලද ත්‍රස්තවාදී සංවිධාන ගැන විස්තර අඩංගු වාර්තාවයි.

එය බ්‍රිතාන්‍යයේ රජයේ නිල වෙබ් අඩවිය වන www.gov.uk හි පළ වී ඇති බව ඔබට දිස් වේ. එසේම එම වාර්තාව අගට එහි පළ කළ දිනය 22 December 2017 ලෙස දැක්වේ. එනම් මෙය පැරණි ලිපියක් නොවේ.

එහි තහනම් සවිධාන ලයිස්තුවේ 15 වෙනි පි‍ටුවේ මෙසේ සටහන්ව ඇත.

“Liberation Tigers of Tamil Eelam (LTTE) – Proscribed March 2001 The LTTE is a terrorist group fighting for a separate Tamil state in the North and East of Sri Lanka.”

වත්මන් රජයේ එකඟතාවය පරිදි යුරෝපා සංගමයෙන් කොටි තහනම ඉවත් කළත්, යුරෝපා සංගමයේ කොටසක් නොවන බ්‍රිතාන්‍යයේ කොටි තහනම එසේම පවතියි. එසේනම් සිදුවී ඇත්තේ නීත්‍යානුකූල රජයක තානාපති කාර්යාලයක් සිය නිදහස සමරද්දී එයට බාධා වන පරිදි බ්‍රිතාන්‍යය තුළ තහනම් ත්‍රස්තවාදී සංවිධානයක් කටයුතු කිරීම ය. තහනම් ත්‍රස්තවාදී සංවිධානයකට එරෙහිව අතින් සංඥාවක් ලොව කිසිදු අධිකරණයකදී වරදක් නොවේ. වත්මන් ආණ්ඩුවට සහ එහි බ්‍රිතාන්‍යය වෙනුවෙන් පත් කළ තානාපතිවරයාට කොන්ද පන තිබේනම් සිදුකළ යුතුව තිබුණේ තම තානාපති කාර්යාලය ඉදිරිපිට ත්‍රස්තවාදීන් උද්ඝෝෂණය කරද්දී ඔවුන්ව අත් අඩංගුවට ගන්නා ලෙස බ්‍රිතාන්‍ය අධිකරණයේ නඩු ගොනු කිරීමයි.

*****
හරීන් ප්‍රනාන්දු ඇමතිවරයා පවසා ඇත්තේ බ්‍රිගේඩියර් ප්‍රියන්ත ප්‍රනාන්දු මහතා 2010 ජනාධිපතිවරණයට අදාල සිද්ධියක් මත එවකට වැඩ තහනමට ලක් වූ බවත් ය. http://www.colombotoday.com/43426-2652/
නමුත් යුද හමුදා වෙබ් අඩවියට අනුව ප්‍රියන්ත ප්‍රනාන්දු මහතාට 2010.03.01 දින ගැමුණු හේවා බළ ඇණියේ රෙජිමේන්තු මධ්‍යස්ථාන සේනාවිධායක ලෙස උසස් වීමක් ලැබී තිබේ. http://222.165.180.163/highlanders/si/si-centr-comdt වෙබ් අඩවියේ නිරවද්‍යතාවය තහවුරු කරගැනීමට අවශ්‍යනම් යුද හමුදා නිල වෙබ් අඩවියේ http://www.army.lk/highlanders/ වෙබ් ලිපිනය වෙත පැමිණ එහි “History” මෙනුවෙන් “Former Centre Commandants” ‍තෝරන්න.
එසේම Civil Military Coordination වෙබ් අඩවියේ දැක්වෙන පරිදි බ්‍රිගේඩියර් ප්‍රියංක ප්‍රනාන්දු මහතාට 2013 වෙද්දී ආරක්ෂක ලේකම් ගෝඨාභය රාජපක්ෂ මහතාගේ නිර්දේශ පරිදි ප්‍රියංක ෆනෑන්ඩු මහතාව 511 බ්‍රිගේඩයේ කමාන්ඩර් ලෙස උසස්වීම් ලබා ඇත.  “Commander 511 Brigade Colonel Priyanka Fernando” http://www.cimicjaffna.com/Cimicnews_2013_08_03.php
ඒ අනුව ප‍ටු දේශපාලන වාසි ගැනීමේ අරමුණින් හරීන් ප්‍රනාන්දු පැවසූ කතාව බොරුවක් බවත්, ඔහු හිටපු ජනාධිපතිවරයාට මඩ ගැසීමට එවැන්නක් පැවසුවද එමගින් වීරෝදාර රණවිරුවෙකුට අපහාස කර ඇති බවත් පැහැදිළි වෙයි.
*****
බ්‍රිතාන්‍ය පාර්ලිමේන්තුවේ ද්‍රවිඩ මන්ත්‍රීවරු දෙදෙනෙක් විසින් කරන ලද ඉල්ලීමක් සලකා බලමින් විදේශ කටයුතු අමාත්‍යංශය විසින් ආරක්ෂක අමාත්‍යාංශයට උක්ත සිදුවීම ගැන පැමිණිළි කර ඇත.


එම පැමිණිල්ල පදනම් කරගනිමින් මේ වන විට බ්‍රිගේඩියර් ප්‍රියන්ත ප්‍රනාන්දු මහතාට එරෙහිව නාරාහේන්පිට යුද හමුදා පොලිස් බල ඇණි කඳවුරේ යුද අධිකරණකට පැමිණවීමට නියමිතව සිටී. කෙසේ නමුදු මැතිවරණය අවසන් වෙන තෙක් යුද අධිකරණ ක්‍රියාමාර්ගයක් නොගනු ඇත.
Categories: අනාවරණ Tags:

බෙල්ලන්විල විමලරතන හිමිගේ අපවත්වීම සැක සහිතයි, කළුබෝවිල රෝහල් ආරංචිමාර්ග තහවුරු කරයි.

February 20th, 2018 Comments off
අතිපූජ්‍ය බෙල්ලන්විල විමලරතන මා හිමිපාණන් වහන්සේ හදිසි අනතුරට ලක් වීමෙන් පසු වහාම කළුබෝවිල රෝහලේ දැඩි සත්කාර ඒකකයට ඇතුළත් කර එහි විශේෂඥ වෛද්‍යවරුන් විසින් කොන්දට අදාලව ශල්‍ය කර්මයකට භාජනය කරන ලදී. කළුබෝවිල රෝහලේ සිටින්නේද ශ්‍රී ලංකාවේ ඉතාමත් පළපුරුදු සහ උගත් වෛද්‍යවරුන් වන අතර ඔවුන් සිය උපරිම ශක්තිය යොදවා ශල්‍ය කර්මය සාර්ථකව සිදු කළෝ ය. ශල්‍ය කර්මයෙන් අනතුරුව උන්වහන්සේ සුව වෙමින් සිටි අතර, තම හිතවතුන් කිහිප දෙනෙකුටද කතාබහ කර ඇත.

ඉන් අනතුරුව උන්වහන්සේගේ රිබ්ස් (Ribs), එනම් පපුවේ ඇති අස්ථි කොටස් කැඩී ඇති බව පවසමින්, අස්ථි බද්ධයක් සිදුකිරීම සඳහා කළුබෝවිල රෝහලේ විශේෂඥ වෛද්‍යවරුන්ගේ විරෝධය මත උන්වහන්සේව බලහත්කාරයෙන්ම ආසිරි සර්ජිකල් නැමති පෞද්ගලික රෝහලට ඇතුළත් කර ඇත. එහිදී පැය 10 ක ශල්‍යකර්මයක් සිදුකර ඇත. ඊට මූලික වී ඇත්තේ සෞඛ්‍ය ඇමතිවරයාගේ පෞද්ගලික ලේකම් වෛද්‍ය සුජාතා සේනාරත්න යි.

රිබ්ස් කැඩුන විට සාමාන්‍යයෙන් සිදු කරන්නේ ඒවා සුව වෙන තුරු ඒවා හරිගස්වා රෝගියාව විවේකීව තැබීම යි. අතිශය අවදානම් තත්ත්වයක් එනම් කැඩී ඇති රිබ්ස් නිසා හෘදයට හානි වෙන ආකාරයේ අවදානමක් තිබුණොත් මිස ඒවා බද්ධ කිරීමට යන්නේ නැති බව කලුබෝවිල රෝහලේ විශේෂඥ වෛද්‍යවරුන් පවසා තිබුණි. එසේම අතිපූජ්‍ය බෙල්ලන්විල විමලරතන හිමිගේ රිබ්ස් කැඩී තිබීම කිසිදු අවදානම් සහගත තත්ත්වයේ එකක් නොවුණි. කොන්දට අදාල ශල්‍ය කර්මය කිරීමෙන් පසුව උන්වහන්සේ සිය හිතවතුන් සමග හොඳින් කතා බහ කිරීමෙන්ම උන්වහන්සේ සුව වෙමින් සිටි බව පැහැදිළි වෙයි.

කළුබෝවිල රෝහලේ විශේෂඥ වෛද්‍යවරුන් සැත්කම සාර්ථකව සිදුකර උන්වහන්සේ විවේකීව වැඩ සිටියදී, උන්වහන්සේගේ වයසට ඔරොත්තු දෙන්නේ නැති ආකාරයට පැය 10 ක ශල්‍ය කර්මයක් සිදුකිරීම වෛද්‍ය ක්ෂේත්‍රයේ දැඩි අප්‍රසාදයට ලක්ව ඇත. වෛද්‍ය සුජාතා සේනාරත්න යනු සෞඛ්‍ය අමාත්‍ය රාජිත සේනාරත්නගේ බිරිඳ බැවින්, වෛද්‍යවරුන් අනවශ්‍ය ප්‍රශ්න ඇති කර ගැනීමට ඇති අකැමති භාවය නිසා මේ ගැන වැඩි යමක් ප්‍රසිද්ධියේ පවසන්නේ නැත. මහරගම පිළිකා රෝහලේ විශේෂඥ වෛද්‍ය වසන්ත දිසානායක මහතා උක්ත සිද්ධිය සම්බන්ධයෙන් ව්‍යංගයෙන් පවසා තිබූ නමුත් ඔහුට මේ වන විට බරපතල බලපෑම් එල්ල වෙමින් පවතියි.


බටහිර රටක මෙවැන්නක් සිදුවුණානම් අදාල පෞද්ගලික රෝහලේ බලපත්‍රය තාවකාලිකව තහනම් කර විශේෂඥ වෛද්‍ය මණ්ඩලයක් හරහා පරීක්ෂණයක් සිදුකර, ඊට මැදිහත් වූ උදවියට එරෙහිව නීතිපතිවරයා ලවා අපරාධ නඩු ගොනු කරයි. එහිත් බෙල්ලන්විල විමලරතන හිමිට අදාලව ස්වාධීන පශ්චාත් මරණ පරීක්ෂණයක් තියා හදිසි මරණ පරීක්ෂණයවත් නිසියාකාරව සිදු වී නැත. බෙල්ලන්විල විමලරතන හිමිට අදාලව හදිසි මරණ පරීක්ෂණය සිදු කළ යුතුව තිබුණේ කොළඹ නාගරික හදිසි මරණ පරීක්ෂක විසිනි. 

නමුත් උන්වහන්සේගේ හදිසි මරණ පරීක්ෂණය වෙනත් බල ප්‍රදේශයක මරණ පරීක්ෂක වරයෙක් විසින් සිදුකර තිබේ. එය හිරු රූපවාහිනිය වාර්තා කළේ මෙලෙසයි.


එසේම උන්වහන්සේට හදිසි අනතුර සිදුවූයේ ඇතෙක් පහර දීමක් නිසා බව ඇත්ගොව්වා විසින් මාධ්‍ය වෙත පවසා මාධ්‍ය වල එසේ පළ වීමත්, ඉන් අනතුරුව තමන්ට ඇතෙක් පහර නොදුන් බව උන්වහන්සේ පැවසූවේ යැයි උන්වහන්සේගේ සහෝදර භික්ෂූන් වහන්සේ වන බෙල්ලන්විල ධම්මරතන හිමි මාධ්‍ය වෙත ප්‍රකාශ කිරීමත් යන පරස්පරතාවය නිසා උන්වහන්සේගේ අපවත් වීම මෑත කාලයේ සිදුවුණ තවත් අභිරහස් භික්ෂු අපවත්වීමක් බවට පත්ව ඇත.


………………………insidecolombo.com ඇසුරෙනි……………
Categories: අනාවරණ Tags:

හැදුනුම්පත් හදපු ඔබේ පෞද්ගලික තොරතුරු අනතුරේ – මෙන්න පුද්ගලයන් ලියාපදිංචි කිරීමේ දෙපාර්තමේන්තුවේ සිදුවන මහා වරදක්

February 20th, 2018 Comments off
රාජ්‍ය ආයතනයක නොසැලිකිලිමත්බව නිසා මහජනතාවගේ පෞද්ගලිකත්වයට හානි සිදු විය හැකි අවස්තාවක් පිළිබදව  අපට වාර්තා වෙනවා.

ඒ මහජනතාව හැදුනුම්පත් ආදි ලේඛන සාදා ගැනීමට පුද්ගලයන් ලියාපදිංචි කිරීමේ දෙපාර්තමේන්තුවට ලබා දෙන ඡායාරූප , උප්පැන්න සහතික ආදීය පුද්ගලයන් ලියාපදිංචි කිරීමේ දෙපාර්තමේන්තුවේ ආපන ශාලාවේ අනාරක්ෂිත ලෙස තැන්පත් කිරීම හේතුවෙන්.

මෙම ලිපි ලේඛන එම ආපන ශාලාවට පැමිණෙන ඕනෑම අයෙකුට ලබා ගත හැකි වන අයු‍රින් ගබඩා කර තැබීම නිසා. උප්පැන්න සහතික , ග්‍රාම සේව සහතික , පොලිස් සහතික හා ඡායාරූප ඇතුලු ලියකිවිලි මෙම ස්ථානයේ ගබඩා කර තිබෙන අතර එම ලියකියවිලි පුද්ගලයෙකුගේ පෞද්ගලික ලිපි ලේඛන නිසා ඒවා අස්ථානගත වීම පෞද්ගලිකත්වයට බලපාන ගැටලුවක් විය හැකියි.

එම ආපනශාලාවේ ලිපිලේඛන තැන්පත් කර තිබෙන අයුරු පහත ජයාරූප වලින් හා විඩියෝවෙන් නරඹන්න...







Categories: අනාවරණ Tags: